Popularne wersety biblijne z Luke 18

Udostępnij

Pea fai ‘e Si̇̄sū ha talanoa fakatātā ki he‘ene kau akó, ko ʻene fakahinohino kinautolu ke nau lotu ma‘u pē ʻo ‘oua ‘e fiu he faʻa lotú

Pea ʻe ʻikai koā ke fai ‘e he ‘Otuá ʻa e fakamaau totonú ki heʻene kakai fili̇́, ʻa ia ‘oku nau lotu kiate ia he ʻaho mo e pō, neongo ʻene faituai kiate kinautolú? ‘Oku ou tala moʻoni atu kiate kimoutolu, ʻe vave pē ʻene fai ʻa e fakamaau totonú kiate kinautolú. Ka ‘oka hoko mai ʻa e Foha ‘o e Tangatá ki māmani, te ne kei ma‘u ha kakai ‘oku tui pehē?”

Pea tali ‘e Si̇̄sū: ‟Ko e ngaahi meʻa ʻoku taʻemalava ʻi he vakai ʻa e tangatá, ‘oku malava pē ia ‘e he ‘Otuá.”

Pea na‘e fuoloa mo e ta‘etali ‘e he fakamāaú ʻa e kole ʻa e uitoú. Kae faifai̇́ pea naʻe pehē ʻi hono lotó, ‛Neongo ‘oku ‘ikai ha‘aku momo‘i ʻapasia ki he ‘Otuá, pē te u tokaʻi ha taha; Ka koeʻuhi̇̄ ko e toutou tuʻu mai ʻa e uitou ko eni̇́, te u fai maʻana ʻa e fakamaau totonú, naʻa ‘ikai tuku ʻene toutou fakahoha‘asi aú pea u pāhia ai.’”

‘Oku ou tala moʻoni atu kiate kimoutolu, kapau ʻe ‘ikai ke mou tali ʻa e Puleʻanga ʻo e ʻOtuá hangē ha fānau iikí, he‘ikai ‘aupito te mou lava ke hū ki ai!”

Ka naʻe ui mai ‘e Si̇̄sū ʻa e longa‘i fānaú kiate ia, ʻo ne pehē: ‟Tuku pē ke ōmai kiate au ʻa e longa‘i fānaú ʻo ʻoua ‘e ta‘ofi kinautolu, he ko e Pule‘anga ‘o e ‘Otuá, ʻoku maʻae faʻahinga ʻoku hangē ko e fānaú.

Pea folofola ʻa Si̇̄sū kiate ia: ‟Ke ke ʻā! Kuo fakamo‘ui koe ʻe ho‘o tui̇́!”

Pea pehēange ‘e Si̇̄sū ki ai: ‟Ko e hā ‘okú ke ui ai au ko e lelei̇́? Ko e ‘Otuá pē taha ‘oku lelei̇́.