Popularne wersety biblijne z Sione 14

Udostępnij

Ko e nongá ē ʻoku ou tuku kiate kimoutolu, kau ʻalu. Ko e nonga meiate au ʻoku ou foaki maʻamoutolu. ‘Oku ‘ikai hangē ko e nonga ‘oku ‘atu ‘e māmani̇́, ʻa e nonga ʻoku ou foaki atú. Ko ia, ‘oua te mou manavasiʻi pē te mou lotosiʻi.

Pea folofola ‘a Si̇̄sū kiate ia: ‟Ko au pē ko e hala, mo e mo‘oni, mo e mo‘ui. ‘Oku ‘ikai lava ke ha‘u ha taha ki he Tamai̇́, ‘okapau ‘e ‘ikai fou mai ‘iate au.

‟‘Oua naʻa hohaʻa homou lotó ki ha meʻa, ka mou tui falala ki he ‘Otuá, pea mou tui pi̇̄kitai foki kiate au.

Ka ko e Tokoniofi̇́, ʻa e Laumālie Māʻoniʻoni̇́, ʻa ia ʻe fekau mai ‘e he Tamai̇́ ʻi hoku hingoá. Ko e Toko Taha ko iā, te ne fakahinohino atu ʻa e me‘a kotoa pē, mo fakamanatu atu ʻa e ngaahi meʻa kotoa pē kuo u leaʻaki kiate kimoutolu.

Ko ia ʻokú ne maʻu ʻeku ngaahi fekaú mo talangofua ki ai̇́, ko e toko taha ia ʻoku ʻofa kiate au. Pea ko ia ʻoku ʻofa kiate aú, ʻe ʻofeina ia ʻe heʻeku Tamai̇́, pea te u ʻofa mo au foki kiate ia, pea te u fakahāaʻi au kiate ia.”

Pea te u kole ki he Tamai̇́, pea te ne foaki atu ha mou Tokoniofi ʻe taha, ke ne nofoma‘u mo kimoutolu ʻo taʻengata. Ko e Laumālie ‘o e moʻoní, ʻa ia ʻoku ‘ikai lava ke tali ‘e he maama ko eni̇́, he ‘oku ‘ikai lava ke nau mamata kiate ia, pē ke nau ‘iloʻi ia, ka ‘okú ne ʻi homou lotolotongá, pea te ne nofoma‘u ai pē ʻiate kimoutolu.

Peá ka ai ha ngaahi me‘a te mou kole mai ʻi hoku huafá, te u fai ia foki ‘e au, koe‘uhi̇̄ ke fakalāngilangiʻi ʻa e Tamai̇́ ‘i he Fohá. ʻIlonga ha me‘a te mou kole mai ke u fai ʻi hoku huafá, te u fai ia ma‘amoutolu.”

‟Kapau ‘oku mou ‘ofa kiate au, pea mou talangofua ki heʻeku ngaahi fekaú.

‘Oku lahi ʻa e ngaahi nofo‘angá ʻi he fale ‘o ‘eku Tamai̇́. Kapau naʻe ʻikai moʻoni, ʻoku mou pehē te u talaatu, ko ʻeku ʻalu ʻeni ʻo teuteu ha feituʻu ai maʻamoutolu?

Pea kapau ko ‘eku ‘alu ʻeni ‘o teu ha feituʻu ai maʻamoutolu, te u toe foki mai ‘o ‘ave kimoutolu ke tau nofo fakataha ʻi he feituʻu ʻoku ou ʻi ai̇́.

Pea pehēange ‘e Tōmasi: ‟‘Eiki, ‘oku ‘ikai te mau ‘ilo ʻa e feituʻu ʻokú ke ʻalu ki ai̇́, pea ‘e anga fēfē ha‘amau ‘ilo ʻa e hala ki ai̇́?”