Popularne wersety biblijne z Kusintii Andunya 6

Udostępnij

Nɔ inɔɛ í na í fɔ do ankãanyi do iyi nŋu í ceò amanɛ ŋa si ilɛ, í roo jiida jiida si idɔɛ.

Aɔ̃ Lafɛ̃ɛ í yɛ inɔ kukãi amanɛ ŋa í la í caa si ilɛ, lasabui idɔ nŋa ajɔ fei si laalɔ nŋu akãi í ya wa.

Amma Aɔ̃ Lafɛ̃ɛ í cea Nowee didɔ̃.

Faajii nyaanzei Nowee wee. Nowee amanɛ dee deei, wa jirima Ilaaɔ̃ si inɔi inɛi waatiɛ ŋa. Ilaaɔ̃i wa too.

Nɔ í ni, an kpa irii mii iyi ǹ taka fei si andunyau ihɛ̃i. Hai amanɛ do mɛɛmu ŋa do iŋa hai nɛ nto ŋa hee do yɛi ŋa fei an kpa ŋai domi inɔm í ya maa fɔi do iyi ǹ takaò mii ŋau bɛ fei.

Si waati iyi amanɛ ŋa à sinti ku kpɔ si ilɛ nɔ à bí ama inaabo ŋa, ŋɔi inɛi Ilaaɔ̃ ŋau à yɛ iyi ama inaaboi inɛi andunya ŋau à sĩa nɔ à cica ŋa à ce abo. Ŋɔi Aɔ̃ Lafɛ̃ɛ í ni, hundem kaa maa wa si amanɛ do ajɔ fei domi amanɛ ilu arai nɔ kukpɔi adɔ̃ɛ kaa re adɔ̃ cifa (120). Waati bɛɛbɛ mɔkɔ ngbɛ ŋai à wa si andunya hee do waati iyi inɛi Ilaaɔ̃ ŋa do ama inaaboi inɛi andunya ŋa à tɔtɔɔ à bíò ama nŋa ŋa. Mɔkɔ ngbɛ nŋu ŋau bɛ aŋai à nya iri wo tako.

Ŋɔi Nowee í ce mii ŋa iyi Ilaaɔ̃ í sɔ̃ɔu fei dee dee.

Nɔ Ilaaɔ̃ í sɔ̃ Nowee í ni, ǹ dasi idɔ n kpa mii ilu hunde fei si andunya, domi aŋai à jɔ̀ inɔ kukã í la si andunya. An kpa iri nŋai si ilɛu fei.

Awɔ Nowee, ce akɔi inyi do jĩi ndii gofɛɛ. Nɔ i jɔ̀ ku nɛ ilaawa ŋa nɔ i dasi kɔntaa si inɔɛ do anyiɛ fei.

Ŋɔi Ilaaɔ̃ í cɔ inɛi andunya ŋa í yɔɔ iyi laalɔ nŋau í la í caa, domi daai inɛ fei í bɛjɛ si andunya.

Mii iyi wa mi fei, dasi ŋa minji minji si akɔi inyiu akɔ do abo, ku ba a ba faaba do awɔ takaɛ fei ajɔ.