<div class="version vid564 iso6393nse" data-vid="564" data-iso6393="nse">
 <div class="book bkMRK">
 <div class="chapter ch4" data-usfm="MRK.4">
 <div class="label">4</div><div class="s">Mwambi wa womwazya mbuto</div><div class="r">(Mt 13:1-9; Lk 8:4-8)</div><div class="p"> 1Yesu etatika soti kusambizya ku mbali kwa Chimumana cha Galileya. Umba ya &#373;anthu iungana kwa yove, tetyo yove elo&#373;a mu ngalawa, nonkhala pansi. Umba yonse ipanama pa silya mu mbali mwa chimumana. 2E&#373;asambizya vinyinji kupitila mu myambi, enzo&#373;auzya kuti, 3&#8220;Mvwani! Munthu muyakine eluta kuyomwazya mbuto. 4Pechimwazya mbuto mu munda mwake, ziyakine ziponela mu mseu, nipo tunyoni twiwela nakulya zonse. 5Ziyakine ziponela pa myala penzeve lito inyinji. Tetyo mbuto zala zimela mangu chikomo cha lito itontho 6koma peiwela zu&#373;a tumumela twala twichipya chikomo chakuti mizyu iliyolo&#373;e pansi ngako nipo twiyuma. 7Ziyakine ziponela pa minga, yamene ikula nocheneka tumbuto twala, na kuti tuliyotwale vitwalo. 8Koma ziyakine ziponela pa chonde chiweme, nomela, nokula, notwala vitwalo: ziyakine zenze na vitwalo makumi atatu, ziyakine makumi asano na imo, na ziyakine zenze na makumi kumi.&#8221;</div><div class="p"> 9Yesu enena soti kuti, &#8220;Ali na matu akumvwa, amvwishishe!&#8221;</div><div class="s">Chilingo cha myambi</div><div class="r">(Mt 13:10-17; Lk 8:9-10)</div><div class="p"> 10Yesu penze pa yeka, asambili &#373;ala kumi na a&#373;ili pamo na &#373;anthu ayakine &#373;enzonkhala nawo emukonsha za myambi yala. 11Yesu e&#373;ayasuka kuti, &#8220;Mwewo mwepasiwa chisinsi cha Ufumu wa Mulungu, koma ayakine ali kunja akumvwa zonse mu myambi tyala, 12 kuti tetyo,</div><div class="q">&#8216;Kulolesha angaloleshe chendi,</div><div class="q2">koma osaona kanthu;</div><div class="q">na kuti kumvwa angamvwe,</div><div class="q2">koma osamvwisha kanthu.</div><div class="q">Kuti akatetyo, angatembenuke mitima,</div><div class="q2">nipo Mulungu anga&#373;alekelele.&#8217;&#8221;</div><div class="s">Yesu ola&#373;ila tanthauzo ya mwambi wa womwazya mbuto</div><div class="r">(Mt 13:18-23; Lk 8:11-15)</div><div class="p"> 13Pa vuli pake Yesu e&#373;akonsha kuti, &#8220;Kansi mukumvwalini tanthauzo ya uyu mwambi? Niye kuti mungamvwe tyani tanthauzo ya mwambi uliwonse? 14Womwazya mbuto wala ni womwazya Malizu a Mulungu. 15&#372;anthu ayakine ali ngani mbuto zoponela mu mseu; mwangamvwile Malizu a Mulungu, Satana akuza na kuzo&#373;afumya. 16Ayakine ali ngani mbuto zoponela pa myala penzeve lito, mwangamvwile Malizu, o&#373;apokelela na chimwemwe. 17Koma ozyikalini mizyu soti onkhalishalini mu mitima yawo. Tetyo mavuto na manzunzo akaza chikomo cha Malizu, &#373;anthu &#373;ala otaya chichetekelo. 18&#372;anthu ayakine ali ngani mbuto zoponela pa minga. A&#373;a ni &#373;ala akumvwa Malizu, 19koma otangwanishiwa na za pa chalo, kutemwa chuma na viyakine vukumbwilika nolu&#373;isha Malizu &#373;ala, tetyo osatwala vitwalo. 20Koma &#373;anthu ayakine ali ngani mbuto zoponela pa chonde chiweme. Akumvwa Malizu, no&#373;apokelela, notwala vitwalo: ayakine makumi atatu, ayakine makumi asano na imo, na ayakine makumi kumi.&#8221;</div><div class="s">Za nyale yovwinikila na nongo</div><div class="r">(Lk 8:16-18)</div><div class="p"> 21Lomba Yesu e&#373;akonsha kuti, &#8220;Kansi munthu angatole nyale noivwinikila na nongo keno kuiika ku nyansi kwa kama? Kansi oiikalini poika nyale? 22Chilichonse chofisika chikaonekele patu&#373;a, chilichonse chovwinikilika chikavunukuliwe. 23Ali na matu akumvwa, amvwishishe!&#8221;</div><div class="p"> 24E&#373;auzya soti kuti, &#8220;Ikani nzelu ku vamukumvwa! Malamulo &#373;amuse&#373;enzesha kupingula ayanu Mulungu aka&#373;ase&#373;enzeshe kupingula mwewo, koma mwewo chika&#373;e nyanye. 25Wala ali na vinthu kale akamupasilepo viyakine, koma aliye kalikonse akamupoke na katontho kalinako.&#8221;</div><div class="s">Mwambi wa mbuto zumela nokula</div><div class="p"> 26Yesu epitilizya kuti, &#8220;Ufumu wa Mulungu uli teti. Munthu emwazya mbuto mu munda mwake. 27Enzolala usiku, kuuka mu zu&#373;a, na kuti nsita yonse iyo mbuto zala zenzomela nokula, koma yove enzozi&#373;alini mwavenzochitikila. 28Lito yumelesha nokulisha mbuto mpaka kutwala. Yutatika kumela, nofumya ngalangala na kuzotwala vitwalo. 29Pameneapo vitwalo vikapya, wala munthu otola jeko yose&#373;ela, pakuti nsita yowezya yafwika.&#8221;</div><div class="s">Mwambi wa mbuto ya mpilu</div><div class="r">(Mt 13:31-32,34; Lk 13:18-19)</div><div class="p"> 30Yesu ekonsha kuti, &#8220;Kansi Ufumu wa Mulungu tingaulinganizye na chinji? Ngani mwambi wotyani watingase&#373;enzeshe kuti tiutanthauzile? 31Uli ngani mbuto ya mpilu. Munthu otola mbuto itontho ngako mu chalo, noikomola pa lito. 32Pakapita nsita, yukula nonkhala mumela ukulu ngako pa vumela vonse. Yuku&#373;a na misambo ikulu chakuti tunyoni tuwela nopangamo tuvumbo mu chimfule chake.&#8221;</div><div class="p"> 33Yesu enzola&#373;ila na &#373;anthu Malizu a Mulungu pose&#373;enzesha myambi inyinji ngani iyi; enzo&#373;auzya vinyinji vakuti amvwishishe. 34Enzola&#373;ilalini nawo kosase&#373;enzesha myambi, koma aka&#373;a yeka na asambili &#373;ake, enzowatanthauzila vonse.</div><div class="s">Yesu olesha chinkhuka</div><div class="r">(Mt 8:23-27; Lk 8:22-25)</div><div class="p"> 35Mu chingulo mwa nsiku yamene yala Yesu euzya asambili &#373;ake kuti, &#8220;Tiyeni titaukile kusilya iyakine ya chimumana.&#8221; 36Tetyo eisiya umba yala; asambili elo&#373;a mu ngalawa mwenze nkhezi Yesu noluta naye. Penze mangalawa ayakine enzo&#373;akonkha. 37Movundumukizya chinkhuka choyofya chewela, na kuti matambazi etatika kulo&#373;a mu ngalawa, nipo mwetatika kuzula manzi. 38Yesu enze ku vuli kwa ngalawa, enze lele na mutu wake wenze pa chosamilapo.</div><div class="p">Asambili &#373;ake emuusha, echiti, &#8220;Asambizyi, kansi musamalalini kuti tikufwa?&#8221;</div><div class="p"> 39Yesu euka nolamulila chinkhuka nouzya matambazi kuti, &#8220;Leka! Nkhala chelele!&#8221; Chinkhuka chala chileka, nipo matambazi enkhala chelele.</div><div class="p"> 40Lomba Yesu euzya asambili &#373;ake kuti, &#8220;Ni chinji muchita mwezo? Kansi nalomba muliye chichetekelo?&#8221;</div><div class="p"> 41Koma enze echita mwezo nokanganishiwa tetyo ekonshana kuti, &#8220;Kansi uyu munthu ni &#373;ani? Wakuti ngankhale chinkhuka na matambazi vumumvwila!&#8221;</div>
 </div>
 </div>
</div>

The Gospel of Mark in Nsenga © Bible Society of Zambia, 2013.

Yesu etatika soti kusambizya ku mbali kwa Chimumana cha Galileya. Umba ya ŵanthu iungana kwa yove, tetyo yove eloŵa mu ngalawa, nonkhala pansi. Umba yonse ipanama pa silya mu mbali mwa chimumana. Eŵasambizya vinyinji kupitila mu myambi, enzoŵauzya kuti, “Mvwani! Munthu muyakine eluta kuyomwazya mbuto. Pechimwazya mbuto mu munda mwake, ziyakine ziponela mu mseu, nipo tunyoni twiwela nakulya zonse. Ziyakine ziponela pa myala penzeve lito inyinji. Tetyo mbuto zala zimela mangu chikomo cha lito itontho koma peiwela zuŵa tumumela twala twichipya chikomo chakuti mizyu iliyoloŵe pansi ngako nipo twiyuma. Ziyakine ziponela pa minga, yamene ikula nocheneka tumbuto twala, na kuti tuliyotwale vitwalo. Koma ziyakine ziponela pa chonde chiweme, nomela, nokula, notwala vitwalo: ziyakine zenze na vitwalo makumi atatu, ziyakine makumi asano na imo, na ziyakine zenze na makumi kumi.”
Yesu enena soti kuti, “Ali na matu akumvwa, amvwishishe!”


Yesu penze pa yeka, asambili ŵala kumi na aŵili pamo na ŵanthu ayakine ŵenzonkhala nawo emukonsha za myambi yala. Yesu eŵayasuka kuti, “Mwewo mwepasiwa chisinsi cha Ufumu wa Mulungu, koma ayakine ali kunja akumvwa zonse mu myambi tyala, kuti tetyo,
‘Kulolesha angaloleshe chendi,
koma osaona kanthu;
na kuti kumvwa angamvwe,
koma osamvwisha kanthu.
Kuti akatetyo, angatembenuke mitima,
nipo Mulungu angaŵalekelele.’”


Pa vuli pake Yesu eŵakonsha kuti, “Kansi mukumvwalini tanthauzo ya uyu mwambi? Niye kuti mungamvwe tyani tanthauzo ya mwambi uliwonse? Womwazya mbuto wala ni womwazya Malizu a Mulungu. Ŵanthu ayakine ali ngani mbuto zoponela mu mseu; mwangamvwile Malizu a Mulungu, Satana akuza na kuzoŵafumya. Ayakine ali ngani mbuto zoponela pa myala penzeve lito, mwangamvwile Malizu, oŵapokelela na chimwemwe. Koma ozyikalini mizyu soti onkhalishalini mu mitima yawo. Tetyo mavuto na manzunzo akaza chikomo cha Malizu, ŵanthu ŵala otaya chichetekelo. Ŵanthu ayakine ali ngani mbuto zoponela pa minga. Aŵa ni ŵala akumvwa Malizu, koma otangwanishiwa na za pa chalo, kutemwa chuma na viyakine vukumbwilika noluŵisha Malizu ŵala, tetyo osatwala vitwalo. Koma ŵanthu ayakine ali ngani mbuto zoponela pa chonde chiweme. Akumvwa Malizu, noŵapokelela, notwala vitwalo: ayakine makumi atatu, ayakine makumi asano na imo, na ayakine makumi kumi.”


Lomba Yesu eŵakonsha kuti, “Kansi munthu angatole nyale noivwinikila na nongo keno kuiika ku nyansi kwa kama? Kansi oiikalini poika nyale? Chilichonse chofisika chikaonekele patuŵa, chilichonse chovwinikilika chikavunukuliwe. Ali na matu akumvwa, amvwishishe!”
Eŵauzya soti kuti, “Ikani nzelu ku vamukumvwa! Malamulo ŵamuseŵenzesha kupingula ayanu Mulungu akaŵaseŵenzeshe kupingula mwewo, koma mwewo chikaŵe nyanye. Wala ali na vinthu kale akamupasilepo viyakine, koma aliye kalikonse akamupoke na katontho kalinako.”

Yesu epitilizya kuti, “Ufumu wa Mulungu uli teti. Munthu emwazya mbuto mu munda mwake. Enzolala usiku, kuuka mu zuŵa, na kuti nsita yonse iyo mbuto zala zenzomela nokula, koma yove enzoziŵalini mwavenzochitikila. Lito yumelesha nokulisha mbuto mpaka kutwala. Yutatika kumela, nofumya ngalangala na kuzotwala vitwalo. Pameneapo vitwalo vikapya, wala munthu otola jeko yoseŵela, pakuti nsita yowezya yafwika.”


Yesu ekonsha kuti, “Kansi Ufumu wa Mulungu tingaulinganizye na chinji? Ngani mwambi wotyani watingaseŵenzeshe kuti tiutanthauzile? Uli ngani mbuto ya mpilu. Munthu otola mbuto itontho ngako mu chalo, noikomola pa lito. Pakapita nsita, yukula nonkhala mumela ukulu ngako pa vumela vonse. Yukuŵa na misambo ikulu chakuti tunyoni tuwela nopangamo tuvumbo mu chimfule chake.”
Yesu enzolaŵila na ŵanthu Malizu a Mulungu poseŵenzesha myambi inyinji ngani iyi; enzoŵauzya vinyinji vakuti amvwishishe. Enzolaŵilalini nawo kosaseŵenzesha myambi, koma akaŵa yeka na asambili ŵake, enzowatanthauzila vonse.


Mu chingulo mwa nsiku yamene yala Yesu euzya asambili ŵake kuti, “Tiyeni titaukile kusilya iyakine ya chimumana.” Tetyo eisiya umba yala; asambili eloŵa mu ngalawa mwenze nkhezi Yesu noluta naye. Penze mangalawa ayakine enzoŵakonkha. Movundumukizya chinkhuka choyofya chewela, na kuti matambazi etatika kuloŵa mu ngalawa, nipo mwetatika kuzula manzi. Yesu enze ku vuli kwa ngalawa, enze lele na mutu wake wenze pa chosamilapo.
Asambili ŵake emuusha, echiti, “Asambizyi, kansi musamalalini kuti tikufwa?”
Yesu euka nolamulila chinkhuka nouzya matambazi kuti, “Leka! Nkhala chelele!” Chinkhuka chala chileka, nipo matambazi enkhala chelele.
Lomba Yesu euzya asambili ŵake kuti, “Ni chinji muchita mwezo? Kansi nalomba muliye chichetekelo?”
Koma enze echita mwezo nokanganishiwa tetyo ekonshana kuti, “Kansi uyu munthu ni ŵani? Wakuti ngankhale chinkhuka na matambazi vumumvwila!”

Słuchaj Mako 4