The Ateso Bible

Ebaibuli 2012 (Drama NT)

<div class="version vid436 iso6393teo" data-vid="436" data-iso6393="teo">
 <div class="book bkLUK">
 <div class="chapter ch9" data-usfm="LUK.9">
 <div class="label">9</div><div class="p"> 1 # 
 Mat 10:1,7,9-14; Mk 6:7-13. Konyarau lutomon ka luarei nepepe, koinak apedor ka apolou kama ejaas ajokin kere, ka aita&#331;aleun adekesia. 2Kiyakia kes alimonokin ajakanut naka Edeke, ka aita&#331;aleun da lukadekak, 3#Luk 10:4-11; Asw 13:51. Kotema kes atiar, &#8220;Sirikiya&#331;aasi ibore kere yenikerot, karaida ebela, karaida ecoe, karaida inyamat, karaida apesan, karaida ajaut kikason iarei. 4#Luk 10:5-7. Ka&#331;olitogo loilomanarete, kosalenenete nen, aitodol nainyounioto alosit. 5#Luk 10:11. &#330;ul lumam kisukunyikinete yes, nainyounioto kotoma ore ka&#331;ol, kilakilakenenete adae nuka akejenekus araut akajenak kamakec.&#8221; 6Koloto kesi, kiriamas ireria, elimonokinete Akiro Nukajokak, ka aita&#331;aleun da ka&#331;iniibois.</div><div class="p"> 7 # 
 Mat 16:14; Mk 8:28; Luk 9:19. Kosodi kiira ekabaka Kerode nukiswamao kere; kiyalo&#331;o&#331; noi, naarai kebalas itu&#331;a ice ebe, ajaru Yokana kotoma okatwak; 8ka ice da ebe, &#8220;Atakanu Eliya&#8221;; ka ice da ebe, &#8220;Ajaru ediopet kotoma onabin lukolo sek.&#8221; 9#Luk 23:8. Kobala Kerode ebe, &#8220;Abu kajepa akou naka Yokana; konye i&#331;ai bo lo loapupi eo&#331; akiro nuetia nen?&#8221; Kokoto aanyun &#331;es.</div><div class="p"> 10 # 
 Mat 14:13-21; Mk 6:30-44; Yok 6:1-13. Kosodi kebo&#331;ut ikiyakia kitejenut Yesu akiro kere nuapotu kiswamata, Koya&#331;a kes, kogita kiton ore loenyaritai Betesaida. 11Konye nakejenuniata ikodeta kotupasi &#331;es; kisukunyik kes kaiyalama kolimok kes nuka ajakanut naka Edeke, kita&#331;aleu da lukipudas aita&#331;aleunio, 12Kejotaki akolo&#331;; kopotu lutomon kaarei mama ejai, kotemasi atiar, &#8220;Kotwar ekodet, tetere elosete toma oreria ka amanat da nuidunyatar, kodumutu neeperete ka inyamat da; naarai kijaa ne amodi&#331;.&#8221; 13Konye kotema kes atiar, &#8220;Koinakisi yesi kes lunyaman.&#8221; Kotemasi atiar, &#8220;Emamei sio ibore yenedeparit imugatin ikany ka agaria aarei; arai mam kilosit agwelakin etu&#331;at lo kere inyamat.&#8221; 14Naarai emwaasi ikiliok bala ilukumin ikany. Kotema ikekesisiak atiar, &#8220;Kisiboikis kes katukon bala akaisakany &#331;initukot.&#8221; 15Kiswamata kwa&#331;in, kisiboikis kes kere. 16Kolem imugatin lukany, ka agaria aarei, kosesen akuj, kisirere&#331; kes, kobilibil; koinak ikesisiak akoranakin ekodet. 17#2 Ika 4:44. Konyama, kimonikinos kere; kotukonokinai atutubeta nuabilibila nukesalete, iditai itomon ka luarei.</div><div class="p"> 18 # 
 Mat 16:13-28; Mk 8:27&#8211;9:1. Kosodi kanen, napilipi &#331;esi kogitara, kojaas ikekesisiak nenipe ka&#331;es: ki&#331;it kes ebe, &#8220;Ebalas ikodeta ebe arai eo&#331; i&#331;ai?&#8221; 19#Mat 14:1-2; Mk 6:14-15; Luk 9:7-8. Kobo&#331;okis ebe, &#8220;Yokana Lokebatisan; konye ice Eliya; ice da ebe ajaru ediopet konabin lukolo sek.&#8221; 20#Yok 6:68-69. Kotema kes atiar, &#8220;Ido bo yes kibalas ebe arai eo&#331; i&#331;ai?&#8221; Kobo&#331;ok Petero ebe, &#8220;Ijo&#331; Kristo loka Edeke.&#8221; 21Konye kicor kes, kisimik alimokin idiotu&#331;anan akirot &#331;in. 22#Luk 9:44; 18:32,33. Kobala ebe, &#8220;Ibusakinit Okoku loka etu&#331;anan aiticanio nuipu, egirete da imakio ka isasedotin lupeti ka ikewadikak, ka aiar, kapaaran da nakiwuniet ejaruni.&#8221; 23#Mat 10:38; Luk 14:27. Kolimok kes kere ebe, &#8220;Arai ekoto itu&#331;anan aitup eo&#331;, ko&#331;erokin ilopet, korio&#331; ekemusalaba &#331;inipaaran, katup eo&#331;. 24#Mat 10:39; Luk 17:33; Yok 12:25. Naarai &#331;in yenekoto aitaiar akeijar etwaniari; konye &#331;in yenetwaniari akeijar kanuka&#331;, itajari &#331;es, 25Naarai ajokis anyoin arai kedumu itu&#331;anan akwapin kere, kitoolio arai kotwania akeijar? 26#Mat 10:33. Naarai yenirumete ileic kanuka&#331;, kanuka akakiro da, irumete ileic Okoku loka etu&#331;anan da kanuke&#331;, naebunio kaibusesuke, ka naka Papa, ka naka imalaikan da lukalaunak. 27Konye abeit katemari yes atiar, Ejaas ice kaluebwoete kane lumam iirete cut atwanare aitodol neaanyuniata ajakanut naka Edeke.&#8221;</div><div class="p"> 28 # 
 2 Pet 1:17-18; Mat 17:1-9; Mk 9:2-9. Kosodi kanen akaulo kakiro ka&#331;un bala apaarasia akanykauni, koya&#331;a Petero ka Yokana ka Yakobo, kodoka oro&#331;at ailip. 29Napilipi, kogelakin epone loke ereeteke, kiliacanata ikenapen komwekimwekete, 30Ido koany, kineras itu&#331;a iarei ka&#331;es, lukeraas Musa ka Eliya; 31#Luk 9:22. luketakanete kaibuses, kineras akiro nuka atwanareke naelosi &#331;esi aitodolikin koYerusalem. 32#2 Pet 1:16-18; Yok 1:14. Kilurunito Petero ka lukejaas ka&#331;es ajo; konye nakekwenyuniata koanyutu aibusesuke, ka kwi da iarei lukebwoete ka&#331;es, 33Kosodi kanen, napetiakas ka&#331;es, kotema Petero Yesu atiar, &#8220;Ekapolon, ejok oni ajaut ne; aso keswamata iswamin iuni; ediopet lokon, ediopet loka Musa, ka ediopet da loka Eliya.&#8221; Komam eje&#331;i nukinera. 34Napinera &#331;esi &#331;un, kobu edou, kiteribo kes; kokuriakaros nakelomariata odou. 35#Isa 42:1; Mat 3:17; 12:18; Mk 1:11; Luk 3:22. Kolom eporoto kotoma odou, kobala ebe, &#8220;Lo &#331;es Okokuka, loseunaka; kiirasi &#331;es.&#8221; 36Napinera eporoto &#331;ol, kotakan Yesu bon. Kilili&#331;ata kesi, komam elimokinete idiotu&#331;anan kapaarasia ka&#331;un adiokirot kanuaanyut.</div><div class="p"> 37 # 
 Mat 17:14-23; Mk 9:14-32. Kosodi kanen apaaran naatupakini nakedokuniata koro&#331;at, kiriamunos kekodet loepol. 38Ido koany, kiworo etu&#331;anan kotoma okodet ebe, &#8220;Ekesisianakinan, ke&#331;ai&#331;ait, koany ikakoku; naarai erai ikateluna; 39Ido koany, ikamununei ajokit &#331;es, atipet isilalai; bobo da kisiilio, kokui ekuetete, mam inyeini dimarai kationis, idecideci &#331;es, 40e&#331;ai&#331;a ikonikesisiak aire&#331;ear &#331;es, konye mam epedoro.&#8221; 41Kobo&#331;ok Yesu kotema atiar, &#8220;Wu okwe yes atur namam iyuunit, naepaarit, etodoli eo&#331; ai ajaut kayes, ka atiti&#331;ikinit da yes? Koyau ma ikonikoku ne.&#8221; 42#Luk 7:15. Napebuni kibirok ajokit kwap, kisiilio. Kiretak Yesu ajokit naerono, kita&#331;aleu isapat kinyakak papake. 43Koumokis kere apolou naka Edeke.</div><div class="p">Konye napeumokinitos kere akiro kere nueswamai, kotema &#331;esi ikekesisiak atiar, 44#Luk 9:22.&#8220;Kitolomasi akiro nu akiikus; naarai einakinio Okoku loka etu&#331;anan akanin nuka itu&#331;a.&#8221; 45#Luk 18:34; Mk 9:32. Konye mam kes apotu kojenut akirot &#331;in, kimunonitai kamakec, kinyeis amisiikin; koyo&#331;ata ai&#331;it apolou naka akirot ka&#331;in.</div><div class="p"> 46 # 
 Luk 22:24. Kogeut epeget kotomakec ebe i&#331;ai bo kakesi eraun lokapolon. #Mat 18:1-5; Mk 9:33-40. 47Konye kejen Yesu epeget loka itauonokec, koyau ikoku yenididi, kisibwo kodieke, 48#Mat 10:40; Luk 10:16; Yok 13:20. kotema kes atiar, &#8220;&#330;in yenisukunyikini ikoku yen kokirorika kesukunyikinit eo&#331;, &#331;in da yenikesukunyikini eo&#331;, isukunyikinit &#331;ol lokejukuni; naarai loerai loedit kokidi&#331;ikus kere, &#331;ol &#331;es erai lokapolon.&#8221;</div><div class="p"> 49Kobo&#331;ok Yokana kotema atiar, &#8220;Ekapolon, kipou kaanyutu etu&#331;anan ire&#331;eari ajokin kokirorikon, kesimika &#331;es, naarai mam kiupa kaoni.&#8221; 50#Luk 11:23; Pil 1:18. Konye Yesu kotema &#331;es atiar, &#8220;Sirikisimika; naarai &#331;ol lomam erai lokasurupikus, erai lokowaikus.&#8221;</div><div class="p"> 51 # 
 Mk 10:32; Yok 7:1. Kosodi kanen, keapuut apaarasiake nuka aitodokario, kitogogo&#331; akonyeneke alosit Yerusalem. 52#Yok 4:4. Kijuka ikiyakia ali&#331;akin &#331;es, koloto kolomasi ore loka Isamarian tetere itemokinete kanuke&#331;; 53#Yok 4:9. konye mam kes apotu kisukunyikis, naarai atereit akekonyen aibe Yerusalem. 54#2 Ika 1:9-16. Keanyut ikekesisiak Yakob ka Yokana &#331;un, kobalas ebe, &#8220;Ejakait, ikoto kecorakis akim kodoku kokuju komudia kes [kwape kolo eswamaa Eliya]?&#8221; 55Konye kibelokin, kitoron kes, [kotema atiar, &#8220;Mam ijenete epone loka emoyo loejai kayes. Naarai mam abunit Okoku loka etu&#331;anan amudiar aijar naka itu&#331;a, dimarai aitaiar.&#8221;] 56Koloto ore ece.</div><div class="p"> 57 # 
 Mat 8:19-22. Napelosete kesi korot, kotema etu&#331;anan atiar, &#8220;Katupenenei jo kama ilosi kere.&#8221; 58Kotema Yesu &#331;es atiar, &#8220;Ejaas ikuwei apanya, akweny da nuka apak ejaas akaisikec; konye Okoku loka etu&#331;anan emamei nama iperikini akekou.&#8221; 59Kotema &#331;esi ece atiar, &#8220;Kotupunai.&#8221; Konye kobala ebe, &#8220;Ejakait, kisiikinai ber kalot keda papaka.&#8221; 60Konye kotema &#331;es atiar, &#8220;Kinye lukatwak kidaata lukarwakakec; konye jo, kolot kolimono ajakanut naka Edeke.&#8221; 61#1 Ika 19:20. Kobala ece da ebe, &#8220;Ejakait, katupenenei jo; konye kisiikinai ber katwar itu&#331;a lukokaleka.&#8221; 62Konye Yesu kotema &#331;es atiar, &#8220;Emamei yeneti&#331;it emeleku lokimo&#331;in, kosesen kau, yenibusakinit ajakanut naka Edeke.&#8221;</div>
 </div>
 </div>
</div>

Ateso Old Version Bible © United Bible Societies, 1961.

Konyarau lutomon ka luarei nepepe, koinak apedor ka apolou kama ejaas ajokin kere, ka aitaŋaleun adekesia. Kiyakia kes alimonokin ajakanut naka Edeke, ka aitaŋaleun da lukadekak, Kotema kes atiar, “Sirikiyaŋaasi ibore kere yenikerot, karaida ebela, karaida ecoe, karaida inyamat, karaida apesan, karaida ajaut kikason iarei. Kaŋolitogo loilomanarete, kosalenenete nen, aitodol nainyounioto alosit. Ŋul lumam kisukunyikinete yes, nainyounioto kotoma ore kaŋol, kilakilakenenete adae nuka akejenekus araut akajenak kamakec.” Koloto kesi, kiriamas ireria, elimonokinete Akiro Nukajokak, ka aitaŋaleun da kaŋiniibois.
Kosodi kiira ekabaka Kerode nukiswamao kere; kiyaloŋoŋ noi, naarai kebalas ituŋa ice ebe, ajaru Yokana kotoma okatwak; ka ice da ebe, “Atakanu Eliya”; ka ice da ebe, “Ajaru ediopet kotoma onabin lukolo sek.” Kobala Kerode ebe, “Abu kajepa akou naka Yokana; konye iŋai bo lo loapupi eoŋ akiro nuetia nen?” Kokoto aanyun ŋes.
Kosodi keboŋut ikiyakia kitejenut Yesu akiro kere nuapotu kiswamata, Koyaŋa kes, kogita kiton ore loenyaritai Betesaida. Konye nakejenuniata ikodeta kotupasi ŋes; kisukunyik kes kaiyalama kolimok kes nuka ajakanut naka Edeke, kitaŋaleu da lukipudas aitaŋaleunio, Kejotaki akoloŋ; kopotu lutomon kaarei mama ejai, kotemasi atiar, “Kotwar ekodet, tetere elosete toma oreria ka amanat da nuidunyatar, kodumutu neeperete ka inyamat da; naarai kijaa ne amodiŋ.” Konye kotema kes atiar, “Koinakisi yesi kes lunyaman.” Kotemasi atiar, “Emamei sio ibore yenedeparit imugatin ikany ka agaria aarei; arai mam kilosit agwelakin etuŋat lo kere inyamat.” Naarai emwaasi ikiliok bala ilukumin ikany. Kotema ikekesisiak atiar, “Kisiboikis kes katukon bala akaisakany ŋinitukot.” Kiswamata kwaŋin, kisiboikis kes kere. Kolem imugatin lukany, ka agaria aarei, kosesen akuj, kisirereŋ kes, kobilibil; koinak ikesisiak akoranakin ekodet. Konyama, kimonikinos kere; kotukonokinai atutubeta nuabilibila nukesalete, iditai itomon ka luarei.
Kosodi kanen, napilipi ŋesi kogitara, kojaas ikekesisiak nenipe kaŋes: kiŋit kes ebe, “Ebalas ikodeta ebe arai eoŋ iŋai?” Koboŋokis ebe, “Yokana Lokebatisan; konye ice Eliya; ice da ebe ajaru ediopet konabin lukolo sek.” Kotema kes atiar, “Ido bo yes kibalas ebe arai eoŋ iŋai?” Koboŋok Petero ebe, “Ijoŋ Kristo loka Edeke.” Konye kicor kes, kisimik alimokin idiotuŋanan akirot ŋin. Kobala ebe, “Ibusakinit Okoku loka etuŋanan aiticanio nuipu, egirete da imakio ka isasedotin lupeti ka ikewadikak, ka aiar, kapaaran da nakiwuniet ejaruni.” Kolimok kes kere ebe, “Arai ekoto ituŋanan aitup eoŋ, koŋerokin ilopet, korioŋ ekemusalaba ŋinipaaran, katup eoŋ. Naarai ŋin yenekoto aitaiar akeijar etwaniari; konye ŋin yenetwaniari akeijar kanukaŋ, itajari ŋes, Naarai ajokis anyoin arai kedumu ituŋanan akwapin kere, kitoolio arai kotwania akeijar? Naarai yenirumete ileic kanukaŋ, kanuka akakiro da, irumete ileic Okoku loka etuŋanan da kanukeŋ, naebunio kaibusesuke, ka naka Papa, ka naka imalaikan da lukalaunak. Konye abeit katemari yes atiar, Ejaas ice kaluebwoete kane lumam iirete cut atwanare aitodol neaanyuniata ajakanut naka Edeke.”
Kosodi kanen akaulo kakiro kaŋun bala apaarasia akanykauni, koyaŋa Petero ka Yokana ka Yakobo, kodoka oroŋat ailip. Napilipi, kogelakin epone loke ereeteke, kiliacanata ikenapen komwekimwekete, Ido koany, kineras ituŋa iarei kaŋes, lukeraas Musa ka Eliya; luketakanete kaibuses, kineras akiro nuka atwanareke naelosi ŋesi aitodolikin koYerusalem. Kilurunito Petero ka lukejaas kaŋes ajo; konye nakekwenyuniata koanyutu aibusesuke, ka kwi da iarei lukebwoete kaŋes, Kosodi kanen, napetiakas kaŋes, kotema Petero Yesu atiar, “Ekapolon, ejok oni ajaut ne; aso keswamata iswamin iuni; ediopet lokon, ediopet loka Musa, ka ediopet da loka Eliya.” Komam ejeŋi nukinera. Napinera ŋesi ŋun, kobu edou, kiteribo kes; kokuriakaros nakelomariata odou. Kolom eporoto kotoma odou, kobala ebe, “Lo ŋes Okokuka, loseunaka; kiirasi ŋes.” Napinera eporoto ŋol, kotakan Yesu bon. Kililiŋata kesi, komam elimokinete idiotuŋanan kapaarasia kaŋun adiokirot kanuaanyut.
Kosodi kanen apaaran naatupakini nakedokuniata koroŋat, kiriamunos kekodet loepol. Ido koany, kiworo etuŋanan kotoma okodet ebe, “Ekesisianakinan, keŋaiŋait, koany ikakoku; naarai erai ikateluna; Ido koany, ikamununei ajokit ŋes, atipet isilalai; bobo da kisiilio, kokui ekuetete, mam inyeini dimarai kationis, idecideci ŋes, eŋaiŋa ikonikesisiak aireŋear ŋes, konye mam epedoro.” Koboŋok Yesu kotema atiar, “Wu okwe yes atur namam iyuunit, naepaarit, etodoli eoŋ ai ajaut kayes, ka atitiŋikinit da yes? Koyau ma ikonikoku ne.” Napebuni kibirok ajokit kwap, kisiilio. Kiretak Yesu ajokit naerono, kitaŋaleu isapat kinyakak papake. Koumokis kere apolou naka Edeke.
Konye napeumokinitos kere akiro kere nueswamai, kotema ŋesi ikekesisiak atiar, “Kitolomasi akiro nu akiikus; naarai einakinio Okoku loka etuŋanan akanin nuka ituŋa.” Konye mam kes apotu kojenut akirot ŋin, kimunonitai kamakec, kinyeis amisiikin; koyoŋata aiŋit apolou naka akirot kaŋin.
Kogeut epeget kotomakec ebe iŋai bo kakesi eraun lokapolon. Konye kejen Yesu epeget loka itauonokec, koyau ikoku yenididi, kisibwo kodieke, kotema kes atiar, “Ŋin yenisukunyikini ikoku yen kokirorika kesukunyikinit eoŋ, ŋin da yenikesukunyikini eoŋ, isukunyikinit ŋol lokejukuni; naarai loerai loedit kokidiŋikus kere, ŋol ŋes erai lokapolon.”
Koboŋok Yokana kotema atiar, “Ekapolon, kipou kaanyutu etuŋanan ireŋeari ajokin kokirorikon, kesimika ŋes, naarai mam kiupa kaoni.” Konye Yesu kotema ŋes atiar, “Sirikisimika; naarai ŋol lomam erai lokasurupikus, erai lokowaikus.”
Kosodi kanen, keapuut apaarasiake nuka aitodokario, kitogogoŋ akonyeneke alosit Yerusalem. Kijuka ikiyakia aliŋakin ŋes, koloto kolomasi ore loka Isamarian tetere itemokinete kanukeŋ; konye mam kes apotu kisukunyikis, naarai atereit akekonyen aibe Yerusalem. Keanyut ikekesisiak Yakob ka Yokana ŋun, kobalas ebe, “Ejakait, ikoto kecorakis akim kodoku kokuju komudia kes [kwape kolo eswamaa Eliya]?” Konye kibelokin, kitoron kes, [kotema atiar, “Mam ijenete epone loka emoyo loejai kayes. Naarai mam abunit Okoku loka etuŋanan amudiar aijar naka ituŋa, dimarai aitaiar.”] Koloto ore ece.
Napelosete kesi korot, kotema etuŋanan atiar, “Katupenenei jo kama ilosi kere.” Kotema Yesu ŋes atiar, “Ejaas ikuwei apanya, akweny da nuka apak ejaas akaisikec; konye Okoku loka etuŋanan emamei nama iperikini akekou.” Kotema ŋesi ece atiar, “Kotupunai.” Konye kobala ebe, “Ejakait, kisiikinai ber kalot keda papaka.” Konye kotema ŋes atiar, “Kinye lukatwak kidaata lukarwakakec; konye jo, kolot kolimono ajakanut naka Edeke.” Kobala ece da ebe, “Ejakait, katupenenei jo; konye kisiikinai ber katwar ituŋa lukokaleka.” Konye Yesu kotema ŋes atiar, “Emamei yenetiŋit emeleku lokimoŋin, kosesen kau, yenibusakinit ajakanut naka Edeke.”

Słuchaj Luka 9