Kusaal - 1996 WBT (Drama NT)

<div class="version vid3752 iso6393kus" data-vid="3752" data-iso6393="kus">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s">Yesu pa&#331; ny&#603;&#603;b la y&#603;la</div><div class="r">(Mat 21:23-27; Mak 11:27-33)</div><div class="p"> 1Daar yinne ka Yesu b&#603; Wina'am P&#651;'&#651;sim Yinn&#603; pa'an nidib ka m&#596;&#596;n labas&#651;&#331; la tisidi ba, ka maanmaannib kp&#603;&#603;mnam n&#603; gbau&#331;mi'idib n&#603; kp&#603;&#603;mnam sieba 2kena y&#603;l o ye, &#8220;Y&#603;limi ti f&#651;n ny&#603; pa&#331; ka&#331;a zin'isi'a. Ka an&#596;'&#596;n&#603; tisif suor ka f&#651; ni&#331;id n&#603;'&#603;nama?&#8221;</div><div class="p"> 3Ka o l&#603;bisi ba ye, &#8220;Mam m&#603; na bu'osi ya bu'os&#651;g yinne. Y&#603;liminim, 4Joon Wina'am ku'om s&#651;&#651;b la da yin&#603; Wina'am san'an na b&#603;&#603; saalib san'an&#603;?&#8221;</div><div class="p"> 5Ka ba pin'ili nw&#603;'&#603;d taaba s&#596;&#596;ra y&#603;t ye, &#8220;Ti ya'a ye li yin&#603; Wina'am san'an na, o na y&#603;li ti ye, ka b&#596; ka ti p&#651; siak o? 6Ka ti m&#603; ya'a ye li yin&#603; saalibin na, nidib la w&#651;sa na l&#596;bi ti n&#603; kuga, b&#596;zug&#596; nidib la siak ye Joon da an&#603; Wina'am n&#596;di'es.&#8221;</div><div class="p"> 7Ka ba g&#651;'&#651;&#331; ka l&#603;bis o ye, &#8220;Ti zi' lin yi zin'isi'a naa.&#8221;</div><div class="p"> 8Ka Yesu m&#603; y&#603;li ba ye, &#8220;Mam m&#603; k&#651; y&#603;li ya mam ny&#603; pa&#331; kan&#603; ka m m&#596;ri t&#651;m n&#603;'&#603;nam la yi zin'isi'a naa.&#8221;</div><div class="s">L&#596;mb&#596;n'&#596;g s&#596;b t&#651;mt&#651;mnib la siili&#331;</div><div class="r">(Mat 21:33-44; Mak 12:1-12)</div><div class="p"> 9Ka Yesu y&#603;li ba siili&#331; ka&#331;a ye, &#8220;Dau s&#596;' da maal o l&#596;mb&#596;n'&#596;g&#651; s&#603; tiis, ka nwi&#603;n ke&#331; te&#331; si'a saa yuug ka n&#596;k o l&#596;mb&#596;n'&#596;g la ni&#331; p&#596;gu'udib nu'usin. 10Ka bunib sa&#331;a paae ka o t&#651;m t&#651;mt&#651;m ye o ke&#331; p&#596;gu'udib la san'an&#603; di'e o din na. Ka ba b&#651;' o l&#603;bis o n&#603; nu'uzaalis. 11Ka o l&#603;n t&#651;m yinne ba san'an na ka ba b&#651;' o b&#603;'&#603;d b&#603;'&#603;di kad o bas n&#603; nu'uzaalis m&#603;n. 12Ka o sin ka maligim t&#651;m yinne paas atan', ka ba pu'alim o ka yis o l&#596;mb&#596;n'&#596;gin la bas.</div><div class="p"> 13&#8220;Ka l&#596;mb&#596;n'&#596;g s&#596;b la y&#603;l ye, &#8216;M y&#651;'&#651;n na ni&#331; wala? M ya'a na za&#331; n&#603; m m&#603;&#331; biigi t&#651;m ka li ya'a an on&#603; ba na na'as o.&#8217;</div><div class="p"> 14&#8220;Ka p&#596;gu'udib la ny&#603;&#603; o m&#603;&#331; biig la, ba y&#603;l ye, &#8216;Eh&#603;&#603;n! O&#331;a s&#651;'oe faar la, k&#603;lli ka ti k&#651;&#651; o ka faar la liebi ti din.&#8217; 15Ka ba gban'e o v&#603;'&#603;gi yi l&#596;mb&#596;n'&#596;gin la k&#651;&#651; o.&#8221;</div><div class="p">Ka Yesu bu'osi ba ye, &#8220;Ya t&#603;n'&#603;s ka l&#596;mb&#596;n'&#596;g la s&#596;b na ni&#331; nimbama wala? 16O na kena k&#651; nidib la ka t&#596;&#596;m nimpaala k&#603; ka ba gur l&#596;mb&#596;n'&#596;g la.&#8221;</div><div class="p">Ka nidib la w&#651;m ala la, ka ye, &#8220;Win da k&#603; ka nwa' maal&#603;.&#8221;</div><div class="p"> 17Ka Yesu g&#596;si ba ka y&#603;l ye, &#8220;Ka n&#603;'&#603;&#331;a gbin an b&#596; ka ba s&#596;b Wina'am gbau&#331;&#651;n la ye,</div><div class="q1">&#8220;&#8216;Tampigkan&#603; ka tanm&#603;&#603;dib daa n&#603;'&#603;s la lieb l&#596;digin tampigir&#603;&#8217;?</div><div class="m"> 18Ka on&#603; pansigi lu kugkan zug na b&#603;nnim-b&#603;nnim, ka li ya'a lu diinl s&#596;' zug, li na m&#603;dig o.&#8221;</div><div class="s">Lamp&#596; y&#596;&#596;b la y&#603;la</div><div class="r">(Mat 21:45-46; 22:15-22; Mak 12:12-17)</div><div class="p"> 19Ka gbau&#331;mi'idib n&#603; maanmaan kp&#603;&#603;mnam&#603; ba&#331; ye o siilim siili&#331; ka&#331;a n&#603; tis ban la, ka b&#596;&#596;d ye ba gban'e o sa&#331;kan, amaa ka z&#596;t nidib la dabiem.</div><div class="p"> 20Ka ba maligim m&#596;digi ba m&#603;&#331;i kpansid o ka t&#651;m nimbi'es ban&#603; ma' ye ba an&#603; sida dim ye ba maal ya'am n&#603; ya'am gban'e o, o pian'adin, ka m&#596;r o ke&#331; ni&#331; g&#596;mena nu'usin. 21Lin&#603; an ban bu'os o ye, &#8220;Pa'anna, ti mi' ye, f&#651; pian'ad ka pa'an lin&#603; d&#596;l suor ka p&#651; m&#596;r barega&#331;aa, ka pa'an Wina'am y&#603;la n&#603; sida. 22Li d&#596;l suor ye ti y&#596; lamp&#596;&#596; tis na'ab Siiza b&#603;&#603; li p&#651; d&#596;l suor&#603;?&#8221;</div><div class="p"> 23Ka o ba&#331;i ba zam la ka y&#603;li ba ye, 24&#8220;M&#596;r la'af yinne na.&#8221; Ka ba m&#596;r na. Ka o bu'osi ba ye, &#8220;An&#596;'&#596;n footo n&#603; an&#596;'&#596;n y&#651;'&#651;ri s&#596;bi tabili li ni?&#8221;</div><div class="p"> 25Ka ba l&#603;bis ye, &#8220;Li an&#603; Siiza din.&#8221;</div><div class="p">Ka Yesu y&#603;li ba ye, &#8220;Tisimi na'ab Siiza lin&#603; aan o din ka m&#603; tisi Wina'am lin&#603; aan o din.&#8221;</div><div class="p"> 26Ka ban ye ba zam o ka gban'e o nidibin la, ba maki g&#651;'&#651;&#331; n&#603;. On l&#603;bisi ba si'em la paki ba n&#603; ka ba l&#603;bi an baanlimm.</div><div class="s">Kum v&#651;'&#651;gir la y&#603;la</div><div class="r">(Mat 22:23-33; Mak 12:18-27)</div><div class="p"> 27Ka Sadusii dim la sieba ban&#603; ye kum v&#651;'&#651;gir kae la k&#603;n o san'an na 28bu'os o ye, &#8220;Pa'anna, Moses da s&#596;b ye nid ba'abiig ya'a kpi ka bas o pu'a ka o ka' biis&#603;, on dim o p&#651;k&#596;&#596;nr la du'a biisi tis ba'abiig la.&#8221; 29T&#596;', ba'abiis ay&#596;p&#596;i da b&#603;. Ka on&#603; an kp&#603;&#603;m la di pu'a ka kpi ka p&#651; bas biiga. 30Ka on&#603; tia'al la m&#603; di p&#651;k&#596;&#596;nr la ka kpi m&#603;n. 31Ka on&#603; paas atan' la m&#603; ni&#331; ala. Ka ba di p&#651;k&#596;&#596;nr la yinne-yinne kaligi ba w&#651;sa ka m&#603; kpii babay&#596;p&#596;i la w&#651;sa ka ba s&#596;' san'an p&#651; du'a biiga. 32Ka li nya'a&#331; la ka pu'a la m&#603; kpi. 33Nannanna, ba ya'a ti v&#651;'&#651;g kumin&#603;, an&#596;'&#596;n na an pu'a nwa' sida? B&#596;zug&#596; babay&#596;p&#596;i la w&#651;sa di pu'a la.</div><div class="p"> 34Ka Yesu l&#603;bisi ba ye, &#8220;Z&#651;maa&#331; ka&#331;a dim sieba dit pu'ab ka kun sidib, 35amaa ban&#603; ka Wina'am g&#596;s ka li nar ye ba ti v&#651;'&#651;g kumin ka kp&#603;n' dunia kan&#603; ken la na, k&#651; ti dit pu'ab b&#603;&#603; kun sidiba. 36Ba k&#651; nya&#331;i l&#603;n kpii, b&#596;zug&#596; ban n&#603; maliaknam zemn&#603; ka ba an Wina'am biis ka an nimban&#603; v&#651;'&#651;g kumin. 37Li ya'a an&#603; kum v&#651;'&#651;gir y&#603;la, Moses da s&#596;bi li y&#603;la pa'al nyain zin'ikan ka bugum da dit tituug la, ka buol Zugs&#596;b la ye, &#8216;Abraham Wina'am n&#603; Isaak Wina'am n&#603; Jakob Wina'am la.&#8217; 38Zugs&#596;b la ka' kpi'imnam Wina'am amaa o an&#603; ban&#603; v&#651;e Wina'am, b&#596;zug&#596; o san'an ka nidib w&#651;sa m&#596;r ny&#596;v&#651;r.&#8221;</div><div class="p"> 39Ka gbau&#331;mi'idib la sieba l&#603;bis o ye, &#8220;Pa'anna, f&#651; pian' s&#651;'&#651;&#331;a.&#8221; 40Ba y&#651;'&#651;n da z&#596;t n&#603; ban na l&#603;m bu'os o si'el ya'as.</div><div class="s">Kristo la y&#603;la</div><div class="r">(Mat 22:41-46; Mak 12:35-37)</div><div class="p"> 41Ka Yesu y&#603;li ba ye, &#8220;Wala ka ba y&#603;l ye, Kristo an&#603; David yaa&#331;a? 42David da p&#651;n d&#603;&#331;in y&#603;l Wina'am y&#651;&#651;ma gbau&#331;&#651;n ye,</div><div class="q1">&#8220;&#8216;Zugs&#596;b la y&#603;li m Zugs&#596;b ye,</div><div class="q1">&#8220;Zin'inimi m datiu&#331;,</div><div class="q1"> 43hali ka m ti k&#603; ka f&#651; bi'emnam</div><div class="q2">b&#603;&#603; f&#651; n&#596;ba te&#331;ir.&#8221;&#8217;</div><div class="m"> 44Ka David m&#603;&#331;i sadigim buol o ye, &#8216;Zugs&#596;ba&#8217; la, li ni&#331; wala ka o an David yaa&#331;a?&#8221;</div><div class="s">Gbau&#331;mi'idib la y&#603;la</div><div class="r">(Mat 23:1-36; Mak 12:38-40)</div><div class="p"> 45O da y&#603;l o nya'and&#596;lib la nidib la w&#651;sa t&#651;ba ni ye, 46&#8220;Gu'usimi ya m&#603;&#331; n&#603; gbau&#331;mi'idib ban&#603; giligid n&#603; fub&#603;da, ka b&#596;&#596;d ye nidib p&#651;'&#651;sidi ba da'an, ka zin' zin'is&#651;ma la'as&#651;g d&#596;&#596;din n&#603; zin'iban&#603; an na'asi zin'is di'ema zin'isin, 47ka faand p&#651;k&#596;nya ya' ka ma' s&#596;sid Wina'am n&#603; pian'at&#596;&#596;g la. Ba na ny&#603; k&#651;&#651;sb&#603;'&#603;d b&#603;deg&#651;.&#8221;</div>
 </div>
 </div>
</div>

Daar yinne ka Yesu bɛ Wina'am Pʋ'ʋsim Yinnɛ pa'an nidib ka mɔɔn labasʋŋ la tisidi ba, ka maanmaannib kpɛɛmnam nɛ gbauŋmi'idib nɛ kpɛɛmnam sieba kena yɛl o ye, “Yɛlimi ti fʋn nyɛ paŋ kaŋa zin'isi'a. Ka anɔ'ɔnɛ tisif suor ka fʋ niŋid nɛ'ɛnama?”
Ka o lɛbisi ba ye, “Mam mɛ na bu'osi ya bu'osʋg yinne. Yɛliminim, Joon Wina'am ku'om sʋʋb la da yinɛ Wina'am san'an na bɛɛ saalib san'anɛ?”
Ka ba pin'ili nwɛ'ɛd taaba sɔɔra yɛt ye, “Ti ya'a ye li yinɛ Wina'am san'an na, o na yɛli ti ye, ka bɔ ka ti pʋ siak o? Ka ti mɛ ya'a ye li yinɛ saalibin na, nidib la wʋsa na lɔbi ti nɛ kuga, bɔzugɔ nidib la siak ye Joon da anɛ Wina'am nɔdi'es.”
Ka ba gʋ'ʋŋ ka lɛbis o ye, “Ti zi' lin yi zin'isi'a naa.”
Ka Yesu mɛ yɛli ba ye, “Mam mɛ kʋ yɛli ya mam nyɛ paŋ kanɛ ka m mɔri tʋm nɛ'ɛnam la yi zin'isi'a naa.”


Ka Yesu yɛli ba siiliŋ kaŋa ye, “Dau sɔ' da maal o lɔmbɔn'ɔgʋ sɛ tiis, ka nwiɛn keŋ teŋ si'a saa yuug ka nɔk o lɔmbɔn'ɔg la niŋ pɔgu'udib nu'usin. Ka bunib saŋa paae ka o tʋm tʋmtʋm ye o keŋ pɔgu'udib la san'anɛ di'e o din na. Ka ba bʋ' o lɛbis o nɛ nu'uzaalis. Ka o lɛn tʋm yinne ba san'an na ka ba bʋ' o bɛ'ɛd bɛ'ɛdi kad o bas nɛ nu'uzaalis mɛn. Ka o sin ka maligim tʋm yinne paas atan', ka ba pu'alim o ka yis o lɔmbɔn'ɔgin la bas.
“Ka lɔmbɔn'ɔg sɔb la yɛl ye, ‘M yʋ'ʋn na niŋ wala? M ya'a na zaŋ nɛ m mɛŋ biigi tʋm ka li ya'a an onɛ ba na na'as o.’
“Ka pɔgu'udib la nyɛɛ o mɛŋ biig la, ba yɛl ye, ‘Ehɛɛn! Oŋa sʋ'oe faar la, kɛlli ka ti kʋʋ o ka faar la liebi ti din.’ Ka ba gban'e o vɛ'ɛgi yi lɔmbɔn'ɔgin la kʋʋ o.”
Ka Yesu bu'osi ba ye, “Ya tɛn'ɛs ka lɔmbɔn'ɔg la sɔb na niŋ nimbama wala? O na kena kʋ nidib la ka tɔɔm nimpaala kɛ ka ba gur lɔmbɔn'ɔg la.”
Ka nidib la wʋm ala la, ka ye, “Win da kɛ ka nwa' maalɛ.”
Ka Yesu gɔsi ba ka yɛl ye, “Ka nɛ'ɛŋa gbin an bɔ ka ba sɔb Wina'am gbauŋʋn la ye,
“‘Tampigkanɛ ka tanmɛɛdib daa nɛ'ɛs la lieb lɔdigin tampigirɛ’?
Ka onɛ pansigi lu kugkan zug na bɛnnim-bɛnnim, ka li ya'a lu diinl sɔ' zug, li na mɛdig o.”


Ka gbauŋmi'idib nɛ maanmaan kpɛɛmnamɛ baŋ ye o siilim siiliŋ kaŋa nɛ tis ban la, ka bɔɔd ye ba gban'e o saŋkan, amaa ka zɔt nidib la dabiem.
Ka ba maligim mɔdigi ba mɛŋi kpansid o ka tʋm nimbi'es banɛ ma' ye ba anɛ sida dim ye ba maal ya'am nɛ ya'am gban'e o, o pian'adin, ka mɔr o keŋ niŋ gɔmena nu'usin. Linɛ an ban bu'os o ye, “Pa'anna, ti mi' ye, fʋ pian'ad ka pa'an linɛ dɔl suor ka pʋ mɔr baregaŋaa, ka pa'an Wina'am yɛla nɛ sida. Li dɔl suor ye ti yɔ lampɔɔ tis na'ab Siiza bɛɛ li pʋ dɔl suorɛ?”
Ka o baŋi ba zam la ka yɛli ba ye, “Mɔr la'af yinne na.” Ka ba mɔr na. Ka o bu'osi ba ye, “Anɔ'ɔn footo nɛ anɔ'ɔn yʋ'ʋri sɔbi tabili li ni?”
Ka ba lɛbis ye, “Li anɛ Siiza din.”
Ka Yesu yɛli ba ye, “Tisimi na'ab Siiza linɛ aan o din ka mɛ tisi Wina'am linɛ aan o din.”
Ka ban ye ba zam o ka gban'e o nidibin la, ba maki gʋ'ʋŋ nɛ. On lɛbisi ba si'em la paki ba nɛ ka ba lɛbi an baanlimm.


Ka Sadusii dim la sieba banɛ ye kum vʋ'ʋgir kae la kɛn o san'an na bu'os o ye, “Pa'anna, Moses da sɔb ye nid ba'abiig ya'a kpi ka bas o pu'a ka o ka' biisɛ, on dim o pʋkɔɔnr la du'a biisi tis ba'abiig la.” Tɔ', ba'abiis ayɔpɔi da bɛ. Ka onɛ an kpɛɛm la di pu'a ka kpi ka pʋ bas biiga. Ka onɛ tia'al la mɛ di pʋkɔɔnr la ka kpi mɛn. Ka onɛ paas atan' la mɛ niŋ ala. Ka ba di pʋkɔɔnr la yinne-yinne kaligi ba wʋsa ka mɛ kpii babayɔpɔi la wʋsa ka ba sɔ' san'an pʋ du'a biiga. Ka li nya'aŋ la ka pu'a la mɛ kpi. Nannanna, ba ya'a ti vʋ'ʋg kuminɛ, anɔ'ɔn na an pu'a nwa' sida? Bɔzugɔ babayɔpɔi la wʋsa di pu'a la.
Ka Yesu lɛbisi ba ye, “Zʋmaaŋ kaŋa dim sieba dit pu'ab ka kun sidib, amaa banɛ ka Wina'am gɔs ka li nar ye ba ti vʋ'ʋg kumin ka kpɛn' dunia kanɛ ken la na, kʋ ti dit pu'ab bɛɛ kun sidiba. Ba kʋ nyaŋi lɛn kpii, bɔzugɔ ban nɛ maliaknam zemnɛ ka ba an Wina'am biis ka an nimbanɛ vʋ'ʋg kumin. Li ya'a anɛ kum vʋ'ʋgir yɛla, Moses da sɔbi li yɛla pa'al nyain zin'ikan ka bugum da dit tituug la, ka buol Zugsɔb la ye, ‘Abraham Wina'am nɛ Isaak Wina'am nɛ Jakob Wina'am la.’ Zugsɔb la ka' kpi'imnam Wina'am amaa o anɛ banɛ vʋe Wina'am, bɔzugɔ o san'an ka nidib wʋsa mɔr nyɔvʋr.”
Ka gbauŋmi'idib la sieba lɛbis o ye, “Pa'anna, fʋ pian' sʋ'ʋŋa.” Ba yʋ'ʋn da zɔt nɛ ban na lɛm bu'os o si'el ya'as.


Ka Yesu yɛli ba ye, “Wala ka ba yɛl ye, Kristo anɛ David yaaŋa? David da pʋn dɛŋin yɛl Wina'am yʋʋma gbauŋʋn ye,
“‘Zugsɔb la yɛli m Zugsɔb ye,
“Zin'inimi m datiuŋ,
hali ka m ti kɛ ka fʋ bi'emnam
bɛɛ fʋ nɔba teŋir.”’
Ka David mɛŋi sadigim buol o ye, ‘Zugsɔba’ la, li niŋ wala ka o an David yaaŋa?”


O da yɛl o nya'andɔlib la nidib la wʋsa tʋba ni ye, “Gu'usimi ya mɛŋ nɛ gbauŋmi'idib banɛ giligid nɛ fubɛda, ka bɔɔd ye nidib pʋ'ʋsidi ba da'an, ka zin' zin'isʋma la'asʋg dɔɔdin nɛ zin'ibanɛ an na'asi zin'is di'ema zin'isin, ka faand pʋkɔnya ya' ka ma' sɔsid Wina'am nɛ pian'atɔɔg la. Ba na nyɛ kʋʋsbɛ'ɛd bɛdegʋ.”

Słuchaj Luk 20