Batak Karo - Today's Karo Version, 1987 (NT) Non-Drama

Batak Karo - Today's Karo Version, 1987 (NT) Drama

<div class="version vid35 iso6393btx" data-vid="35" data-iso6393="btx">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Jesus i lebe-lebe Pilatus</div><div class="r">(Mat 27:1-2,11-14; Mrk 15:1-5; Joh 18:28-38)</div><div class="p"> 1Jenari tedis kerina anggota sidang e. Ibabana Jesus ngadap man Pilatus. 2Iadukenna Jesus nina, &#8220;Enggo tangkas man kami uga pemabaiNa bangsa kami papak. Iajuk-ajukna kalak gelah ola nggalar pajak man Pemerentah Roma janah ikatakenNa maka IA kap Kristus, Raja e.&#8221;</div><div class="p"> 3Nungkun Pilatus man Jesus nina, &#8220;Kam kin Raja kalak Jahudi?&#8221;</div><div class="p">Erjabap Jesus, &#8220;Bagi katandu e me!&#8221;</div><div class="p"> 4Jenari nina Pilatus man imam-imam si mbelin ras kalak si nterem, &#8220;La lit ku dat kesalahen kai pe i bas IA.&#8221;</div><div class="p"> 5Tapi igegehi kalak ndai ngatakenca, &#8220;Iajuk-ajukNa kerina rayat taneh Jahudi alu pengajarenNa. Ibenakenna i Galilea janah genduari enggo seh ku jenda.&#8221;</div><div class="s">Jesus i lebe-lebe Herodes</div><div class="p"> 6Kenca ibegi Pilatus si e, nungkun ia nina, &#8220;Kalak Galilea kin IA?&#8221; 7Kenca ietehna maka Jesus i taneh si ikuasai Herodes nari, e maka isuruhna Jesus ngadap man Herodes. Paksa si e Herodes pe i Jerusalem. 8Asum idah Herodes Jesus meriah kal ukurna. Sabap ndekah me ibegina berita kerna Jesus dingen mesikel ia ngidahsa. Ngarap pe ia ngidah Jesus erbahan tanda-tanda sengget. 9E maka melala penungkunenna man Jesus, tapi sengkebabah ranan pe la ijabap Jesus. 10Paksa si e pe, reh ku lebe imam-imam si mbelin ras guru-guru agama kalak Jahudi. Alu merawa-rawa ikatakenna pengadunna nandangi Jesus. 11E maka Herodes ras tentera-tenterana mulai nggombang-gombangi dingen ngisak-ngisakken Jesus. Ipakekenna baju si mehaga man bana jenari isuruhna mulih ku Pilatus. 12Mulai i bas wari si ndai enggo erteman Herodes ras Pilatus. Ope denga si e la ia meriah.</div><div class="s">Jesus iukum mate</div><div class="r">(Mat 27:15-26; Mrk 15:6-15; Joh 18:39&#8211;19:16)</div><div class="p"> 13Kenca bage ipepulung Pilatus imam-imam si mbelin ras peminpin-peminpin bage pe kalak si nterem. 14Nina man kalak e, &#8220;Enggo ibabandu IA ngadap man bangku janah ikatakenndu maka iajariNa bangsa enda papak. Genduari enggo IA kuperiksa i lebe-lebendu, tapi la lit kudat salahNa bagi si ikatakenndu e. 15Herodes pe la lit idatna salahNa, e maka isuruhna IA mulihken man banta. Si tuhuna labo lit salahNa si sue ras ukumen mate. 16Perbahan si e, iligasi saja me IA jenari ibebasken.&#8221;</div><div class="p">[ 17I bas tep-tep Wari Raya Paskah, Pilatus arus mulahi sekalak kalak tahanen man kalak si nterem.]</div><div class="p"> 18Nina kalak si nterem e alu megang, &#8220;Bunuh IA! Pulahi Barabas man kami!&#8221; ( 19Barabas enda ipenjaraken asum ia ikut i bas pemberontaken ras pembunuhen si jadi i bas kuta e.)</div><div class="p"> 20Ngerana ka Pilatus alu megang man kalak si nterem sabap atena mulahi Jesus. 21Tapi ngaloi kalak si nterem alu sora si megang nina, &#8220;Pakukenlah IA! Pakukenlah IA ku kayu persilang!&#8221;</div><div class="p"> 22Petelu kaliken ngerana Pilatus nina, &#8220;Kejahaten kai kin si tuhuna enggo ibahanNa? La kap lit kudat salahNa sue ras ukumen mate. Iligasi saja me IA jenari ipulahi.&#8221;</div><div class="p"> 23Tapi igegehi kalak e asa gangna sorana gelah Jesus ipakuken ku kayu persilang. Dungna menang me kalak si nterem e. 24E maka iputusken Pilatus ukumen Jesus bagi pemindon kalak si nterem. 25Ipulahina sekalak si ipindoken kalak si nterem, e me kalak si ipenjaraken erkiteken pemberontaken ras pembunuhen. Tapi Jesus iendeskenna man kalak si nterem gelah ibahanna bagi ate-atena.</div><div class="s">Jesus ipakuken ku kayu persilang</div><div class="r">(Mat 27:32-44; Mrk 15:21-32; Joh 19:17-27)</div><div class="p"> 26Jesus ibaba ku darat kota. I tengah dalan simbel ras sekalak dilaki si atena bengket ku kota e, gelarna Simon i Kireni nari. Itangkap serdadu e ia, jenari ipaksana mersan kayu persilang Jesus janah erdalan ngikutken IA.</div><div class="p"> 27Nterem kal jelma si ngarakken Jesus. I bas si e lit piga-piga diberu; itangisi diberu e me Jesus. 28Itulihken Jesus kempak diberu e, jenari nina, &#8220;O diberu-diberu Jerusalem! Ola tangisindu Aku, tapi tangisilah bandu ras anak-anakndu. 29Sabap reh me pagi warina maka ikataken kalak, &#8216;Sangap kal diberu si la ertuah, si la pernah mupus dingen si la pernah pepinemken!&#8217; 30Paksa si e pe ikataken kalak man deleng-deleng, &#8216;Runtuhlah, dabuhi min kami!&#8217;, janah man uruk-uruk nina, &#8216;Tamburi min kami!&#8217; #Hos 10:8; Ket 6:16 31Sabap adi bagenda me perbahanen kalak nandangi kayu si meratah, apai denga ka nandangi kayu si kerah?&#8221;</div><div class="p"> 32Lit pe dua kalak nari ibaba kalak e, e me kalak si jahat guna iukum mate raduken Jesus. 33Kenca seh kalak e i bas ingan si igelari &#8220;Takal-takal&#8221;, ipakukenna Jesus ku kayu persilang. Penjahat si dua kalak e pe ipakukenna ka, sekalak arah kemuhen Jesus, sekalak arah kawesNa. 34Nina Jesus ertoto, &#8220;O Bapa, alemi min kalak enda, sabap la iangkana kai si ibahanna enda.&#8221;</div><div class="p">Ibagiken kalak e uis Jesus alu erbahan tikam tanduk. #Msm 22:19 35Kalak si nterem tedis janahna ngenen-ngenen, janah peminpin-peminpin kalak Jahudi nokoh-nokohi Jesus nina, &#8220;Kalak si deban isampatiNa; pelepaslah IA mulahi baNa adi IA kin Mesias si ipadanken Dibata e.&#8221; #Msm 22:8</div><div class="p"> 36Perajurit-perajurit pe nokoh-nokohi Jesus; ideherina IA janah iberekenna anggur macem man baNa, #Msm 69:22 37jenari nina, &#8220;Adi Kam kin Raja kalak Jahudi, pulahilah baNdu!&#8221;</div><div class="p"> 38I babo Jesus lit isuratken, &#8220;Enda me Raja kalak Jahudi.&#8221;</div><div class="p"> 39Sekalak i bas penjahat si ipakuken i je igombangina Jesus, nina, &#8220;Ma Kam kin Mesias si ipadanken Dibata e? Pulahilah baNdu dingen pulahi pe kami!&#8221;</div><div class="p"> 40Tapi ipandang sekalak nari ia nina, &#8220;La kin kam mbiar Dibata? Kita seri ukumenta ras IA. 41Adi kita ma bujur nge bagenda, sabap kita iukum sue nge ras perbahanenta. Tapi IA labo lit perbahanenNa si salah.&#8221; 42Jenari nina man Jesus, &#8220;O Jesus, inget aku asum Kam reh pagi jadi Raja!&#8221;</div><div class="p"> 43Ngaloi Jesus man bana, &#8220;Kukataken man bandu maka sendah me kam ras Aku i Pardis.&#8221;</div><div class="s">Kematen Jesus</div><div class="r">(Mat 27:45-56; Mrk 15:33-41; Joh 19:28-30)</div><div class="p"> 44Kira-kira pukul sepuludua matawari lanai ersinalsal janah gelap kerina negeri e seh pukul telu. 45Kire-kire Rumah Pertoton merigat erbelah dua. #Kel 26:31-33 46Serko Jesus alu megang soraNa nina, &#8220;O Bapa, ku bas tanNdu Kuendesken tendingKu!&#8221; Kenca ikatakenNa si e, mate IA. #Msm 31:6</div><div class="p"> 47Asum idah kepala perajurit kai si enggo jadi ipujina Dibata nina, &#8220;Tuhu-tuhu IA la ersalah!&#8221;</div><div class="p"> 48Kalak si nterem si pulung i je ngenen-ngenen, mulih ku rumahna nemtemi bana kenca idahna kai si enggo jadi e. 49Kerina teman-teman Jesus, ikut pe diberu-diberu si enggo ngikutken IA i Galilea nari, i dauh-dauh nari ia tedis ngenehen kejadin e kerina. #Luk 8:2-3</div><div class="s">Jesus ikuburken</div><div class="r">(Mat 27:57-61; Mrk 15:42-47; Joh 19:38-42)</div><div class="p"> 50-51Lit i je sekalak gelarna Jusup. Asalna i kuta Arimatea i taneh Judea nari. Ia kalak bujur dingen ihamati kalak si nimai kerehen Kinirajan Dibata. Aminna gia anggota Sidang Mahkamah Agama, tapi ia la setuju keputusen ras tindaken Mahkamah e. 52Lawes ia ngadap man Pilatus guna mindo mait Jesus. 53Kenca ipesusurna mait e ibalutina alu uis mbentar. Jenari itamakenna ku bas kuburen si itukak i bas lingling batu kuburen si langa pernah ipake. 54Wari e wari Jumat; jam persikapen wari Sabat nandangi seh.</div><div class="p"> 55Diberu-diberu si ngikutken Jesus i Galilea nari e ikut ras Jusup. Iperdiatekenna kuburen e, janah idahna pe kuga mait Jesus itamaken ku bas kuburen e. 56Kenca bage mulih ia ku rumah nikapken rempah-rempah si merim ras minak wangi guna mait Jesus.</div><div class="p">I bas wari Sabat la ia banci erdahin bagi si iperentahken Undang-undang. #Kel 20:10; Ul 5:14</div>
 </div>
 </div>
</div>

Batak Karo Bible © Indonesian Bible Society, 2003.

Jenari tedis kerina anggota sidang e. Ibabana Jesus ngadap man Pilatus. Iadukenna Jesus nina, “Enggo tangkas man kami uga pemabaiNa bangsa kami papak. Iajuk-ajukna kalak gelah ola nggalar pajak man Pemerentah Roma janah ikatakenNa maka IA kap Kristus, Raja e.”
Nungkun Pilatus man Jesus nina, “Kam kin Raja kalak Jahudi?”
Erjabap Jesus, “Bagi katandu e me!”
Jenari nina Pilatus man imam-imam si mbelin ras kalak si nterem, “La lit ku dat kesalahen kai pe i bas IA.”
Tapi igegehi kalak ndai ngatakenca, “Iajuk-ajukNa kerina rayat taneh Jahudi alu pengajarenNa. Ibenakenna i Galilea janah genduari enggo seh ku jenda.”

Kenca ibegi Pilatus si e, nungkun ia nina, “Kalak Galilea kin IA?” Kenca ietehna maka Jesus i taneh si ikuasai Herodes nari, e maka isuruhna Jesus ngadap man Herodes. Paksa si e Herodes pe i Jerusalem. Asum idah Herodes Jesus meriah kal ukurna. Sabap ndekah me ibegina berita kerna Jesus dingen mesikel ia ngidahsa. Ngarap pe ia ngidah Jesus erbahan tanda-tanda sengget. E maka melala penungkunenna man Jesus, tapi sengkebabah ranan pe la ijabap Jesus. Paksa si e pe, reh ku lebe imam-imam si mbelin ras guru-guru agama kalak Jahudi. Alu merawa-rawa ikatakenna pengadunna nandangi Jesus. E maka Herodes ras tentera-tenterana mulai nggombang-gombangi dingen ngisak-ngisakken Jesus. Ipakekenna baju si mehaga man bana jenari isuruhna mulih ku Pilatus. Mulai i bas wari si ndai enggo erteman Herodes ras Pilatus. Ope denga si e la ia meriah.


Kenca bage ipepulung Pilatus imam-imam si mbelin ras peminpin-peminpin bage pe kalak si nterem. Nina man kalak e, “Enggo ibabandu IA ngadap man bangku janah ikatakenndu maka iajariNa bangsa enda papak. Genduari enggo IA kuperiksa i lebe-lebendu, tapi la lit kudat salahNa bagi si ikatakenndu e. Herodes pe la lit idatna salahNa, e maka isuruhna IA mulihken man banta. Si tuhuna labo lit salahNa si sue ras ukumen mate. Perbahan si e, iligasi saja me IA jenari ibebasken.”
[ I bas tep-tep Wari Raya Paskah, Pilatus arus mulahi sekalak kalak tahanen man kalak si nterem.]
Nina kalak si nterem e alu megang, “Bunuh IA! Pulahi Barabas man kami!” ( Barabas enda ipenjaraken asum ia ikut i bas pemberontaken ras pembunuhen si jadi i bas kuta e.)
Ngerana ka Pilatus alu megang man kalak si nterem sabap atena mulahi Jesus. Tapi ngaloi kalak si nterem alu sora si megang nina, “Pakukenlah IA! Pakukenlah IA ku kayu persilang!”
Petelu kaliken ngerana Pilatus nina, “Kejahaten kai kin si tuhuna enggo ibahanNa? La kap lit kudat salahNa sue ras ukumen mate. Iligasi saja me IA jenari ipulahi.”
Tapi igegehi kalak e asa gangna sorana gelah Jesus ipakuken ku kayu persilang. Dungna menang me kalak si nterem e. E maka iputusken Pilatus ukumen Jesus bagi pemindon kalak si nterem. Ipulahina sekalak si ipindoken kalak si nterem, e me kalak si ipenjaraken erkiteken pemberontaken ras pembunuhen. Tapi Jesus iendeskenna man kalak si nterem gelah ibahanna bagi ate-atena.


Jesus ibaba ku darat kota. I tengah dalan simbel ras sekalak dilaki si atena bengket ku kota e, gelarna Simon i Kireni nari. Itangkap serdadu e ia, jenari ipaksana mersan kayu persilang Jesus janah erdalan ngikutken IA.
Nterem kal jelma si ngarakken Jesus. I bas si e lit piga-piga diberu; itangisi diberu e me Jesus. Itulihken Jesus kempak diberu e, jenari nina, “O diberu-diberu Jerusalem! Ola tangisindu Aku, tapi tangisilah bandu ras anak-anakndu. Sabap reh me pagi warina maka ikataken kalak, ‘Sangap kal diberu si la ertuah, si la pernah mupus dingen si la pernah pepinemken!’ Paksa si e pe ikataken kalak man deleng-deleng, ‘Runtuhlah, dabuhi min kami!’, janah man uruk-uruk nina, ‘Tamburi min kami!’ Sabap adi bagenda me perbahanen kalak nandangi kayu si meratah, apai denga ka nandangi kayu si kerah?”
Lit pe dua kalak nari ibaba kalak e, e me kalak si jahat guna iukum mate raduken Jesus. Kenca seh kalak e i bas ingan si igelari “Takal-takal”, ipakukenna Jesus ku kayu persilang. Penjahat si dua kalak e pe ipakukenna ka, sekalak arah kemuhen Jesus, sekalak arah kawesNa. Nina Jesus ertoto, “O Bapa, alemi min kalak enda, sabap la iangkana kai si ibahanna enda.”
Ibagiken kalak e uis Jesus alu erbahan tikam tanduk. Kalak si nterem tedis janahna ngenen-ngenen, janah peminpin-peminpin kalak Jahudi nokoh-nokohi Jesus nina, “Kalak si deban isampatiNa; pelepaslah IA mulahi baNa adi IA kin Mesias si ipadanken Dibata e.”
Perajurit-perajurit pe nokoh-nokohi Jesus; ideherina IA janah iberekenna anggur macem man baNa, jenari nina, “Adi Kam kin Raja kalak Jahudi, pulahilah baNdu!”
I babo Jesus lit isuratken, “Enda me Raja kalak Jahudi.”
Sekalak i bas penjahat si ipakuken i je igombangina Jesus, nina, “Ma Kam kin Mesias si ipadanken Dibata e? Pulahilah baNdu dingen pulahi pe kami!”
Tapi ipandang sekalak nari ia nina, “La kin kam mbiar Dibata? Kita seri ukumenta ras IA. Adi kita ma bujur nge bagenda, sabap kita iukum sue nge ras perbahanenta. Tapi IA labo lit perbahanenNa si salah.” Jenari nina man Jesus, “O Jesus, inget aku asum Kam reh pagi jadi Raja!”
Ngaloi Jesus man bana, “Kukataken man bandu maka sendah me kam ras Aku i Pardis.”


Kira-kira pukul sepuludua matawari lanai ersinalsal janah gelap kerina negeri e seh pukul telu. Kire-kire Rumah Pertoton merigat erbelah dua. Serko Jesus alu megang soraNa nina, “O Bapa, ku bas tanNdu Kuendesken tendingKu!” Kenca ikatakenNa si e, mate IA.
Asum idah kepala perajurit kai si enggo jadi ipujina Dibata nina, “Tuhu-tuhu IA la ersalah!”
Kalak si nterem si pulung i je ngenen-ngenen, mulih ku rumahna nemtemi bana kenca idahna kai si enggo jadi e. Kerina teman-teman Jesus, ikut pe diberu-diberu si enggo ngikutken IA i Galilea nari, i dauh-dauh nari ia tedis ngenehen kejadin e kerina.


Lit i je sekalak gelarna Jusup. Asalna i kuta Arimatea i taneh Judea nari. Ia kalak bujur dingen ihamati kalak si nimai kerehen Kinirajan Dibata. Aminna gia anggota Sidang Mahkamah Agama, tapi ia la setuju keputusen ras tindaken Mahkamah e. Lawes ia ngadap man Pilatus guna mindo mait Jesus. Kenca ipesusurna mait e ibalutina alu uis mbentar. Jenari itamakenna ku bas kuburen si itukak i bas lingling batu kuburen si langa pernah ipake. Wari e wari Jumat; jam persikapen wari Sabat nandangi seh.
Diberu-diberu si ngikutken Jesus i Galilea nari e ikut ras Jusup. Iperdiatekenna kuburen e, janah idahna pe kuga mait Jesus itamaken ku bas kuburen e. Kenca bage mulih ia ku rumah nikapken rempah-rempah si merim ras minak wangi guna mait Jesus.
I bas wari Sabat la ia banci erdahin bagi si iperentahken Undang-undang.

Słuchaj LUKAS 23