Romani, Sinti - Romanes Arbeit Marburg (Drama NT)

<div class="version vid3082 iso6393rmo" data-vid="3082" data-iso6393="rmo">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">O Jesus krell i banges sasto</div><div class="p"> 1Pal kowa his i baro Debleskro diwes i biboldenge. Un o Jesus djas an o foro Jerusalem. 2An o foro Jerusalem his i pani pash ko foreskro wudar, kai kharella bakrengro wudar. Ko pani kharella ap hebretikes Betesda. Kote his i thopaskro kheer, kai pantch bare iseme#5:2 isema, iseme, ap gadjkenes: Zimmer dren his, kai pre his. 3-4Kote his bud nassele tchiddo: Sawe, kai nai dikan gar, un sawe, kai nai nashan gar, un bange. 5Mashkral kolende his i mursh, kai his triin-deesh-te-ochta (38) bersha nasselo.</div><div class="p"> 6O Jesus dikas les koi tchiddo, un djinas, kai his job i rah tsiro nasselo. &#8220;Kameh tu sasto te well?&#8221; putchas lo lestar.</div><div class="p"> 7&#8220;Rai,&#8221; penas ko nasselo, &#8220;man hi kek, kai anell man an kau pani, te well djipen dren un djal pre un tele. Un te kamau me an ko pani dren te djal, hi i wawar sikeder glan mande an o pani.&#8221;</div><div class="p"> 8Penas o Jesus ap leste: &#8220;Ste pre! Le tiro tchiben un dja!&#8221;</div><div class="p"> 9Har o Jesus kowa penas, was ko mursh sasto, las peskro tchiben un djas trujel. Ko diwes his i Debleskro diwes.#5:9 Debleskro diwes: Kowa hi ko diwes, kai i bibolde budrenn gar.</div><div class="p"> 10Dran kowa penan kol pralstune bibolde ap koleste, kai sasto was: &#8220;Kau diwes hi o Debleskro diwes. Kau diwes hidjress tu tiro tchiben gar!&#8221;</div><div class="p"> 11Penas job ap lende: &#8220;Kowa, kai kras man sasto, penas ap mande: Le tiro tchiben un dja!&#8221;</div><div class="p"> 12&#8220;Un koon hi ko mursh,&#8221; putchan jon, &#8220;kai penas ap tute: Le tiro tchiben un dja?&#8221;</div><div class="p"> 13Kowa, kai sasto was, djinas les gar. O Jesus mukas ko thopaskro kheer, har dikas lo kol bud menshen koi.</div><div class="p"> 14Pal i tsiro tapras o Jesus ko murshes pale an o Debleskro baro kheer. &#8220;Tu hal kanna sasto,&#8221; penas lo ap leste, &#8220;kre kek tchilatcho koowa buder, te well gar budeder ap tute har ko nasslepen!&#8221;</div><div class="p"> 15Koi djas ko mursh pash kol pralstune biboldende un penas: &#8220;Kowa his o Jesus, kai kras man sasto.&#8221;</div><div class="p"> 16Pal kowa lan i bibolde o Jesuses palla. Jon his chojedo, te kras job i nasseles ap o Debleskro diwes sasto. 17O Jesus penas lenge: &#8220;Miro dad budrell o tselo tsiro. Jaake krau me kowa ninna.&#8221;</div><div class="p"> 18Doleske kaman kol bibolde gomme budeder, te marenn le les. O Jesus kras gar kokres i nasseles ap o Debleskro diwes sasto. Job penas ninna, kai o Dewel leskro dad hi, un kras pes jaake har o Dewel.</div><div class="s1">O Jesus hi o tchatchepaskro rai pral halauterende</div><div class="p"> 19O Jesus penas ap lende: &#8220;Tchatchepah, me penau tumenge: O tchawo nai krell tchi pestar. Job dikell, hoi o dad krella. Un kowa, hoi krell o dad, kowa krell ninna o tchawo. 20O dad kamell o tchawes un sikrell leste halauter, hoi job krella. Ninna wawar bareder koowa sikrell lo leste, jaake kai krenn tumer bare jaka.</div><div class="p"> 21Har o dad i mulen pre djangrella#5:21 djangrella, ap gadjkenes: aufweckt , un dell len o newo djipen, jaake nai dell ninna o tchawo o newo djipen, kones job kamella. 22O dad rakrell pral kekeste i phagi win. Kowa das lo an peskro tchaweskro wast, te well leskro tchawo o tchatchepaskro rai pral lauterende, 23te sharenn le halauter o tchawes, jaake har sharenn le o dades. Koon o tchawes gar sharella, kowa sharella witar gar o dades, kai bitchras o tchawes.</div><div class="p"> 24Tchatchepah, me penau tumenge: Koon miro lab shunella, un patsell ap koleste, kai man bitchras, koles hi ko djipen, hoi gar pre-herella. Pral leste well kek phagi wi-rakedo. Job mukas ko merepen pal peste, un djas an o djipen.</div><div class="p"> 25Tchatchepah, me penau tumenge: Ko tsiro wella un hi kanna kai, kai i mule shunenn i gole o Debleskro tchawestar. Un kolla, kai shunenn, kai dell job gole, kolla djiwenna. 26An o dadeste hi o djipen. Kowa das lo ninna peskro tchaweste, te well an leste ko djipen. 27Job hi o Mensheskro Tchawo. Un o Dewel das an leskro wast, te rakrell lo i phagi win pral i menshende. 28Ma krenn bare jaka, te penau tumenge: Ko tsiro wella, kai i tsele mule shunenna, te kharell lo len. 29Un jon wenn dran i mulengre khera win. Kolla, kai latcho koowa kran, wenn djides kerdo, te lenn le ko djipen, hoi gar pre-herella. Un kolla, kai tchilatcho koowa kran, wenn djido kerdo, te lenn le i phagi.</div><div class="p"> 30Mandar nai krau me tchi. Me rakrau o tchatchepen win, jaake har o Dewel mange penella. Kowa, hoi rakrau pral i mensheste win, hi tchatcho. Me krau gar, hoi me kamau. Me krau halauter, hoi kowa kamella, kai bitchras man.&#8221;</div><div class="s1">O Dewel bitchras o Jesuses ap i phub</div><div class="p"> 31&#8220;Me te penoms kokres pral mande win, wals kowa tchi moldo. 32Man hi jek, kai penell tumenge, koon me hom. Kowa, hoi job penell pral mande, kowa hi tchatcho.</div><div class="p"> 33Tumer bitchran murshen pash o Johanneste, te shunenn lestar pral mande. Un job penas pral mande o tchatchepen. 34Man hunte well kek mensho, kai penell pral mande win. Hi tumenge, kai rakrom pral kowa, hoi o Johanni pral mande penas, te patsenn tumer un wenn dran o tchilatchepen un o merepen win lino.</div><div class="p"> 35O Johanni his i momeli, kai chatchas. Un i tikno tsiro hans tumer bachtelo pral kowa, hoi job penas un kras.</div><div class="p"> 36Man hi tchomone, hoi penell tumenge feteder o tchatchepen pral mande win har o Johanni. Kowa hi ko koowa, hoi krau, kolestar o dad mange penas, te krap kowa. Kowa sikrella, kai o dad bitchras man. 37Ninna miro dad, kai bitchras man, penas tumenge, koon me hom. Tumer shunan les gar, witar gar dikan les tumer. 38Tumer patsenn gar an tumare djia, hoi job penas. Doleske patsenn tumer gar, kai me kowa hom, kones o Dewel bitchras. 39Tumer rodenn o djipen an o Debleskro lab un patsenn, kai hatsenn kote ko djipen, hoi gar pre-herella. Un tchatchepah, o Debleskro lab rakrell mandar. 40Pash mande kamenn tumer gar te well, te lenn ko djipen, hoi gar pre-herella.</div><div class="p"> 41Hi mange tchi moldo, te wap sharedo i menshendar. 42Me prindjrau tumen un djinau, kai hi gar o Debleskro kamlepen an tumende. 43Miro dad bitchras man pash tumende. Tumer lan man gar pre. Te well i wawar, koles kek bitchras, koles lenn tumer pre. 44Har nai patsenn tumer mange? Tumer rodenna, te well jek i wawarestar sharedo. Te wenn tumer o Deblestar sharedo, kowa hi tumenge tchi moldo.</div><div class="p"> 45Ma patsenn, kai me phukrau ap tumende pash miro dadeste. Koi hi i wawar, kai phukrell ap tumende: O Mose, kolestar patsenn tumer, kai hi lo ap tumari rig. 46Tumer te patsenn tchatchepah, hoi o Mose tumenge penas, patsans tumer ninna ap mande. Job tchinas pral mande.</div><div class="p"> 47Tumer te patsenn gar, hoi o Mose tchinas an peskre lila, har nai patsenn tumer, hoi me tumenge penau?&#8221;</div>
 </div>
 </div>
</div>

© 2021 Romanes-Arbeit-Marburg e.V. Erste Auflage Alle Rechte vorbehalten Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen. Herausgeber und Vertrieb: Romanes-Arbeit-Marburg e.V., Germany info@romanes-arbeit-marburg.de ISBN: 978-3-00-068366-4 Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995 Farbige Illustrationen mit Erlaubnis von Louise Bass Kartenmaterial generiert mit Bible Mapper © 2005-2010 von David P. Barret Alle Rechte an den Karten © 2021, Wycliffe Bible Translators, Inc.

Pal kowa his i baro Debleskro diwes i biboldenge. Un o Jesus djas an o foro Jerusalem. An o foro Jerusalem his i pani pash ko foreskro wudar, kai kharella bakrengro wudar . Ko pani kharella ap hebretikes Betesda . Kote his i thopaskro kheer, kai pantch bare iseme dren his, kai pre his. Kote his bud nassele tchiddo: Sawe, kai nai dikan gar, un sawe, kai nai nashan gar, un bange. Mashkral kolende his i mursh, kai his triin-deesh-te-ochta (38) bersha nasselo.
O Jesus dikas les koi tchiddo, un djinas, kai his job i rah tsiro nasselo. “Kameh tu sasto te well?” putchas lo lestar.
“Rai,” penas ko nasselo, “man hi kek, kai anell man an kau pani, te well djipen dren un djal pre un tele. Un te kamau me an ko pani dren te djal, hi i wawar sikeder glan mande an o pani.”
Penas o Jesus ap leste: “Ste pre! Le tiro tchiben un dja!”
Har o Jesus kowa penas, was ko mursh sasto, las peskro tchiben un djas trujel. Ko diwes his i Debleskro diwes.
Dran kowa penan kol pralstune bibolde ap koleste, kai sasto was: “Kau diwes hi o Debleskro diwes. Kau diwes hidjress tu tiro tchiben gar!”
Penas job ap lende: “Kowa, kai kras man sasto, penas ap mande: Le tiro tchiben un dja!”
“Un koon hi ko mursh,” putchan jon, “kai penas ap tute: Le tiro tchiben un dja?”
Kowa, kai sasto was, djinas les gar. O Jesus mukas ko thopaskro kheer, har dikas lo kol bud menshen koi.
Pal i tsiro tapras o Jesus ko murshes pale an o Debleskro baro kheer. “Tu hal kanna sasto,” penas lo ap leste, “kre kek tchilatcho koowa buder, te well gar budeder ap tute har ko nasslepen!”
Koi djas ko mursh pash kol pralstune biboldende un penas: “Kowa his o Jesus, kai kras man sasto.”
Pal kowa lan i bibolde o Jesuses palla. Jon his chojedo, te kras job i nasseles ap o Debleskro diwes sasto. O Jesus penas lenge: “Miro dad budrell o tselo tsiro. Jaake krau me kowa ninna.”
Doleske kaman kol bibolde gomme budeder, te marenn le les. O Jesus kras gar kokres i nasseles ap o Debleskro diwes sasto. Job penas ninna, kai o Dewel leskro dad hi, un kras pes jaake har o Dewel.

O Jesus penas ap lende: “Tchatchepah, me penau tumenge: O tchawo nai krell tchi pestar. Job dikell, hoi o dad krella. Un kowa, hoi krell o dad, kowa krell ninna o tchawo. O dad kamell o tchawes un sikrell leste halauter, hoi job krella. Ninna wawar bareder koowa sikrell lo leste, jaake kai krenn tumer bare jaka.
Har o dad i mulen pre djangrella, un dell len o newo djipen, jaake nai dell ninna o tchawo o newo djipen, kones job kamella. O dad rakrell pral kekeste i phagi win. Kowa das lo an peskro tchaweskro wast, te well leskro tchawo o tchatchepaskro rai pral lauterende, te sharenn le halauter o tchawes, jaake har sharenn le o dades. Koon o tchawes gar sharella, kowa sharella witar gar o dades, kai bitchras o tchawes.
Tchatchepah, me penau tumenge: Koon miro lab shunella, un patsell ap koleste, kai man bitchras, koles hi ko djipen, hoi gar pre-herella. Pral leste well kek phagi wi-rakedo. Job mukas ko merepen pal peste, un djas an o djipen.
Tchatchepah, me penau tumenge: Ko tsiro wella un hi kanna kai, kai i mule shunenn i gole o Debleskro tchawestar. Un kolla, kai shunenn, kai dell job gole, kolla djiwenna. An o dadeste hi o djipen. Kowa das lo ninna peskro tchaweste, te well an leste ko djipen. Job hi o Mensheskro Tchawo. Un o Dewel das an leskro wast, te rakrell lo i phagi win pral i menshende. Ma krenn bare jaka, te penau tumenge: Ko tsiro wella, kai i tsele mule shunenna, te kharell lo len. Un jon wenn dran i mulengre khera win. Kolla, kai latcho koowa kran, wenn djides kerdo, te lenn le ko djipen, hoi gar pre-herella. Un kolla, kai tchilatcho koowa kran, wenn djido kerdo, te lenn le i phagi.
Mandar nai krau me tchi. Me rakrau o tchatchepen win, jaake har o Dewel mange penella. Kowa, hoi rakrau pral i mensheste win, hi tchatcho. Me krau gar, hoi me kamau. Me krau halauter, hoi kowa kamella, kai bitchras man.”

“Me te penoms kokres pral mande win, wals kowa tchi moldo. Man hi jek, kai penell tumenge, koon me hom. Kowa, hoi job penell pral mande, kowa hi tchatcho.
Tumer bitchran murshen pash o Johanneste, te shunenn lestar pral mande. Un job penas pral mande o tchatchepen. Man hunte well kek mensho, kai penell pral mande win. Hi tumenge, kai rakrom pral kowa, hoi o Johanni pral mande penas, te patsenn tumer un wenn dran o tchilatchepen un o merepen win lino.
O Johanni his i momeli, kai chatchas. Un i tikno tsiro hans tumer bachtelo pral kowa, hoi job penas un kras.
Man hi tchomone, hoi penell tumenge feteder o tchatchepen pral mande win har o Johanni. Kowa hi ko koowa, hoi krau, kolestar o dad mange penas, te krap kowa. Kowa sikrella, kai o dad bitchras man. Ninna miro dad, kai bitchras man, penas tumenge, koon me hom. Tumer shunan les gar, witar gar dikan les tumer. Tumer patsenn gar an tumare djia, hoi job penas. Doleske patsenn tumer gar, kai me kowa hom, kones o Dewel bitchras. Tumer rodenn o djipen an o Debleskro lab un patsenn, kai hatsenn kote ko djipen, hoi gar pre-herella. Un tchatchepah, o Debleskro lab rakrell mandar. Pash mande kamenn tumer gar te well, te lenn ko djipen, hoi gar pre-herella.
Hi mange tchi moldo, te wap sharedo i menshendar. Me prindjrau tumen un djinau, kai hi gar o Debleskro kamlepen an tumende. Miro dad bitchras man pash tumende. Tumer lan man gar pre. Te well i wawar, koles kek bitchras, koles lenn tumer pre. Har nai patsenn tumer mange? Tumer rodenna, te well jek i wawarestar sharedo. Te wenn tumer o Deblestar sharedo, kowa hi tumenge tchi moldo.
Ma patsenn, kai me phukrau ap tumende pash miro dadeste. Koi hi i wawar, kai phukrell ap tumende: O Mose, kolestar patsenn tumer, kai hi lo ap tumari rig. Tumer te patsenn tchatchepah, hoi o Mose tumenge penas, patsans tumer ninna ap mande. Job tchinas pral mande.
Tumer te patsenn gar, hoi o Mose tchinas an peskre lila, har nai patsenn tumer, hoi me tumenge penau?”

Słuchaj Johanni 5