Mai Brat: Watum ro Tuhan Bosi ro Tna (New Testament+)

Watum ro Tuhan Bosi ro Tna

<div class="version vid2398 iso6393ayz" data-vid="2398" data-iso6393="ayz">
 <div class="book bkMRK">
 <div class="chapter ch13" data-usfm="MRK.13">
 <div class="label">13</div><div class="s">Yesus ykyas bo samyoh ro meen mbtek mai k&#700;raa</div><div class="p"> 1Yesus frok sikba Samu ro Allah, tna kuber wAit sait yawe, &#8220;Bi yabi, sik nmat Samu wore wono wia: Fraa maboh wore raa sgi amah wono to moof toni!&#8221; 2Yesus yawe k&#700;ait yawe, &#8220;Nmat Samu ro mase wono sor wia: Meen raa mitrah Samu weto beta. Tna kbe tembok msya fraa sau bo mhau ntar-tar anya feto fee. Meen fraa weto skik mbtek mai tabam beta.&#8221;</div><div class="p"> 3Tna Yesus ysya kuber wAit maut mamo hre mam Faut ro Zaitun ro mros msyok si Samu ro Allah. Tna Petrus, Yakobus, Yohanes msya Andreas mtu bo k&#700;Yesus yesait kar mawe, 4&#8220;Sik ny&#245; beto k&#700;amu bo ro riwai Ny&#245; nkyas to. Tija re bo ro Ny&#245; nkyas weto mabo to? Kbe amu nmat bo bawya re nhar nwe bo ro Ny&#245; nawe weto kene wo mabo?&#8221; 5Yesus yawe, &#8220;Kaket anu! Nno be raa mama sioh besruf anu. 6J&#245; fi Mesias sait aran, menohe meen raa mawat mama to, sruf bo mawe ana Mesias ybam k&#700;Allah. Kbe raa mawat mari feto tna smot raa weto. 7Kbe anu nri he raa rabin taro mame anya tna mafa mnin-nin. Bo weto kbe mabo tu oh. Menohe waa ma: Bo weto kbe frok matim wia. Bo weto frok mama tna tabam refo haberek fefares. 8Tna raa ro bangsa sau kbe masen mame anya msya raa ro bangsa roto taro. Tna raa ro raja sait ybo to, kbe masen mame anya msya raa ro raja roto taro mbo ye. Tna iin frok mam wore aro rau-rau. Tna kbe hai awyah btek mai k&#700;raa ye. Ti ro bo samyoh weto mama to, tinyi rau sai fares meto. Wore wo anu nmat bo weto to, kbe anu nhar oon reto mama. Reto mfi fnya ro mhaf ja kborham wia, tna kbe mabe to.</div><div class="p"> 9Kaket anu: Anu ro smot J&#245; to, meen raa mfot anu tna makah mamo&#700;t samu ro raa mtu safo. Tna kbe raa mai-a anu mam samu watum ro Yahudi ye. Anu smot J&#245; tibyo raa mfot anu makah mamo msan k&#700;aban mana sor. Feto tna kbe anu nkyas J&#245; tasom k&#700;raja bo ye. 10Wore tabam haberek fefares to, Bokyas Moof ro Allah (Injil) meen raa wosa mam bangsa beta. Snok bangsa beta maka wia tna tabam haberek. 11Tna ati ro raa mfot anu, makah mamo&#700;t samu ro ja raa mtu safo to, nnaut yyi ma. Nnaut yyi bokyas ro kbe anu nkyas si k&#700;raa to ma: Kbe Har ro Tuhan mbesi bokyas moof k&#700;anu, mti bonaut k&#700;anu. Feto kbe bo ro anu betoo k&#700;raa ro mhau susai reto to, bokyas ro mbam Har ro Moof sai. 12Meen raa ro tabam refo hren ksuk anya, kbe ana mame anya majat: Raa msya mao na k&#700;anya, tna raa msya kukek wana ye. Tna kbe kukek mari maja, mme na fee, menohe moo ana msan k&#700;raa mame ana majat. 13Anu fo nkro J&#245; to, tibyo kbe raa beta knait anu. Awya ro beroh yari J&#245; mamo snok mam tabam haberek to, meen Allah yoo riof ro mase yee k&#700;raa retait.&#8221;</div><div class="p"> 14Tna Yesus yawe, &#8220;Nmat bokom refo tna kbe anu nfot bo ro J&#245; tawe k&#700;anu: Tiwya Allah ybis nabi Daniel ykyas yawe:</div><div class="q1">&#8216;Meen bo sau ro mkair toni mama sikowah yuk ro mbau to.&#8217;</div><div class="qr">Daniel 9:27, 11:31, 12:11</div><div class="m">J&#245; tawe k&#700;anu tawe, ati ro anu nmat bo reto mabo to, kbe anu nhar nwe kene mam wore wo tabam refo haberek. Ati ro anu nmat bo reto to, anu ro nhau mam provinsi ro Yudea beta to; nsen nsam nmo nuut atu mana. 15Anu ro hre aby&#245; mam samu wanu kri-kri to; kbe nroh satoh bo wony&#245; mbam amah mato nbo frok to ma! Nsam fooh nmo ntem marak sai. 16Anu ro nkah bo mam armato to; hah ne nmo noo ratan wanu ma. Nsam fooh nmo sai. 17Wore weto to, fnya ro mhaf tna msya fnya ro mee sis ku mees wana to, ana mmof toni. &#8990;Ana kbe matak msam fooh fee.&#8991; 18,19Meen wore weto to, arin mkair toni. Maban tiwya tinyi Allah sair tabam refo mamo snok mam mfo refo fo, raa mkai bo ro mfi feto aro fefares. Tna bo ro mkair-kar mfi feto to aro meen me btek mai k&#700;raa u fee. Feto to skabuk nyoh Tuhan afo re meen bo reto mabo mam ati ro oom maah to ma. 20Oon ro samyoh reto to, oos mawe Allah yatmof raa sok wAit. Feto to yawe yisusu oon reto mabuf baro. Soh mfe to, raa sait bo meen ye yhau fee. Soh mfe to, raa beta mhai. 21-22Ati reto to, raa ro mawe besruf anu to, kbe frok mama. Taro mawe ana to Mesias, he mfe. Tna taro mawe ana to nabi ro Allah ybis mama mkyas bo wAit. He mfe ye. Meen ana mama tna sair bo ro hnah msya bo ro msai taro mawat. Ana mno bo ro msai re kbe besruf anu. Ana tomer besruf raa sok ro Allah wAit ye he mfe. Feto to, soh raa sait yawe bo k&#700;anu yawe, &#8216;Nmat, Mesias yama mam ati rno mno!&#8217; Soh raa yawe feto, nri ait ma! Tna soh sait yawe, &#8216;Nmat, Mesias yama mam ati rau mau.&#8217; Nri bokyas rait reto ma! 23Feto kaket anu sai. Bo weto beta J&#245; tawe k&#700;anu wia matim tna meen bo reto mabo.</div><div class="p"> 24Oon ro samyoh reto mkak wia, tna ay&#245; ro ja mafit to, me mamur. Tna snyi ro mboh to, me mboh u fee. 25Kbe sken btek-tak mbam ayoh. Tna bombra ro mhau mam ayoh beta to, mrok mbrir-brar. 26J&#245; fi 'Ait ro Yroh Yama Yfi Raa Sai'. Ati reto to, raa mmat J&#245; tbam ayoh mboh troh tama. Tama to, raa mmat tatak aJ&#245; ro msai msya tase aJ&#245; ye. 27J&#245; kbe tbis malaikat woJ&#245; mama mtu raa sok woJ&#245; mbam arin aso beta mama mo k&#700;J&#245;.</div><div class="p"> 28Tawe tkyas bofret sau k&#700;anu nri: Soh anu nmat ara mara sau, tna nmat ngkre ro sne-sne moof to, feto to anu nhar oh nwe kene wore snyi ro hwy&#245;m oh meto. Nfot bofret refo maja rau: 29Feto ye, soh anu nmat bo ro riwai tkyas weto mama to, anu nhar nwe oon ro J&#245; tama u reto to, kene oh meto. 30Nnaut: Ati ro bo weto beta mama to, tawe biin refo to, kbe raa taro mhau fares. 31Ayoh msya tabam refo kbe saef marak. Menohe bokyas aJ&#245; kbe meen mhau mawy&#245;s mamo snok mam hame wajin. 32Ay&#245; ro J&#245; tama u to, raa sait bo yhar fee. Malaikat ana wase ye. J&#245;, Ku ro Allah yare fi, wase ye. Taja yesait aran yhar bo rAit. 33Anu wase ay&#245; reto ye. Feto to siwyan anu kaket yoyo sai.</div><div class="p"> 34J&#245; tkyas bofret k&#700;anu u: Bi sait sikba amah rait yamo&#700;t rabin ro fari. Ait ybis sryan wait kmot amah rait wea. Tna ybis bo ro ana kbe mno to k&#700;ana sait-sait hayah ye. Tna ybis sryan sait yros mam ati ro masa. Hre by&#245; aby&#245;. 35Tawe k&#700;anu tawe, &#8216;Hre by&#245; aby&#245; ye. Anu wase ay&#245; ro bi retait hah yama&#700;t amah rait ye: Kbe yama hreha, arin masuf, fe yama rabu momo a? Anu wase ye. 36Kaket anu! Meen Tuhan yama tubor. Nno be kbe Ait ymat bo anu njin fares!&#8217; 37Bo ro J&#245; tawe k&#700;anu wefo fo, kbe J&#245; tawe k&#700;raa beta afo re ana siwyan wea ye.&#8221;</div>
 </div>
 </div>
</div>

Yesus frok sikba Samu ro Allah, tna kuber wAit sait yawe, “Bi yabi, sik nmat Samu wore wono wia: Fraa maboh wore raa sgi amah wono to moof toni!” Yesus yawe kʼait yawe, “Nmat Samu ro mase wono sor wia: Meen raa mitrah Samu weto beta. Tna kbe tembok msya fraa sau bo mhau ntar-tar anya feto fee. Meen fraa weto skik mbtek mai tabam beta.”
Tna Yesus ysya kuber wAit maut mamo hre mam Faut ro Zaitun ro mros msyok si Samu ro Allah. Tna Petrus, Yakobus, Yohanes msya Andreas mtu bo kʼYesus yesait kar mawe, “Sik nyõ beto kʼamu bo ro riwai Nyõ nkyas to. Tija re bo ro Nyõ nkyas weto mabo to? Kbe amu nmat bo bawya re nhar nwe bo ro Nyõ nawe weto kene wo mabo?” Yesus yawe, “Kaket anu! Nno be raa mama sioh besruf anu. Jõ fi Mesias sait aran, menohe meen raa mawat mama to, sruf bo mawe ana Mesias ybam kʼAllah. Kbe raa mawat mari feto tna smot raa weto. Kbe anu nri he raa rabin taro mame anya tna mafa mnin-nin. Bo weto kbe mabo tu oh. Menohe waa ma: Bo weto kbe frok matim wia. Bo weto frok mama tna tabam refo haberek fefares. Tna raa ro bangsa sau kbe masen mame anya msya raa ro bangsa roto taro. Tna raa ro raja sait ybo to, kbe masen mame anya msya raa ro raja roto taro mbo ye. Tna iin frok mam wore aro rau-rau. Tna kbe hai awyah btek mai kʼraa ye. Ti ro bo samyoh weto mama to, tinyi rau sai fares meto. Wore wo anu nmat bo weto to, kbe anu nhar oon reto mama. Reto mfi fnya ro mhaf ja kborham wia, tna kbe mabe to.
Kaket anu: Anu ro smot Jõ to, meen raa mfot anu tna makah mamoʼt samu ro raa mtu safo. Tna kbe raa mai-a anu mam samu watum ro Yahudi ye. Anu smot Jõ tibyo raa mfot anu makah mamo msan kʼaban mana sor. Feto tna kbe anu nkyas Jõ tasom kʼraja bo ye. Wore tabam haberek fefares to, Bokyas Moof ro Allah (Injil) meen raa wosa mam bangsa beta. Snok bangsa beta maka wia tna tabam haberek. Tna ati ro raa mfot anu, makah mamoʼt samu ro ja raa mtu safo to, nnaut yyi ma. Nnaut yyi bokyas ro kbe anu nkyas si kʼraa to ma: Kbe Har ro Tuhan mbesi bokyas moof kʼanu, mti bonaut kʼanu. Feto kbe bo ro anu betoo kʼraa ro mhau susai reto to, bokyas ro mbam Har ro Moof sai. Meen raa ro tabam refo hren ksuk anya, kbe ana mame anya majat: Raa msya mao na kʼanya, tna raa msya kukek wana ye. Tna kbe kukek mari maja, mme na fee, menohe moo ana msan kʼraa mame ana majat. Anu fo nkro Jõ to, tibyo kbe raa beta knait anu. Awya ro beroh yari Jõ mamo snok mam tabam haberek to, meen Allah yoo riof ro mase yee kʼraa retait.”
Tna Yesus yawe, “Nmat bokom refo tna kbe anu nfot bo ro Jõ tawe kʼanu: Tiwya Allah ybis nabi Daniel ykyas yawe:
‘Meen bo sau ro mkair toni mama sikowah yuk ro mbau to.’
Daniel 9:27, 11:31, 12:11
Jõ tawe kʼanu tawe, ati ro anu nmat bo reto mabo to, kbe anu nhar nwe kene mam wore wo tabam refo haberek. Ati ro anu nmat bo reto to, anu ro nhau mam provinsi ro Yudea beta to; nsen nsam nmo nuut atu mana. Anu ro hre abyõ mam samu wanu kri-kri to; kbe nroh satoh bo wonyõ mbam amah mato nbo frok to ma! Nsam fooh nmo ntem marak sai. Anu ro nkah bo mam armato to; hah ne nmo noo ratan wanu ma. Nsam fooh nmo sai. Wore weto to, fnya ro mhaf tna msya fnya ro mee sis ku mees wana to, ana mmof toni. ⌞Ana kbe matak msam fooh fee.⌟ Meen wore weto to, arin mkair toni. Maban tiwya tinyi Allah sair tabam refo mamo snok mam mfo refo fo, raa mkai bo ro mfi feto aro fefares. Tna bo ro mkair-kar mfi feto to aro meen me btek mai kʼraa u fee. Feto to skabuk nyoh Tuhan afo re meen bo reto mabo mam ati ro oom maah to ma. Oon ro samyoh reto to, oos mawe Allah yatmof raa sok wAit. Feto to yawe yisusu oon reto mabuf baro. Soh mfe to, raa sait bo meen ye yhau fee. Soh mfe to, raa beta mhai. Ati reto to, raa ro mawe besruf anu to, kbe frok mama. Taro mawe ana to Mesias, he mfe. Tna taro mawe ana to nabi ro Allah ybis mama mkyas bo wAit. He mfe ye. Meen ana mama tna sair bo ro hnah msya bo ro msai taro mawat. Ana mno bo ro msai re kbe besruf anu. Ana tomer besruf raa sok ro Allah wAit ye he mfe. Feto to, soh raa sait yawe bo kʼanu yawe, ‘Nmat, Mesias yama mam ati rno mno!’ Soh raa yawe feto, nri ait ma! Tna soh sait yawe, ‘Nmat, Mesias yama mam ati rau mau.’ Nri bokyas rait reto ma! Feto kaket anu sai. Bo weto beta Jõ tawe kʼanu wia matim tna meen bo reto mabo.
Oon ro samyoh reto mkak wia, tna ayõ ro ja mafit to, me mamur. Tna snyi ro mboh to, me mboh u fee. Kbe sken btek-tak mbam ayoh. Tna bombra ro mhau mam ayoh beta to, mrok mbrir-brar. Jõ fi 'Ait ro Yroh Yama Yfi Raa Sai'. Ati reto to, raa mmat Jõ tbam ayoh mboh troh tama. Tama to, raa mmat tatak aJõ ro msai msya tase aJõ ye. Jõ kbe tbis malaikat woJõ mama mtu raa sok woJõ mbam arin aso beta mama mo kʼJõ.
Tawe tkyas bofret sau kʼanu nri: Soh anu nmat ara mara sau, tna nmat ngkre ro sne-sne moof to, feto to anu nhar oh nwe kene wore snyi ro hwyõm oh meto. Nfot bofret refo maja rau: Feto ye, soh anu nmat bo ro riwai tkyas weto mama to, anu nhar nwe oon ro Jõ tama u reto to, kene oh meto. Nnaut: Ati ro bo weto beta mama to, tawe biin refo to, kbe raa taro mhau fares. Ayoh msya tabam refo kbe saef marak. Menohe bokyas aJõ kbe meen mhau mawyõs mamo snok mam hame wajin. Ayõ ro Jõ tama u to, raa sait bo yhar fee. Malaikat ana wase ye. Jõ, Ku ro Allah yare fi, wase ye. Taja yesait aran yhar bo rAit. Anu wase ayõ reto ye. Feto to siwyan anu kaket yoyo sai.
Jõ tkyas bofret kʼanu u: Bi sait sikba amah rait yamoʼt rabin ro fari. Ait ybis sryan wait kmot amah rait wea. Tna ybis bo ro ana kbe mno to kʼana sait-sait hayah ye. Tna ybis sryan sait yros mam ati ro masa. Hre byõ abyõ. Tawe kʼanu tawe, ‘Hre byõ abyõ ye. Anu wase ayõ ro bi retait hah yamaʼt amah rait ye: Kbe yama hreha, arin masuf, fe yama rabu momo a? Anu wase ye. Kaket anu! Meen Tuhan yama tubor. Nno be kbe Ait ymat bo anu njin fares!’ Bo ro Jõ tawe kʼanu wefo fo, kbe Jõ tawe kʼraa beta afo re ana siwyan wea ye.”

Słuchaj Markus 13