Lagano da Sambi kwa Wanhu Wose

<div class="version vid1125 iso6393cwe" data-vid="1125" data-iso6393="cwe">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Yesu kowanava magulu wanahina wake</div><div class="p"> 1Ding'hali hadinafika Didugila da Pasaka, Yesu kakala kovimanya saa yake ifika yondayasegele hano muiisi kuhita kwa Tati yake. Kakala kawalonda nani wanhu wake weli hano mwiisi, nayo kawalonda mbaka kuuhelelo.</div><div class="p"> 2Yesu na wanahina wake wakala woja ndiya ya ichilo. Mwihi kakala kamwingila kamala Yuda Isikaliyoti, mwana wa Saimoni, muladi yambiduke Yesu. 3Yesu kakala yavimanyile Tata kamwing'ha udahi wa chila chinhu, na iviya kakala yalawile kwa Mulungu na kezabwela kwa Mulungu. 4Ivo kahasegela hana indiya, keka ngolole wake hamgwazo, maabaho kasola ngolole, kaifunga mchigudi. 5Maabaho kaguma yamazi muna ichiziga, kandusa kuwanava migulu iwanahina wake na kuhangusa na chiya ichikumbi choyaifungile mchigudi.</div><div class="p"> 6Yesu kafika kwa Saimoni Petili. Saimoni kamuuza, &#8220;Mndewa, vino weye kwizaninava magulu yangu?&#8221;</div><div class="p"> 7Yesu kamwidika, &#8220;Chonitenda sambi weye huchimanya bule, mbali kwizachimanya hamwande.&#8221;</div><div class="p"> 8Petili kamulongela Yesu, &#8220;Bule! Weye hwizaninava magulu ng'o.&#8221;</div><div class="p">Yesu kamwidika, &#8220;One sikunavile magulu yako, hwizakuwa mwanahina wangu kaidi!&#8221;</div><div class="p"> 9Saimoni Petili kamulongela, &#8220;Mndewa, sekeunave magulu muhala, mbali iviya unave makono yangu na ditwi jangu!&#8221;</div><div class="p"> 10Yesu kedika, &#8220;Munhu yoyogile kela lukuli lwose na kolondigwa yanave magulu muhala. Mweye mwela, ingawa simose.&#8221; 11Yesu kamala kummanya ija yondayambiduke lekamana kalonga si wose welile.</div><div class="p"> 12Yesu viyamalile kuwanava magulu yawo, kayawala ngolole wake, kabwela ha indiya, kakala hasi. Kawauza, &#8220;Vino muyamanya yoniwatendele? 13Mwonitanga mfundiza na Mndewa, mwotenda goya kwaviya ivo vinili. 14Niye, Mndewa na mfundiza wenu niwanavani mweye magulu yenu, mweye iviya mwolondeka mwinave magulu yenu mweye kwa mweye. 15Nimulagusani simwe, na mweye mwolondeka kutenda fana viniwatendele. 16Nowalongela kweli, habule mtumwa mkulu kufosa mwenevale wake, wala habule mtumigwa mkulu kufosa ija yamtumile. 17Sambi mwovimanya vinhu vino, one muhavitenda, Mulungu kezamtemelani mate.</div><div class="p"> 18&#8220;Silonga mbuli zino kumwenu mose, nowamanya waja woniwasagule. Mbali Yamaandiko Yelile yolondeka yatimie, yaja yoyolonga, &#8216;Munhu ija yoja hamwe na niye, kezanibiduka.&#8217; 19Nowalongela yano ivino sambi yang'hali hayana lawilila, muladi vondayalawilile, mdahe kutogola kuwa niye &#8216;Niye Iyo.&#8217; 20Nowalongelani kweli! Munhu yoyose yondayamuhokele munhu yoyanitumile, konihokela niye. Na munhu yoyose yondayanihokele niye, komuhokela ija yoyanhumile.&#8221;</div><div class="s">Yesu kolagula munhu yonda yambiduke</div><div class="r">(Masayo 26:20-25; Maliki 14:17-21; Luka 22:21-23)</div><div class="p"> 21Nayo Yesu viyamalile kulonga yayo, kengilwa na luholozi muumoyo, kalonga, &#8220;Nowalongela kweli, imwe wenu kezanibiduka.&#8221;</div><div class="p"> 22Wanahina wailola, hawavimanyile bule komulonga yelihi. 23Mwanahina imwe yoyalondigwe ng'hani na Yesu kakala yakalile habehi na Yesu. 24Saimoni Petili kamfunyiza, kamulongela, &#8220;Muuze komulonga yelihi.&#8221;</div><div class="p"> 25Ivo mwanahina iyo kumkwenhukila Yesu habehi, kamuuza, &#8220;Mndewa, vino komulonga yelihi?&#8221;</div><div class="p"> 26Yesu kamwidika, &#8220;Munhu ija yondanimwine gate doniditoweze mwiibakuli ni iyo.&#8221; Maabaho katoweza gate, kamwing'ha Yuda, mwana wa Saimoni Isikaliyoti. 27Bahobaho Yuda viyasolile gate, Lufyende kamwingila. Yesu kamulongela, &#8220;Tenda himahima chiulonda kutenda!&#8221; 28Mbali habule munhu mwa iwaja wowakalile wokala hana indiya yavimanyile habali Yesu kamulongela ivo Yuda. 29Kwaviya Yuda kakala kopapa mkoba wa hela, wanahina wamwenga wagesa Yesu kakala komulongela yahite yakagule ndiya ya dugila, hebu yakawene chinhu ngayengaye.</div><div class="p"> 30Yuda viyahokele gate, kalawa kunze lusita ulwo ulwo. Ikala ichilo.</div><div class="s">Amuli ya sambi</div><div class="p"> 31Yuda viyasegele Yesu kalonga, &#8220;Sambi Mwana wa Munhu kezatunhizigwa, na Mulungu kezatunhizigwa kufosela Mwana wa Munhu. 32Na one ukulu wa Mulungu ugubuligwa kufosela Mwana, maabaho Mulungu mwenyewo kezaugubula ukulu wa Mwana wa Munhu mgati mmwake mwenyewo, na bahobaho kezamtunhiza. 33Wanangu, nizakala na mweye lusita ludodo. Mwizanizahila, mbali sambi nowalongela chiya choniwalongele Wayahudi, &#8216;Hamdaha kuhita hanhu honihita niye.&#8217; 34Lelo nowena lagilizo da sambi, mwilonde mweye kwa mweye. Fana niye vinimulondeleni mweye, na mweye mwilonde ivo ivo. 35One muhailonda mweye kwa mweye, wanhu wose wezavimanya mweye mwa wanahina wangu.&#8221;</div><div class="s">Yesu kolagula Petili kezambela</div><div class="r">(Masayo 26:31-35; Maliki 14:27-31; Luka 22:31-34)</div><div class="p"> 36Saimoni Petili kamuuza, &#8220;Mndewa, vino kohita kulihi?&#8221;</div><div class="p">Yesu kamwidika, &#8220;Hudaha bule kuniwinza hanhu honihita sambi, mbali hamwande kuzaniwinza.&#8221;</div><div class="p"> 37Petili kamulongela, &#8220;Mndewa, habali sidaha kukuwinza sambi? Nizadanganika kwa ichimu chako!&#8221;</div><div class="p"> 38Yesu kamulongela, &#8220;Ivo vino weye kwodaha kudanganika kwa ichimu changu? Nokulongela kweli, yang'hali nzogolo hanakwika, kwizanibela miyanza mitatu.&#8221;</div>
 </div>
 </div>
</div>

Ding'hali hadinafika Didugila da Pasaka, Yesu kakala kovimanya saa yake ifika yondayasegele hano muiisi kuhita kwa Tati yake. Kakala kawalonda nani wanhu wake weli hano mwiisi, nayo kawalonda mbaka kuuhelelo.
Yesu na wanahina wake wakala woja ndiya ya ichilo. Mwihi kakala kamwingila kamala Yuda Isikaliyoti, mwana wa Saimoni, muladi yambiduke Yesu. Yesu kakala yavimanyile Tata kamwing'ha udahi wa chila chinhu, na iviya kakala yalawile kwa Mulungu na kezabwela kwa Mulungu. Ivo kahasegela hana indiya, keka ngolole wake hamgwazo, maabaho kasola ngolole, kaifunga mchigudi. Maabaho kaguma yamazi muna ichiziga, kandusa kuwanava migulu iwanahina wake na kuhangusa na chiya ichikumbi choyaifungile mchigudi.
Yesu kafika kwa Saimoni Petili. Saimoni kamuuza, “Mndewa, vino weye kwizaninava magulu yangu?”
Yesu kamwidika, “Chonitenda sambi weye huchimanya bule, mbali kwizachimanya hamwande.”
Petili kamulongela Yesu, “Bule! Weye hwizaninava magulu ng'o.”
Yesu kamwidika, “One sikunavile magulu yako, hwizakuwa mwanahina wangu kaidi!”
Saimoni Petili kamulongela, “Mndewa, sekeunave magulu muhala, mbali iviya unave makono yangu na ditwi jangu!”
Yesu kedika, “Munhu yoyogile kela lukuli lwose na kolondigwa yanave magulu muhala. Mweye mwela, ingawa simose.” Yesu kamala kummanya ija yondayambiduke lekamana kalonga si wose welile.
Yesu viyamalile kuwanava magulu yawo, kayawala ngolole wake, kabwela ha indiya, kakala hasi. Kawauza, “Vino muyamanya yoniwatendele? Mwonitanga mfundiza na Mndewa, mwotenda goya kwaviya ivo vinili. Niye, Mndewa na mfundiza wenu niwanavani mweye magulu yenu, mweye iviya mwolondeka mwinave magulu yenu mweye kwa mweye. Nimulagusani simwe, na mweye mwolondeka kutenda fana viniwatendele. Nowalongela kweli, habule mtumwa mkulu kufosa mwenevale wake, wala habule mtumigwa mkulu kufosa ija yamtumile. Sambi mwovimanya vinhu vino, one muhavitenda, Mulungu kezamtemelani mate.
“Silonga mbuli zino kumwenu mose, nowamanya waja woniwasagule. Mbali Yamaandiko Yelile yolondeka yatimie, yaja yoyolonga, ‘Munhu ija yoja hamwe na niye, kezanibiduka.’ Nowalongela yano ivino sambi yang'hali hayana lawilila, muladi vondayalawilile, mdahe kutogola kuwa niye ‘Niye Iyo.’ Nowalongelani kweli! Munhu yoyose yondayamuhokele munhu yoyanitumile, konihokela niye. Na munhu yoyose yondayanihokele niye, komuhokela ija yoyanhumile.”


Nayo Yesu viyamalile kulonga yayo, kengilwa na luholozi muumoyo, kalonga, “Nowalongela kweli, imwe wenu kezanibiduka.”
Wanahina wailola, hawavimanyile bule komulonga yelihi. Mwanahina imwe yoyalondigwe ng'hani na Yesu kakala yakalile habehi na Yesu. Saimoni Petili kamfunyiza, kamulongela, “Muuze komulonga yelihi.”
Ivo mwanahina iyo kumkwenhukila Yesu habehi, kamuuza, “Mndewa, vino komulonga yelihi?”
Yesu kamwidika, “Munhu ija yondanimwine gate doniditoweze mwiibakuli ni iyo.” Maabaho katoweza gate, kamwing'ha Yuda, mwana wa Saimoni Isikaliyoti. Bahobaho Yuda viyasolile gate, Lufyende kamwingila. Yesu kamulongela, “Tenda himahima chiulonda kutenda!” Mbali habule munhu mwa iwaja wowakalile wokala hana indiya yavimanyile habali Yesu kamulongela ivo Yuda. Kwaviya Yuda kakala kopapa mkoba wa hela, wanahina wamwenga wagesa Yesu kakala komulongela yahite yakagule ndiya ya dugila, hebu yakawene chinhu ngayengaye.
Yuda viyahokele gate, kalawa kunze lusita ulwo ulwo. Ikala ichilo.

Yuda viyasegele Yesu kalonga, “Sambi Mwana wa Munhu kezatunhizigwa, na Mulungu kezatunhizigwa kufosela Mwana wa Munhu. Na one ukulu wa Mulungu ugubuligwa kufosela Mwana, maabaho Mulungu mwenyewo kezaugubula ukulu wa Mwana wa Munhu mgati mmwake mwenyewo, na bahobaho kezamtunhiza. Wanangu, nizakala na mweye lusita ludodo. Mwizanizahila, mbali sambi nowalongela chiya choniwalongele Wayahudi, ‘Hamdaha kuhita hanhu honihita niye.’ Lelo nowena lagilizo da sambi, mwilonde mweye kwa mweye. Fana niye vinimulondeleni mweye, na mweye mwilonde ivo ivo. One muhailonda mweye kwa mweye, wanhu wose wezavimanya mweye mwa wanahina wangu.”


Saimoni Petili kamuuza, “Mndewa, vino kohita kulihi?”
Yesu kamwidika, “Hudaha bule kuniwinza hanhu honihita sambi, mbali hamwande kuzaniwinza.”
Petili kamulongela, “Mndewa, habali sidaha kukuwinza sambi? Nizadanganika kwa ichimu chako!”
Yesu kamulongela, “Ivo vino weye kwodaha kudanganika kwa ichimu changu? Nokulongela kweli, yang'hali nzogolo hanakwika, kwizanibela miyanza mitatu.”

Słuchaj Yohana 13