Mangseng

<div class="version vid1122 iso6393mbh" data-vid="1122" data-iso6393="mbh">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="s">O pamit seng ako i aom toko a Jisas itheki.</div><div class="p"> 1Aveto Jisas i esa a tete a Oliv. 2Lama rulpou ma i lo werer a Lotu Tepun a Vel a lok lemi ma toko na seng pulua o vustuno i, mako i menu ma i patoral or. 3Na pamirealingare nge a Moses ile patorong tomo nge Parisire o wol seng peange omole ako olemi mire ako i aom toko ma o pamitu i a tokokoere otheki. 4Mako o ria Jisas ve, &#8220;Pamirealinga, them thopol seng ake ako i aom toko ako ini iewo avele. 5Na Moses ile patorong i ri ve, na aro ve seng e i oma venen aken, aro te ela umre mo te pun rin i nge. Naro ong ri vava nge?&#8221; 6Na o ri venen aken mo o ri ve o patelek i mo aro o teltun ia nge.</div><div class="p">Ave Jisas i lotoru ma i watu a ulue nge imeni pupo. 7Ave o nin ororo i, mako Jisas i mit vengveng werera ma i ria or ve, &#8220;Na omu e ako i oma vothung kerenga e avele, aro i ula tel um a i nge.&#8221; 8Lamako i lotoru mun ma i watu mun a ulue.</div><div class="p"> 9Na o nongpol veno ako ma o korpot omole omole, i patea nge toloklokere makola or alavuspot, na Jisas ienga ako i voth tomo nge seng aken ako i mit a itheki. 10Ma i mita ma i ria i ve, &#8220;Or ol kala? E avele i voth mo i teltun om, e?&#8221;</div><div class="p"> 11Ma i olal ile riong ve, &#8220;Toko Pomnga, e avele.&#8221;</div><div class="p">Mako Jisas i ria i ve, &#8220;Na tho mun, aro tho teltun om avele. Na ong es la, na ong mothong tova oma ol vothung kerenga e.&#8221;]</div><div class="s">Jisas i ranga ve ini theki lalainga ako i to.</div><div class="p"> 12Ma Jisas i ria mun tokokoe areko o voth a Lotu Tepun a Vel a lok lemi ve, &#8220;Engek, tho ini toko ako tho sung pen lalanga a toko ulue angare nge. Na areko o panes tho, aro o el pen lalanga ako i pathengal or nge mimiong a so, naro o es ol a mideng lemi avele.&#8221;</div><div class="p"> 13Lamako Parisire o ria i ve, &#8220;Lom riong kene ini ur polpolnga, eneke sivengom, wong ritet ako nge wong.&#8221;</div><div class="p"> 14Mako Jisas i olal ole riong ve, &#8220;Avele, ur ako tho ritet nge sivengek i nunganga, eneke lemik mire nge pen ako tho es nge me, tomo mun nge pen ako aro tho es nge la. Aveto lomumu mire nge pen ako tho es nge me, kene avele, tomo mun nge pen ako aro tho es nge la. 15Sivengomu, thomu o panes inga vothung ulue anga ma o pamit toko nge riong, aveto engek inga, tho pamit toko e avele nge riong. 16Na aro ve tho pamit toko e nge riong, aro lek omaing aken i vengveng, eneke tho panes sivengek lemik avele. Vovo ako i pakeu tho me, i voth tomo e tho. 17Na lomu patorong i ri vene: &#8216;Aro ve toko or aini o teltun toko ia na o ripot nge riong omole inga, aken kene ole riong aken i nunganga.&#8217;#8:17 Lo 19:15 18Na tho kene tho ritet nge sivengek, na Vovo ako i pakeu tho me i ritet mun nge tho.&#8221; 19Mako Parisire o nina i ve, &#8220;Tomom aken i voth a kala?&#8221;</div><div class="p">Na Jisas i olal ole riong ve, &#8220;Lomumu mire nge tho avele, na lomumu mire mun nge ok Vovo avele. Aro ve lomumu mire nge tho, aro lomumu mire mun nge ok Vovo.&#8221; 20Na Jisas i ri riong aken, ako i patoral toko na sengre, ako a Lotu Tepun a Vel a lok lemi, toth nge pen ako o sungu ole sungong nge. Ave toko e avele i rere i, eneke ile nang i velpol rongan.</div><div class="s">Jisas i ri ve, o pavurvur aro o es nge pen ako aro i es nge, kene avele.</div><div class="p"> 21Na Jisas i ria mun or ve, &#8220;Aro tho es, naro thomu o kath tho, aveto aro thomu o rin tomo nge lomu vothung kerenga ako rongan i voth a thomu nge. Na thomu o pavurvur aro o es nge pen ako aro tho es nge, kene avele.&#8221;</div><div class="p"> 22Mako Judare oa pompomere o ria ve, &#8220;I vava ake i ri ve, &#8216;Na thomu o pavurvur aro o es nge pen ako aro tho es nge, kene avele, e?&#8217; Ava i mirenga ve aro i pun rin isivenga?&#8221;</div><div class="p"> 23Lama Jisas i olal ole riong ve, &#8220;Thomu ini ulue anga na tho ini ulue anga avele, tho ini Pen a Urvet anga. 24Na tho ria tel thomu nge lale ve, &#8216;Aro thomu o rin tomo nge lomu vothung kerenga ako rongan i voth a thomu nge.&#8217; Na aro ve lomumuo nge tho ako tho ini toko ako tho ritet thomu nge lale, kene avele, aro thomu o rin tomo nge lomu vothung kerenga ako rongan i voth a thomu nge.&#8221;</div><div class="p"> 25Ma o nina mun i ve, &#8220;Ong ini ao?&#8221;</div><div class="p">Ma i olal ole riong ve, &#8220;Tho ini toko re ako tho ria tel thomu nge lale, i patea nge ako tho patea nge lek omaing. 26Na i pavurvur aro tho teltun omu nge ur puluanga, aveto aro tho oma i avele, toko ako i pakeu tho me ile riong kene i nunganga na tho ri inga riong ako tho nongpol i a i nge a thomu toko ulue angare nge.&#8221;</div><div class="p"> 27I ri venen aken a or nge, aveto olemi mire avele ako i ri nge Itema ako a Pen a Urvet. 28Mako i ria or ve, &#8220;Aro thomu o pamona Toko Pomnga Itun, maken aro lomumu mire ako tho ini toko ako tho ritet thomu nge lale. Naro lomumu mire ol nge ako tho oma polpol ur e avele ako nge sivengek lemik, aveto tho ri inga riong ako Vovo i patoral tho nge. 29Na toko ako i pakeu tho me, i kene i voth tomo nge tho, na i modoppot vet tho avele, eneke tho oma inga omaing ako ilemi sivenga nge.&#8221; 30Na i ri venen aken ma toko na seng pulua olemio ol nge i.</div><div class="s">Toko Pomnga Itun aro i pavthopot tokokoere.</div><div class="p"> 31Ma Jisas i ria Juda areko olemio nge i lale, ma i ria or ve, &#8220;Areko o nongal lek patoraling, or ini lek wainlanga nungangare. 32Na aro ve thomu o oma venen aken, aro lomumu mire nge riong nunganga, na riong nunganga aro i pavthopot thomu.&#8221;</div><div class="p"> 33Ma o olal ile riong ve, &#8220;Them ini a Abraham ititeviere, na nomenga i pavurvur ponange them um polpol nge toko e avele. Na i vova ako ong ri ve aro them vthopot, e?&#8221;</div><div class="p"> 34Ma Jisas i olal ole riong ve, &#8220;Tho ri nunganga a thomu nge, toko ako i oma vothung kerenga, aken ini vothung kerenga ile um polpolonga. 35Na toko um polpolonga i voth tomo nge ia pomnga ile vel lemiare evelelnga avele, aveto toko itun ini itema itun evelelnga. 36Maken aro ve God Itun i pavthopot thomu, aro thomu o vtho selele. 37Na lemik mire lale ako thomu ini a Abraham ititeviere, aveto thomu o sis ve aro o so rin tho, eneke thomu o krim lek patoraling avele. 38Na tho ria thomu nge ur ako Vovo i pathengal i a tho nge, aveto thomu o oma omaing ako omu vovo i ria thomu nge.&#8221;</div><div class="p"> 39Na o olal ile riong ve, &#8220;Emem vovo ini a Abraham.&#8221;</div><div class="p">Ma Jisas i olal ole riong ve, &#8220;Aro ve thomu ini a Abraham itutun nungangare, aro thomu o oma mun omaing ranga ve ako i oma i. 40Na evelelnga tho ritet thomu nge riong nunganga ako tho nongpol i a God nge, ave thomu o engeng ve aro o so rin tho. Na Abraham kene i oma venen aken avele. 41Na thomu o oma ranga ve ako omu vovo i oma i.&#8221;</div><div class="p">Ma o olal ile riong ve, &#8220;Na God ienga inga ako ini emem Vovo, na them ini itutun nungangare.&#8221;</div><div class="p"> 42Ma Jisas i olal ole riong ve, &#8220;Aro ve God ini omu Vovo nunganga, aro omu sagu tho, eneke tho esu a God nge me, na ponange tho voth ol ake. Na tho es me nge sivengek lemik avele, aveto God i pakeu tho me. 43Na i vova ake lomumu mire nge ur areko tho ri nge, kene avele, e? Eneke numu plong ve aro o nongal lek riong. 44Na thomu ini a Satan itutunre na ini omu vovo. Make thomu o sis ve aro thomu o panes vet inga ako ini ilemi. Na nomenga vet ako me, i so rin rin toko, na i pavurvur aro i ri riong nunganga avele, eneke riong nunganga i voth a i nge avele. Aken ini ile vothung vet ako ile apaltet, eneke ini toko le apaltetonga na ini vothung le apaltetonga itema. 45Aveto lomumuo vet nge lek riong avele, eneke tho ri nge ur ako i nunganga. 46Na i vava, thomu o pavurvur aro o ripot lek vothung kerenga, e? Avele! Na aro ve lek riong i nunganga, i vova ako lomumuo nge tho avele, e? 47Na toko e ako ini a God ile, i nongal a God ile riong. Aveto thomu o nongal lek riong avele, eneke thomu ini a God ile avele.&#8221;</div><div class="s">Jisas i velpol tel nge a Abraham.</div><div class="p"> 48Na Judare o olal ile riong ve, &#8220;Na them ri ve, ong ini Samaria anga ma tamata kerenga i rero ong. Na lemem riong aken i nunganga, e?&#8221;</div><div class="p"> 49Ma Jisas i olal ole riong ve, &#8220;Tamata kerenga i rero tho avele. Na tho papomnga a Vovo, aveto thomu o paruru tho. 50Na tho sis ve aro tokokoere o papomnga tho avele. Aveto toko omole ako i voth ako i sis ve aro i papomnga tho, na ini tokokoere ole riong nongpolnga. 51Na tho ri nunganga a thomu nge, areko o nongal lek riong, i pavurvur aro o rin ol avele.&#8221;</div><div class="p"> 52Na Judare o ria i ve, &#8220;Na lemimem mire senu ol lale ako ve, tamata kerenga i rero ong! Eneke Abraham i rin nomenga lale tomo mun nge a God ile riong elngare, ave ong ri ve, &#8216;Areko o nongal lek riong, i pavurvur aro o rin ol avele.&#8217; 53Na emem vovo a Abraham i rin lale, na ong ini ao ako ong ri ve, ong aolonga nge a Abraham, e? Na God ile riong elngare o rin mun lale, na ong ini ao ako ong ri venen aken, e?&#8221;</div><div class="p"> 54Ma Jisas i olal ole riong ve, &#8220;Aro ve tho papomnga sivengek, aro lek omaing aken ini ur polpolnga. Na toko ako i papomnga tho, ini a Vovo ako thomu o ri ve ini lomu God. 55Aveto lomumu mire vet nge i avele, aveto lemik mire nge i. Na aro ve tho ri ve, lemik mire nge i avele, aro tho ini toko le apaltetonga ranga ve ini thomu. Aveto lemik mire nge i na tho panes ile riong. 56Na omu vovo a Abraham ilemi sivenga rintet ve aro i thopol lek velpoling, na i thopol i lale ma ilemi sivenga nge.&#8221;</div><div class="p"> 57Mako Judare o ria mun i ve, &#8220;Om tovu po or mule pa lim rongan, na ong ri ve ong thopol a Abraham, e?&#8221;</div><div class="p"> 58Mako i olal ole riong ve, &#8220;Tho ri nunganga a thomu nge, Abraham o pop i rongan, na tho voth tel lale.&#8221; 59Mako o ela umre ma o ri ve o pun rin i nge, ave Jisas i es kinepot a or nge ma i korpot a Lotu Tepun a Vel a lok lemi ma i es ol.</div>
 </div>
 </div>
</div>

Aveto Jisas i esa a tete a Oliv. Lama rulpou ma i lo werer a Lotu Tepun a Vel a lok lemi ma toko na seng pulua o vustuno i, mako i menu ma i patoral or. Na pamirealingare nge a Moses ile patorong tomo nge Parisire o wol seng peange omole ako olemi mire ako i aom toko ma o pamitu i a tokokoere otheki. Mako o ria Jisas ve, “Pamirealinga, them thopol seng ake ako i aom toko ako ini iewo avele. Na Moses ile patorong i ri ve, na aro ve seng e i oma venen aken, aro te ela umre mo te pun rin i nge. Naro ong ri vava nge?” Na o ri venen aken mo o ri ve o patelek i mo aro o teltun ia nge.
Ave Jisas i lotoru ma i watu a ulue nge imeni pupo. Ave o nin ororo i, mako Jisas i mit vengveng werera ma i ria or ve, “Na omu e ako i oma vothung kerenga e avele, aro i ula tel um a i nge.” Lamako i lotoru mun ma i watu mun a ulue.
Na o nongpol veno ako ma o korpot omole omole, i patea nge toloklokere makola or alavuspot, na Jisas ienga ako i voth tomo nge seng aken ako i mit a itheki. Ma i mita ma i ria i ve, “Or ol kala? E avele i voth mo i teltun om, e?”
Ma i olal ile riong ve, “Toko Pomnga, e avele.”
Mako Jisas i ria i ve, “Na tho mun, aro tho teltun om avele. Na ong es la, na ong mothong tova oma ol vothung kerenga e.”]

Ma Jisas i ria mun tokokoe areko o voth a Lotu Tepun a Vel a lok lemi ve, “Engek, tho ini toko ako tho sung pen lalanga a toko ulue angare nge. Na areko o panes tho, aro o el pen lalanga ako i pathengal or nge mimiong a so, naro o es ol a mideng lemi avele.”
Lamako Parisire o ria i ve, “Lom riong kene ini ur polpolnga, eneke sivengom, wong ritet ako nge wong.”
Mako Jisas i olal ole riong ve, “Avele, ur ako tho ritet nge sivengek i nunganga, eneke lemik mire nge pen ako tho es nge me, tomo mun nge pen ako aro tho es nge la. Aveto lomumu mire nge pen ako tho es nge me, kene avele, tomo mun nge pen ako aro tho es nge la. Sivengomu, thomu o panes inga vothung ulue anga ma o pamit toko nge riong, aveto engek inga, tho pamit toko e avele nge riong. Na aro ve tho pamit toko e nge riong, aro lek omaing aken i vengveng, eneke tho panes sivengek lemik avele. Vovo ako i pakeu tho me, i voth tomo e tho. Na lomu patorong i ri vene: ‘Aro ve toko or aini o teltun toko ia na o ripot nge riong omole inga, aken kene ole riong aken i nunganga.’ Na tho kene tho ritet nge sivengek, na Vovo ako i pakeu tho me i ritet mun nge tho.” Mako Parisire o nina i ve, “Tomom aken i voth a kala?”
Na Jisas i olal ole riong ve, “Lomumu mire nge tho avele, na lomumu mire mun nge ok Vovo avele. Aro ve lomumu mire nge tho, aro lomumu mire mun nge ok Vovo.” Na Jisas i ri riong aken, ako i patoral toko na sengre, ako a Lotu Tepun a Vel a lok lemi, toth nge pen ako o sungu ole sungong nge. Ave toko e avele i rere i, eneke ile nang i velpol rongan.

Na Jisas i ria mun or ve, “Aro tho es, naro thomu o kath tho, aveto aro thomu o rin tomo nge lomu vothung kerenga ako rongan i voth a thomu nge. Na thomu o pavurvur aro o es nge pen ako aro tho es nge, kene avele.”
Mako Judare oa pompomere o ria ve, “I vava ake i ri ve, ‘Na thomu o pavurvur aro o es nge pen ako aro tho es nge, kene avele, e?’ Ava i mirenga ve aro i pun rin isivenga?”
Lama Jisas i olal ole riong ve, “Thomu ini ulue anga na tho ini ulue anga avele, tho ini Pen a Urvet anga. Na tho ria tel thomu nge lale ve, ‘Aro thomu o rin tomo nge lomu vothung kerenga ako rongan i voth a thomu nge.’ Na aro ve lomumuo nge tho ako tho ini toko ako tho ritet thomu nge lale, kene avele, aro thomu o rin tomo nge lomu vothung kerenga ako rongan i voth a thomu nge.”
Ma o nina mun i ve, “Ong ini ao?”
Ma i olal ole riong ve, “Tho ini toko re ako tho ria tel thomu nge lale, i patea nge ako tho patea nge lek omaing. Na i pavurvur aro tho teltun omu nge ur puluanga, aveto aro tho oma i avele, toko ako i pakeu tho me ile riong kene i nunganga na tho ri inga riong ako tho nongpol i a i nge a thomu toko ulue angare nge.”
I ri venen aken a or nge, aveto olemi mire avele ako i ri nge Itema ako a Pen a Urvet. Mako i ria or ve, “Aro thomu o pamona Toko Pomnga Itun, maken aro lomumu mire ako tho ini toko ako tho ritet thomu nge lale. Naro lomumu mire ol nge ako tho oma polpol ur e avele ako nge sivengek lemik, aveto tho ri inga riong ako Vovo i patoral tho nge. Na toko ako i pakeu tho me, i kene i voth tomo nge tho, na i modoppot vet tho avele, eneke tho oma inga omaing ako ilemi sivenga nge.” Na i ri venen aken ma toko na seng pulua olemio ol nge i.

Ma Jisas i ria Juda areko olemio nge i lale, ma i ria or ve, “Areko o nongal lek patoraling, or ini lek wainlanga nungangare. Na aro ve thomu o oma venen aken, aro lomumu mire nge riong nunganga, na riong nunganga aro i pavthopot thomu.”
Ma o olal ile riong ve, “Them ini a Abraham ititeviere, na nomenga i pavurvur ponange them um polpol nge toko e avele. Na i vova ako ong ri ve aro them vthopot, e?”
Ma Jisas i olal ole riong ve, “Tho ri nunganga a thomu nge, toko ako i oma vothung kerenga, aken ini vothung kerenga ile um polpolonga. Na toko um polpolonga i voth tomo nge ia pomnga ile vel lemiare evelelnga avele, aveto toko itun ini itema itun evelelnga. Maken aro ve God Itun i pavthopot thomu, aro thomu o vtho selele. Na lemik mire lale ako thomu ini a Abraham ititeviere, aveto thomu o sis ve aro o so rin tho, eneke thomu o krim lek patoraling avele. Na tho ria thomu nge ur ako Vovo i pathengal i a tho nge, aveto thomu o oma omaing ako omu vovo i ria thomu nge.”
Na o olal ile riong ve, “Emem vovo ini a Abraham.”
Ma Jisas i olal ole riong ve, “Aro ve thomu ini a Abraham itutun nungangare, aro thomu o oma mun omaing ranga ve ako i oma i. Na evelelnga tho ritet thomu nge riong nunganga ako tho nongpol i a God nge, ave thomu o engeng ve aro o so rin tho. Na Abraham kene i oma venen aken avele. Na thomu o oma ranga ve ako omu vovo i oma i.”
Ma o olal ile riong ve, “Na God ienga inga ako ini emem Vovo, na them ini itutun nungangare.”
Ma Jisas i olal ole riong ve, “Aro ve God ini omu Vovo nunganga, aro omu sagu tho, eneke tho esu a God nge me, na ponange tho voth ol ake. Na tho es me nge sivengek lemik avele, aveto God i pakeu tho me. Na i vova ake lomumu mire nge ur areko tho ri nge, kene avele, e? Eneke numu plong ve aro o nongal lek riong. Na thomu ini a Satan itutunre na ini omu vovo. Make thomu o sis ve aro thomu o panes vet inga ako ini ilemi. Na nomenga vet ako me, i so rin rin toko, na i pavurvur aro i ri riong nunganga avele, eneke riong nunganga i voth a i nge avele. Aken ini ile vothung vet ako ile apaltet, eneke ini toko le apaltetonga na ini vothung le apaltetonga itema. Aveto lomumuo vet nge lek riong avele, eneke tho ri nge ur ako i nunganga. Na i vava, thomu o pavurvur aro o ripot lek vothung kerenga, e? Avele! Na aro ve lek riong i nunganga, i vova ako lomumuo nge tho avele, e? Na toko e ako ini a God ile, i nongal a God ile riong. Aveto thomu o nongal lek riong avele, eneke thomu ini a God ile avele.”

Na Judare o olal ile riong ve, “Na them ri ve, ong ini Samaria anga ma tamata kerenga i rero ong. Na lemem riong aken i nunganga, e?”
Ma Jisas i olal ole riong ve, “Tamata kerenga i rero tho avele. Na tho papomnga a Vovo, aveto thomu o paruru tho. Na tho sis ve aro tokokoere o papomnga tho avele. Aveto toko omole ako i voth ako i sis ve aro i papomnga tho, na ini tokokoere ole riong nongpolnga. Na tho ri nunganga a thomu nge, areko o nongal lek riong, i pavurvur aro o rin ol avele.”
Na Judare o ria i ve, “Na lemimem mire senu ol lale ako ve, tamata kerenga i rero ong! Eneke Abraham i rin nomenga lale tomo mun nge a God ile riong elngare, ave ong ri ve, ‘Areko o nongal lek riong, i pavurvur aro o rin ol avele.’ Na emem vovo a Abraham i rin lale, na ong ini ao ako ong ri ve, ong aolonga nge a Abraham, e? Na God ile riong elngare o rin mun lale, na ong ini ao ako ong ri venen aken, e?”
Ma Jisas i olal ole riong ve, “Aro ve tho papomnga sivengek, aro lek omaing aken ini ur polpolnga. Na toko ako i papomnga tho, ini a Vovo ako thomu o ri ve ini lomu God. Aveto lomumu mire vet nge i avele, aveto lemik mire nge i. Na aro ve tho ri ve, lemik mire nge i avele, aro tho ini toko le apaltetonga ranga ve ini thomu. Aveto lemik mire nge i na tho panes ile riong. Na omu vovo a Abraham ilemi sivenga rintet ve aro i thopol lek velpoling, na i thopol i lale ma ilemi sivenga nge.”
Mako Judare o ria mun i ve, “Om tovu po or mule pa lim rongan, na ong ri ve ong thopol a Abraham, e?”
Mako i olal ole riong ve, “Tho ri nunganga a thomu nge, Abraham o pop i rongan, na tho voth tel lale.” Mako o ela umre ma o ri ve o pun rin i nge, ave Jisas i es kinepot a or nge ma i korpot a Lotu Tepun a Vel a lok lemi ma i es ol.

Słuchaj Jon 8