Marika Na i Vakamacala Taumada
Na i Vakamacala Taumada
Na i Tukutuku Vinaka sa Vola o Marika e tekivutaki ena vica na mala ni vosa ni sai koya oqo “na i Tukutuku Vinaka kei Jisu Karisito, na Luve ni Kalou”. Sa vakaraitaki kina o Jisu ni sa turaga yavavala ka ni sa tu talega vua na kaukauwa mana. Sa kunei votu na nona kaukauwa ena nona i vakavuvuli, na nona rawai ira na tevoro, kei na nona vosoti ira na tamata ena vuku ni nodra i valavala ca. E a tukuni Jisu ni sai koya na Luve ni Tamata, o koya ka a lako mai me mai solia na nona bula me ra sereki kina na tamata mai na nodra i valavala ca.
O Marika e tuvana na i talanoa kei Jisu ena dua na kena i kotokoto e rawarawa ka bulabula. E vakabibitaka na veika sa cakava o koya ka sega soti na veika sa tukuna se vakatavulica. Ni oti e dua na i vakamacala lekaleka me baleti Joni na Dauveipapitaisotaki, kei na papitaiso kei na veretaki nei Jisu, sa goleva sara yani o Marika na cakacaka ni veivakabulai kei na veivakatovolei nei Jisu. Ni sa toso tiko na gauna era sa qai kilai koya vakavinaka cake tikoga mai o ira na nona tisaipeli, ia o ira na nona meca e sa qai levu cake ga na nodra cati koya. Na veiwase ni vola e muri e tukuni kina na veika era a yaco ena i otioti ni macawa sa bula voli kina vakatamata o Jisu, vakabibi na nona mate ena kauveilatai kei na nona tucake tale mai na mate.
Na Lewe ni Vola
Na i tekivu ni Tukutuku Vinaka 1.1-13
Na cakacaka i Jisu mai Kalili 1.14–9.50
Mai Kalili ki Jerusalemi 10.1-52
Otioti ni macawa e Jerusalemi kei na veivanua volekata 11.1–15.47
Na tucake tale i Jisu 16.1-8
Na rairai kei na kau cake ni Turaga 16.9-20
Currently Selected:
Marika Na i Vakamacala Taumada: FNVDC12
Highlight
Share
ਕਾਪੀ।
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.