ᐅᐸᓓᑭᔅ ᒫᕐᒃ 15
15
ᒋᓴᔅ ᑲᑴᒋᐃᑯ ᐹᐃᓚᑕ
(ᒫᑎᐤ 27:1–2, 11–14; ᓘᒃ 23:1–5; ᒑᓐ 18:28–38)
1ᑣᔦᒃ ᒫᑲ ᐁ ᑭᑭᔐᐹᔮᒃ ᑭᒋ ᓵᓵᑭᐎᓕᐌᐎᓕᓕᐗᒃ ᑮ ᐋᔭᔭᒥᑝᐗᒃ ᐊᓯᒋ ᑳ ᓂᑳᓀᓕᑖᑯᓯᒋᒃ, ᓀᔥᑕ ᐅᒪᓯᓇᐃᑫᐗᒃ ᓀᔥᑕ ᒥᓯᐌ ᑳ ᐎᑕᐱᒥᑯᒋᒃ, ᑮ ᒫᒫᒋᑯᐱᑌᐗᒃ ᒫᑲ ᒋᓴᓴ, ᓀᔥᑕ ᑭᑐᑕᐁᐗᒃ, ᑮ ᐸᑭᑎᓇᒪᐌᐗᒃ ᒫᑲ ᐹᐃᓚᑕ᙮ 2ᐹᐃᓚᑦ ᒫᑲ ᑮ ᑲᑴᒋᒣᐤ, ᑭᓚ ᓈ ᒎᐗᒃ ᐅ ᑭᒋᐅᑭᒫᒥᐙᐗ?
ᐎᓚ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑭᑦ ᐃᑣᓐ᙮
3ᑭᒋ ᓵᓵᑭᐎᓕᐌᐎᓕᓕᐗᒃ ᒫᑲ ᒥᒉᑦ ᑫᒀᓇ ᑮ ᒫᒥᔑᒣᐗᒃ; ᒫᑲ ᓇᒪᐎᓚ ᐗᔦᔥ ᐅᒋ ᓇᔥᑴᐗᔑᐃᐌᐤ᙮ 4ᐹᐃᓚᑦ ᒫᑲ ᒥᓇ ᑮ ᑲᑴᒋᒣᐤ, ᐁ ᐃᑗᑦ, ᓇᒪ ᓈ ᐙᔦᔥ ᑭ ᓇᔥᑴᐗᔑᐃᐙᓐ? ᒫᑎᑲ ᐁᔅᐱᒋ ᒥᒉᑦ ᑫᒀᓇ ᐁ ᒫᒥᔑᒥᔅᑭᒃ᙮
5ᒫᑲ ᒋᓴᔅ ᑫᔮᐸᒡ ᓇᒪᐎᓚ ᐙᔦᔥ ᐅᒋ ᓇᔥᑴᐗᔑᐃᐌᐤ; ᑳ ᐅᒋ ᒫᒪᔅᑳᑕᒃ ᐹᐃᓚᑦ᙮
ᒋᓴᔅ ᐸᑭᑎᓇᑲᓂᐃᐧᐤ ᑭᒋ ᓂᐱᑦ
(ᒫᑎᐤ 27:15–26; ᓘᒃ 23:13–25; ᒑᓐ 18:39—19:16)
6ᒣᒀᒡ ᐁ ᑲᓇᐌᓕᒋᑳᑌᒃ ᐊᓂᒪ ᒪᑯᔐᐎᓐ ᑮ ᐸᑭᑎᓇᒪᐌᐤ ᐯᔭᒃ ᑭᐸᐙᑲᓇ, ᐱᑯ ᐊᓂᐃ ᓀᑕᐌᓕᒫᓕᒋ᙮ 7ᑮ ᐃᑕᐤ ᒫᑲ ᐯᔭᒃ ᐸᕌᐸᔅ ᐁ ᐃᔑᓂᑳᓱᑦ, ᐁ ᒫᒫᒋᑯᐱᑖᑲᓂᐎᑦ ᐊᓯᒋ ᐊᓂᐃ ᑳ ᐎᒋᐎᑯᑦ ᐁ ᓂᔑᐗᓈᑕᑲᒥᑭᓯᑦ, ᑳ ᑮ ᓂᐹᔨᐌᑦ ᐁ ᓂᔑᐗᓈᑕᑲᒥᑭᓯᒋᒃ᙮ 8ᒥᔮᒪᐎᒥᒉᑎᒋᒃ ᐃᓕᓕᐗᒃ ᒫᑲ, ᐁᓕᑯᒃ ᐁ ᑌᐺᒋᒃ, ᑮ ᒫᒋ ᓈᑐᑕᒪᐌᐗᒃ ᑭᒋ ᑐᑕᒥᓕᒋ ᒧᔕᒃ ᑳ ᑮ ᑐᑕᒫᑯᒋᒃ᙮ 9ᒫᑲ ᐹᐃᓚᑦ ᑮ ᓇᔥᑴᐗᔑᐁᐤ, ᐁ ᐃᑖᑦ, ᑭ ᓇᑕᐌᓕᒥᓇᐗᐤ ᓈ ᑭᒋ ᐸᑭᑎᓇᒫᑕᑾᒃ ᐊᓇ ᒎᐗᒃ ᐅ ᑭᒋᐅᑭᒫᒥᐗᐗ? 10ᐌᓴ ᑮ ᑭᔅᑫᓕᑕᒻ ᐁ ᑮ ᐅᑎᓕᒫᓕᒋ ᐌᒋ ᑮ ᐸᑭᑎᓇᒫᑯᑦ ᑭᒋ ᓵᓵᑭᐎᓕᐌᐃᓕᓕᐗ᙮
11ᒫᑲ ᑭᒋ ᓵᓵᑭᐎᓕᐌᐎᓕᓕᐗᒃ ᑮ ᔑᑭᒣᐗᒃ ᐃᓕᓕᐗ ᑭᒋ ᓇᑐᑕᒫᓕᒋ ᑭᒋ ᐸᑭᑎᓇᒫᑯᒋᒃ ᐸᕋᐸᓴ᙮ 12ᐹᐃᓚᑦ ᒫᑲ ᐁ ᓇᔥᑴᐗᔑᐗᑦ ᒥᓇ ᑮ ᐃᑌᐤ, ᑫᒀᓐ ᒫᑲ ᓀᑕᐌᓕᒥᔦᒃ ᑭᒋ ᑐᑕᐗᒃ ᐊᓇ ᒎᐗᒃ ᐅ ᑭᒋᐅᑭᒫᒥᐙᐗ ᑳ ᐃᔑᓂᑳᑌᒃ?
13ᒥᓇ ᒫᑲ ᑮ ᑌᐺᐗᒃ, ᒌᔅᑖᔅᑾᐤ᙮
14ᐁᑯ ᐹᐃᓚᑦ ᐁᑖᑦ, ᑖᓀᑭ ᐌᒋ, ᑫᒀᓕᐤ ᑳ ᒪᒋᑐᑕᒃ?
ᓈᔅᐱᒡ ᒫᑲ ᐊᐙᓯᑌ ᑮ ᑌᐺᐗᒃ, ᒌᔅᑖᔅᑾᐤ᙮
15ᐁᑯ ᒫᑲ ᐹᐃᓚᑦ, ᐁ ᐎ ᓇᐃᓚᐌᐋᑦ ᐱᓕᓕᐗ, ᑮ ᐸᑭᑎᓇᒪᐌᐧ ᐸᕌᐸᓴ, ᐃᔅᐱ ᒫᑲ ᑳ ᑮ ᐸᓴᔅᑌᐙᑦ ᒋᓴᓴ, ᑮ ᐸᑭᑎᓀᐤ ᑭᒋ ᒌᔅᑖᔅᑾᐗᑲᓂᐎᓕᒋ᙮
ᓇᑐᐸᓕᐎᓕᓕᐗᒃ ᐋᔭᓵᒋᐅᐗᒃ ᒋᓴᓴ
(ᒫᑎᐤ 27:27–31; ᒑᓐ 19:2–3)
16ᓇᑐᑕᓕᐎᓕᓕᐗᒃ ᒫᑲ ᑮ ᐃᑐᑕᐁᐗᒃ ᐙᔅᑳᔨᑲᓇᒃ ᑉᕆᑐᕆᔭᒻ ᑳ ᐃᔑᓂᑳᑌᒃ; ᑮ ᓇᑐᒣᐗᒃ ᒫᑲ ᒥᓯᐌ ᑳ ᒥᓀᔭᑎᓕᒋ ᓇᑐᐸᓕᐎᓕᓕᐗ᙮ 17ᑮ ᐳᔅᑕᑯᐸᐁᐗᒃ ᒫᑲ ᒥᑴᑭᓂᓕᐤ, ᑮ ᐊᐱᑳᑕᒶᒃ ᒫᑲ ᐅᑭᒫᐗᔅᑐᑎᓂᓕᐤ ᒥᔑᑳᐎᒥᓇᑯᔑᔭ ᐅᒋ, ᓀᔥᑕ ᑮ ᐳᔅᑕᔅᑐᑎᓇᐁᐗᒃ; 18ᑮ ᒫᒋ ᐊᑕᒥᔅᑲᐌᐗᒃ ᒫᑲ ᐦᐁᓪ, ᑭᓚ ᒎᐗᒃ ᐅ ᑭᒋᐅᑭᒪᒥᐗᐗ! 19ᐎᐹᔅᑯᓕᐤ ᒫᑲ ᑮ ᐅᒋ ᐅᑖᒪᐌᐗᒃ ᐅᔅᑎᒀᓂᓕᒃ, ᑮ ᓯᒀᑌᐗᒃ ᒫᑲ, ᓀᔥᑕ ᐁ ᐱᑭᒋᑾᓀᓕᒋᒃ, ᑮ ᓇᐗᑮᔅᑕᐌᐗᒃ᙮ 20ᐃᔅᐱ ᒫᑲ ᑳ ᑮ ᐋᔭᓵᒋᐋᒋᒃ, ᑮ ᒪᓂᓇᒬᐗᒃ ᒥᑴᑭᓂᓕᐤ, ᑎᐱᓚᐗ ᒫᑲ ᐅ ᐎᓛᒋᑲᓂᓕᐗ ᑮ ᐳᔅᑎᔥᑲᒧᑎᓓᐗᒃ, ᐁᑯ ᒫᑲ ᑫᑐᑕᐋᒋᒃ ᑭᒋ ᑮᔅᑖᔅᑾᐙᒋᒃ᙮
ᒋᓴᔅ ᒋᔅᑕᔅᑾᑲᓂᐎᐤ
(ᒫᑎᐤ 27:32–44; ᓘᒃ 23:26–43; ᒑᓐ 19:17–27)
21ᑮ ᔖᑯᒋᒣᐗᒃ ᒫᑲ ᐯᔭᒃ ᓵᐃᕆᓂᐎᓕᓕᐗ ᓵᐃᒪᓐ, ᐊᓐᑕ ᐁ ᐱᒧᑌᓕᒋ, ᐱᑐᔥ ᐃᑕ ᐁ ᐅᑐᑌᓕᒋ, ᐅᑖᐎᐙᐗ ᐋᓕᒃᓵᓐᑕᕐ ᓀᔥᑕ ᕉᐸᔅ, ᑭᒋ ᐱᒥᐎᑕᐙᓕᒋ ᐅᑦ ᐋᔑᑌᐋᑎᑯᒥᓕᐤ᙮ 22ᑮ ᐯᔑᐌᐗᒃ ᒫᑲ ᐊᓐᑕ ᑲᓪᑯᑕ ᑳ ᐃᔑᓂᑳᑌᒃ, ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᐅᔅᑎᑳᓂᑲᓐ᙮ 23ᑮ ᒥᓓᐗᒃ ᒫᑲ ᔓᒥᓈᐳᓕᐤ ᒪᕐ ᐁ ᑭᓕᑲᐎᓂᑳᑌᓕᒃ: ᒫᑲ ᓇᒪᐎᓚ ᐅᒋ ᐅᑎᓇᒻ᙮ 24ᐃᔅᐱ ᒫᑲ ᑳ ᑮ ᒋᔅᑖᔅᑾᐙᒋᒃ, ᑮ ᒫᑎᓇᒫᑐᐗᒃ ᐅ ᐎᓦᒋᑲᓇᓕᐗ, ᐁ ᒪᐃᑲᓈᑎᑯᑫᒋᒃ, ᑫᒀᓕᐤ ᒥᓯᐌ ᑕᑐ ᐃᓕᓕᐤ ᑫ ᐅᑎᓇᑭᐸᓐ᙮ 25ᓂᔅᑐ ᑎᐹᔨᑲᓐ ᐱᓯᒧᑳᓂᒃ ᑮ ᐃᔅᐸᓕᐤ; ᑮ ᒌᔅᑖᔅᑾᐌᐗᒃ ᒫᑲ᙮ 26ᐊᓂᒪ ᒪᓯᓇᐃᑲᓐ ᒫᑲ ᐁ ᐃᔑ ᒪᒥᔑᒫᑲᓂᐎᑦ ᐃᔥᐱᒥᒃ ᑮ ᒪᓯᓇᐃᑳᑌᓕᐤ, ᒎᐗᒃ ᐅ ᑭᒋᐅᑭᒫᒥᐗᐗ᙮ 27ᐊᓯᒋ ᐎᓚ ᓂᔓ ᑭᒧᑎᔅᑾ ᑮ ᒋᔅᑖᔅᑾᐌᐗᒃ, ᐯᔭᒃ ᐅ ᑭᒋᓂᔅᑭᓕᒃ ᐃᑌᑫ, ᑯᑕᑭᔭ ᒫᑲ ᐅ ᓇᒪᑎᓂᔅᑭᓕᒃ ᐃᑌᑫ᙮ 28ᑮ ᑎᐱᐸᓕᐤ ᒫᑲ ᐊᓂᒪ ᑭᒋ ᒪᓯᓇᐃᑫᐎᓐ, ᑮ ᐊᔑᑕᑭᒪᐤ ᐅᐗᓂᑐᑕᒧᔅᑲ᙮
29ᐊᓂᑭ ᒫᑲ ᑳ ᐱᒥᒥᔮᔥᑲᐙᒋᒃ ᑮ ᒫᓓᓕᒣᐗᒃ, ᐁ ᐌᐌᐱᔅᑴᓕᒋᒃ, ᐁ ᐎᑌᒋᒃ ᒫᑲ, ᐋ, ᑭᓚ ᑳ ᓂᔑᐗᓈᒋᑖᔭᓐ ᑭᒋᐋᔭᒥᐁᐎᑲᒥᒃ ᓀᔥᑕ ᑳ ᐅᔑᑖᔭᓐ ᐃᔥᐱᔥ ᓂᔅᑐ ᑭᔑᑳᐗ, 30ᐱᒫᒋᐃᑎᓱ, ᐯᒋ ᓂᔖᑕᐎ ᒫᑲ ᐋᔑᑌᐋᑎᑯᒃ ᐅᒋ᙮
31ᑖᐱᔅᑯᒡ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗᒃ, ᐁ ᐋᔭᓵᒋᐋᒋᒃ, ᑮ ᐃᑎᑐᐗᒃ ᐊᓯᒋ ᐅᒪᓯᓇᐃᑫᐗᒃ, ᑮ ᐱᒫᒋᐁᐤ ᑯᑕᑭᔭ, ᐎᓚ ᑫᒋᐙᒃ ᒫᑲ ᓇᒪᐎᓚ ᑮ ᐱᒫᒋᐃᑎᓱ᙮ 32ᐁᑯᔑ ᙭, ᐃᔅᕃᐃᓪ ᐅ ᑭᒋᐅᑭᒫᒪ, ᑲᑕ ᐯᒋ ᓂᔔᑕᐎᐤ ᐋᔑᑌᐋᑎᑯᒃ ᐅᒋ, ᑭᒋ ᑮ ᐙᐸᑕᒪᒃ ᓀᔥᑕ ᑖᐺᑕᒪᒃ᙮
ᐊᓂᑭ ᓀᔥᑕ ᑳ ᐊᓯᒋ ᒋᔅᑖᔅᑾᐙᑲᓂᐎᒋᒃ ᑮ ᑭᑳᒣᐗᒃ᙮
ᐁ ᐃᔑ ᓂᐱᑦ ᒋᓴᔅ
(ᒫᑎᐤ 27:45–56; ᓘᒃ 23:44–49; ᒑᓐ 19:28–30)
33ᐃᔅᐱ ᒫᑲ ᐌᑎᒋᐸᓕᒃ ᓂᑯᑣᔅ ᑎᐹᔨᑲᓐ ᐱᓯᒧᑳᓂᒃ, ᑮ ᑲᔥᑭᑎᐱᔅᑲᐤ ᒥᓯᐌ ᐊᓂᒪ ᐊᔅᑮᒃ ᐱᓕᔥ ᔖᑭᑖᑦ ᑎᐹᔨᑲᓐ ᐱᓯᒧᑳᓂᒃ᙮ 34ᔖᑭᑖᑦ ᒫᑲ ᑎᐸᔨᑲᓂᒃ ᐱᓯᒧᑳᓂᒃ ᒋᓴᔅ ᑮ ᑌᐺᐤ ᐁ ᑭᔗᐌᑦ, ᐁ ᐃᑗᑦ, ᐃᓗᐋᐃ, ᐃᓗᐋᐃ ᓛᒪ ᓴᐹᒃᑕᓈᐃ? ᑳ ᐃᑗᒪᑲᒃ, ᓂ ᑭᒋᒪᓂᑐᒻ, ᓂ ᑭᒋᒪᓂᑐᒻ, ᑖᓀᑭ ᐌᒋ ᑭ ᐌᐱᓂᔭᓐ?
35ᐋᑎᑦ ᒫᑲ ᐁ ᐃᑕᓯᒋᒃ ᐯᔓᒡ ᑳ ᓂᐸᐎᒋᒃ ᐃᔅᐱ ᐱᐁᑕᑭᒃ, ᑮ ᐃᑗᐗᒃ, ᒫᑎᑲ, ᓇᑐᒣᐤ ᐃᓛᐃᒐᐗ᙮ 36ᐯᔭᒃ ᒫᑲ ᑮ ᐃᔅᐸᑕᐤ, ᑮ ᐊᑯᑎᑕᐤ ᒫᑲ ᐅᐸᓂᓕᐤ ᔑᐎᑳᐳᒃ, ᑮ ᐊᔅᑕᐤ ᒫᑲ ᐎᐹᔅᑯᒃ, ᐁᑯ ᒫᑲ ᒫᓛᑦ ᑭᒋ ᒥᓂᑴᓕᒋ, ᐁ ᐃᑗᑦ, ᐁᑳ ᑐᑖ: ᒫᑎ ᑫ ᐯᒋ ᓂᑎᓂᑯᑴ ᐃᓛᐃᒐᐗ᙮
37ᒋᓴᔅ ᒫᑲ ᑮ ᑌᐺᐤ ᐁ ᑭᔗᐌᑦ, ᐁᑯ ᒫᑲ ᐯᑭᑎᓈᑦ ᐅᑦ ᐊᒑᑾ᙮
38ᐊᑯᐃᑲᓐ ᒫᑲ ᑭᒋᐋᔭᒥᐁᐎᑲᒥᑯᒃ ᑌᑖᐎᒡ ᑮ ᑖᑐᐸᓕᐤ ᐃᔥᐱᒥᒃ ᐅᒋ ᐱᓕᔥ ᑕᐸᔒᔥ᙮ 39ᐃᔅᐱ ᒫᑲ ᓂᑐᐸᓕᐎᑭᒪᐤ, ᐯᔓᒡ ᑳ ᓂᐸᐎᑦ, ᐎᐋᐸᑕᒃ ᐁ ᐃᔑ ᑌᐺᓕᒋ, ᓀᔥᑕ ᐁ ᐸᑭᑎᑖᓕᒋ ᐅᑦ ᐊᒑᑾ, ᑮ ᐃᑗᐤ, ᑖᐺ ᐊᐗ ᐃᓕᓕᐤ ᑭᒋᒪᓂᑐ ᐅᑯᓯᓴ᙮
40ᑮ ᐃᑖᐗᒃ ᓀᔥᑕ ᐃᔅᑴᐗᒃ ᐙᓚᐤ ᐁ ᐅᒋ ᑲᓇᐙᐱᒋᒃ; ᐅᑯ ᐋᑎᑦ ᐊᓂᑭ, ᒣᕆ ᒫᒃᑕᓖᓐ, ᓀᔥᑕ ᒣᕆ ᐅᑳᐎᔭ ᒉᒻᔅ ᓄᑕᐤ ᑳ ᐃᔅᐱᑎᓯᑦ, ᓀᔥᑕ ᒍᓯᔅ, ᓀᔥᑕ ᓴᓗᒥ; 41ᐎᓚᐗᐤ ᓀᔥᑕ, ᒣᒀᒡ ᑳᓕᓕᒃ ᑳ ᐃᑖᓕᒋ, ᑮ ᓄᔅᐱᓂᑌᐗᒃ, ᓀᔥᑕ ᑮ ᐅᒌᔅᑕᒪᐌᐗᒃ; ᓀᔥᑕ ᒥᒉᑦ ᑯᑕᑭᔭᒃ ᐃᔅᑴᐗᒃ ᑳ ᑮ ᐯᒋ ᐎᒉᐙᒋᒃ ᒋᕉᓴᓚᒥᒃ ᐅᒋ᙮
ᐁ ᓇᐃᑲᐗᑲᓂᐎᑦ ᒋᓴᔅ
(ᒫᑎᐤ 27:57–61; ᓘᒃ 23:50–56; ᒑᓐ 19:38–42)
42ᐁᑯ ᒫᑲ ᐃᔅᐱ ᐌᑖᑯᔒᒃ, (ᐁ ᐋᔦᔅᑲᐎᑭᔑᑳᒃ, ᐁᐗᑯ ᐊᓂᒪ ᐁ ᑭᔑᑳᒃ ᐸᒧᔑ ᐋᔭᒥᐁᑭᔑᑳᒃ,) 43ᒎᓯᑉ ᐋᕆᒪᑎᔨᐃᒃ ᑳ ᐅᒌᑦ, ᐁ ᑭᔅᑌᓕᑖᑯᓯᑦ ᐅᑲᑫᔅᑭᒥᐌᐤ, ᐎᓚ ᓀᔥᑕ ᐁ ᐯᑕᐙᑦ ᑭᒋᒫᓂᑐ ᐅᑦ ᐅᑭᒫᐎᐎᓂᓕᐤ, ᑮ ᐯᒋ ᐃᑐᑌᐤ, ᓀᔥᑕ ᑮ ᓱᑭᑌᐁᐎ ᐱᑐᑲᐌᐤ ᐹᐃᓚᑦ, ᓀᔥᑕ ᑮ ᓇᑐᑕᒪᐌᐤ ᒋᓴᓴ ᐎᔮᐎᓕᐤ᙮ 44ᐹᐃᓚᑦ ᒫᑲ ᑮ ᒫᒪᔅᑳᑕᒻ ᐁᔥᑾ ᓀᐱᓕᑴ: ᐁ ᓇᑐᒫᑦ ᒫᑲ ᓇᑐᐸᓕᐎᑭᒫᐗ, ᑮ ᑲᑴᒋᒣᐤ ᑮᔥᐱᓐ ᐋᔕᔾ ᓇᐗᒡ ᑭᓉᔥ ᑳ ᓂᐱᓕᑴ᙮ 45ᐃᔅᐱ ᒫᑲ ᑫᔅᑫᓕᑕᒃ ᓇᑐᐸᓕᐎᑭᒪᐗ ᐁ ᐎᑕᒫᑯᑦ ᑮ ᒥᓓᐤ ᒎᓯᐸ ᒥᔭᐎᓕᐤ᙮ 46ᑮ ᐊᑖᐌᐤ ᒫᑲ ᐁ ᒥᓨᔑᓂᓕᒃ ᐸᐸᑭᑆᔮᓀᑭᓂᓕᐤ, ᑮ ᓂᑎᓀᐤ ᒫᑲ, ᓀᔥᑕ ᐁ ᑮ ᐎᔅᑴᓈᑦ ᐸᐸᑭᐙᔮᓀᑭᓂᒃ, ᑮ ᐊᓓᐤ ᒋᐹᔨᑲᒥᑯᒃ ᑳ ᑮ ᐙᓚᐃᔅᑲᐱᑳᑌᓕᒃ ᑭᔅᑭᓭᑳᒃ᙮ ᓀᔥᑕ ᑮ ᑎᑎᐱᓀᐤ ᐊᓯᓂᔭ ᐃᔥᒀᑌᒥᒃ ᐃᔑ ᒋᐹᔨᑲᒥᑯᒃ᙮ 47ᒣᕆ ᒫᒃᑕᓖᓐ ᒫᑲ, ᓀᔥᑕ ᒣᕆ ᐅᑳᐎᔭ ᒍᓯᔅ, ᑮ ᐙᐸᑕᒶᒃ ᐃᑕ ᐁ ᐱᒥᔑᒫᑲᓂᐎᓕᒋ᙮
Currently Selected:
ᐅᐸᓓᑭᔅ ᒫᕐᒃ 15: MCNT91
Highlight
Share
ਕਾਪੀ।
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.