Va'Atəŋ 46
46
Yakob tay əmbat a Eziptə
1Israyel ambatək dit zəgeɗ nan pakə.
Agapək a Ber-Seba, azaɓək-Maŋgəlva sən Maŋgəlva na Isak, afəni. 2Maŋgəlva aɓsən Israyel addəv issine də dəfɗa, amna: «Yakob, Yakob.» Azlan na: «In yakəŋkə». 3Yaŋ amna: «Intə Maŋgəlva, Maŋgəlva na afuko. Kəgeslne' dawmbat a Eziptə ɓa, vi wanəkkpaŋgok ka Vanday metiŋgin adaka. 4Naw, wanəmbat də is a Eziptə, intə nawgilguk sədaka'e. Yosef iyi, nawbay horoko.» 5Yakob asilik sə Ber-Seba. Kirtin Israyel akanənək Yakob afiti, kirtiti gəm gil net addəvit mawteɗ məs Farawən aslən nawndani. 6#WNM 7:15Almetinik gazlaŋɗe net dit aryeɗ net arahaŋ səka dələv na Kana'an. Yakob ambatək a Eziptə də zeŋvin pakə, 7Kirtin mezeŋgleket dit muguluŋgiti, dihigiɗin mezeŋgleket dit etiŋgiɗin en kirtit mezeŋgleket pakə. Akiyək zeŋvin pak a Eziptə.
Dangla na Yakob
8Iya net mə Israyelɗe dəzzoŋ a Eziptə yaŋka: Yakob dit kirtini.
Ruben tizi na Yakob. 9Kirtin Ruben: Hanok, Pallu, Hesron, Karmi.
10Kirtin Simeyon: Yemu'el, Yamin, Ohad, Yakin, Sohar, Sawul, wətət mə Kana'ankə.
11Kirtin Levi: Gerson, Kehat gəm Merari. 12Kirtin Yuda: Er, Onan, Sela, Peres gəm Zera. May Er də Onan amtaŋgək aka dələv na Kana'an adaka. Kirtin Peres yeŋki: Hesron də Hamul. 13Kirtin Isakar: Tola, Puwa, Yob, Simron. 14Kirtin Zabulon: Sered, Elon, Yahle'el.
15Eskiŋ kirtət Le'a tuwə sən Yakob a təki məpəlayya na Paddan-Aram, gəm Dina, wətət muguluŋguta. Ɗəf titir tay mezeŋgleket dit muguluŋgit pak kaklaw hoku kiyən hoku.
16Kirtin Gad: Sifiyon də Haggi, Suni də Esbon, Eri, Arodi gəm Areli. 17Kirtin Aser: Yimna, Yiswa, Yiswi, Beriya dət milmit Serah. Kirtin Beriya: Heber də Malkiyel.
18Eskiŋ kirtət Zilpa, məs Laban apsət Le'a wətəni. Tuwə kəlaw kiyən slere sən Yakob.
19Kirtət Rakel guluk na Yakob: may Yosef də Benyamin. 20#VAA 41:50-52Uwa, Asnat wətən Poti-Fera məsdələv na On tuwə sən Yosef a Eziptə na: Manase gəm Efrayim.
21Kirtin Benyamin: Bela, Beker gəm Asbel, Gera gəm Na'aman, Ehi gəm Ros, Muppim, Huppim gəm Ard.
22Eskiŋ Kirtət Rakel, məs məwə sən Yakob, ɗəf titir kəlaw kiyən poɗo. 23Dan də Husim wətəni. 24Kirtin Neftali: Yahse'el, Guni, Yeser, Sillem.
25Eskiŋ kirtət Bilha, məs Laban apsət Rakel wətəni, eskiŋ tuwə sən Yakob. Ɗəf titir buhulu.
26Sap ɗiy na Yakob dəgilyoŋ səzan məs dəgapaŋ a Eziptə pak mbəksa gil net kirtin Yakob: Ɗəf titir kaklaw sləre kiyən sləre. 27#WNM 7:14Kirtin Yosef en muwet a Eziptə: ɗiy sula. Sap ɗəf titir neŋgil ana Yakob da məs dəde a Eziptə pak, kaklaw buhulu.
Yakob a Eziptə
28Aslənək Yuda aza Yosef, dədegən daabəŋ kiyən a Gosen. Agapaŋ aka dələv na Gosen na, 29Yosef atokuk mawta nan ambatək kawləm sən Israyel afən a Gosen, ulan ləŋgə, Yosef allamək awlan slakatə, ndən həmhəmə. 30Yaŋ Israyel anah sən Yosef na: «Kakaŋ adan nulak horok is tat egge, wanəmtə kan sə dərɓagani.» 31Yosef anah sit milmiŋgiɗin gəm sən gəla na afən na: «Wanəpeŋ əprəman sən Farawən, nənah səngən na: “Milmiŋgiɗu də gəla na əbba, en dəssoŋ aka dələv na Kana'an, azzoŋguk azawa. 32Ɗiy vet məzuteɗeŋge net gilewiŋ, vi ɗiy dit gazlaŋɗeŋgə, akininik gilew dit wasliɗe gəm zəgeɗ net pakə.” 33Pay Farawən ayukum kattokokum na miy wəza nokum di na? 34Kəzlanəngən na: “Belemɗe nok zəgeɗ memeyẽɗ adazgəlaŋ far səka sawẽt hã gap pay dəpaŋka; va net migilim məsamə.” Vasna wakəɓapaŋ wəssoŋ aka dələv na Gosen, vi mə Eziptə pak, tay ula məzutaɗa net timeŋgiɗ va zəga ɗarə.»
Currently Selected:
Va'Atəŋ 46: GB
Highlight
Share
ਕਾਪੀ।
Want to have your highlights saved across all your devices? Sign up or sign in
All right reserved