Juɛl a pwɔdɛn tɛ Mak 15
15
1ƆCI aca nɛntɛ tɛ lidɔ makɛ tolɛn tɛ ma gɔrcɛ wakɛ Juɔŋ a Tolɛn ti yakɛn makɛ dwɔŋɛn yakɛn makɛ kijɛ wɛragɛ, ɔci makɛ gɔrcɛ juɛl wakɛnda dɔlɛn, aŋkɛ gɔrcɛ juɛl ɔci Yecu wiɛnɛ, ɔci edɛ ɔntɔ, tɛ Pilat. 2Ɔci Pilat totɛ Yecu ti: I a Melek ma Judaya? Ɔci Yecu dɔkɛn jig, gɔkjɛn: I gɔŋɛn. 3Ɔci makɛ tolɛn nɛnɛ lupɛ Yecu ti tha juɛl a coŋɛn. 4Ɔci Pilat totɛn Eke ti mokɛ, gɔkjɛn: Juɛl I bawɛ? gwɔlɛ, ma lupɛ I ti tha juɛl a diɛkɛn bɛ. 5Ɔci Yecu dɔkɛ juɛl ɔŋkɛ bɛ; aŋkɛ Pilat punɛn.
6Aca tɛ kuriŋa yoŋkɛnda eke pɔktɛ minɛ mabuc ma ti, minɛ a gwɔgdɛ ma. 7Minɛ ballɛ jiju yintɛ Barabut, ballɛ deŋɛn dokɛ yakɛn makɛ nhowɛn, makɛ nhoŋɛn maban. 8Ɔci ma atɛn a coŋɛn ɔci pucɛ tɛ totɛ Pilat, aŋkɛ eke noŋdɛ ba naŋkɛ eke yoŋkɛnda. 9Ɔci Pilat gɔkjɛn eken ti: Ɣɛke bwɔgɛ ya pɔkɛ tha yɛke minɛ Melek ma Judaya? 10Aŋkɛ juɛl yowɛrnɛn Pilat, makɛ tolɛn muŋɛ Yecu tɛ labjɛn. 11Ɔci makɛ tolɛn gɔkjɛ jig makɛ coŋɛn ti, aŋkɛ eken gɔktɛ, dalɛ Barabut pɔkcɛ. 12Ɔci Pilat dɔkɛ juɛl wutɛ, gɔkjɛ eken ti: Wontɛ ya noŋdɛ aginɛ Minɛ ti? Minɛ yɛke borcɛ Melek ma Judaya? 13Ɔci eken gɔkjɛn moke: Dalɛ ŋaptɛn nyalɔ kakɛn ti. 14Ɔci Pilat gɔk eken ti: Yogɛ? Wakɛ yɛyɛn naŋɛ Eke aginɛ? Ɔci eken yaadɛn nɛ penyɛn: Dalɛ Minɛ ŋapcɛn nyalɔ. 15Ɔci Pilat, toktɛ noŋdɛ aŋkɛ ma yumgɛn milkɛ, Barabut pwɔŋɛn dokɛ, ɔci Yecu enyɛ aŋkɛ ŋaptɛn nyalɔ kakɛn ti, tɛ warɛ dwɔnɛn eke dokɛ.
16Ɔci makɛ atkan Yecu enyɛ ɔntɔ kany ji; ɔci bortɛ makɛ eken wakɛnda. 17Ɔci eken ɣukɛ buruŋ a tidɛn, aŋkɛ yhɛŋdɛ Yecu ti, ɔci pardɛ jan a kuwɛ ba noŋdɛ tagɛ, ɔci dwɔnnɛn Yecu winyu ti; 18ɔci eken noŋɛ nyipɛ Eke, gɔkjɛn: Gɔrrɛ, Melek ma Judaya. 19Ɔci Yecu dwɔnɛ ma tɛ wiicɛ winyu ti, ɔci nyangɛ yɛptɛn Eke ti, ɔci dwunjɛn inyu Eke ti. 20Ɔci tɛ eken munɛn tɛ dhurŋɛ Yecu ti, eken buruŋ a tidɛn gwunɛ Yecu burɛ, ɔci buruŋ Eke yhɛŋdɛn. Ɔci eken Yecu enyɛ ɔntɔ akɛ Eke ŋapcɛn nyalɔ kakɛn ti.
21Eken muŋɛ minɛ yintɛ Caimon, a minɛ Kurene, tɛ pɔy yum, eke bɛnɛ tɛ ɔntɔ, eke a wegen Alekandra yakɛn Ruput. Ma muŋɛ eke aŋkɛ eke odɛn kɛrtɛ jan a kakɛn, kakɛn Yecu. 22Ɔci Yecu oowɛ ma tɛ non ma bortɛ Golgota, tɛ jig ikin, Non ba min ban winyu. 23Ɔci wain naŋɛ tɛ jan mɛr ɣondɛ tɛ Yecu: ɔci Eke antɛ bɛ. 24Yecu warɛ ŋapcɛn nyalɔ kakɛn ti, ɔci buruŋ Ekta jiɛntɛn jidɛn tɛ makɛ, ɔci ma yipɛ tieptɛ aŋkɛ buruŋ edɛ. 25Ɔci ɣoŋ aŋɛ car a dorgɔ, aci Yecu ŋamɛn ma dokɛ. 26Ɔci juɛl a gwɔŋɛ ma naŋɛ Eke kienɛ ma kakɛn ti ɔŋ: Minɛ Melek ma Judaya. 27Ɔci yakɛn Eke, eken ŋumɛ ma ɛyɛn ayo; tɛ taŋɛ a birɛn a ciɛlɔ, ɔci tɛ taŋɛ a amm a ciɛlɔ. 29Ɔci ma ballɛ atɛn a wun dhurŋɛ Eke ti, witkɛn yalɛn, gɔkjɛn: I a nɛnɛ, I logdɛ tempal, ɔci ɣiyɛ tɛ ɣoŋkɛn a dorgɔ, 30I warɛ pɔkɛ paru, koyɛn inyu, kakɛn daljɛ. 31Ba juɛl a nɛnɛ makɛ tolɛn dhurŋɛ Yecu ti, ɔci gɔkjɛ yakɛn makɛ kijɛ wɛragɛ pokɛn: Eke pɔŋɛ makɛ pokɛn; Eke kokɛn ti pɔkɛ warɛ Ekta. 32Dalɛ Kitho, Minɛ Melek Ijrel, koyɛn inyu ta kakɛn aca nɛntɛ, aŋkɛ ɔn gɔrtɔn ɔci jithɔn. Ɔci makɛ ŋapcɛn yakɛn Eke lupɛ Eke ti.
33Ɔci tɛ car aŋɛ intu wilɛn a ciɛlɔ non aŋɛ ɣol ɣol tɛ ban warɛda, ɔci ninɛn ɔŋ tɛ car aŋɛ intu witkɛn a ŋanɔ. 34Tɛ car a intu witkɛn a ŋanɔ, Yecu yaadɛ tɛ pwɔnu tolɛn: Eloi, Eloi, lama cabakani? tɛ jig ikin: Juɔŋ a Tolɛn, Juɔŋ Ya, Ya dulɛn I ɣogɛ? 35Ɔci ma ballɛ yɔdɛn, tɛ gɛk tiŋɛn, gɔkjɛn: Gwɔlɛ, Eke borcɛ Ilaja. 36Ɔci minɛ a ciɛlɔ yiŋɛn, ɔci panj kumɛ ti tɛ binɛgar, ŋaptɛ jan ti, ɣondɛn tɛ Yecu, akɛ madɛ, gɔkjɛ: Dalɛ yɔdɛ; dalɛ ɔn gɔrcɔn kan Ilaja bɛdɛ aŋkɛ pɔkɛ Minɛ. 37Ɔci Yecu yaadɛ nɛ tolɛn, ɔci tunɛ dokɛ. 38Ɔci buruŋ a tolɛn tempal ji jiɛntɛn jitɛn, jɔcɛn tɛ nyalɔ jiɛntɛn tɛ inyu. 39Ɔci tɛ ciagɔn atkan, minɛ yɔdɛ Minɛ taŋɛ ti, gɔrcɛn Yecu tunɛ dokɛ, gɔkjɛn: A warɛ Minɛ a nɛnɛ a Kacɛ Juɔŋ a Tolɛn. 40Ɔci makɛ mongɛ ballɛ gwɔlɛn ta ɔntɔ: tɛ eken Mari Magdalen ballɛ, yakɛn Mari megen Jakob dulɛn, ɔci megen Jocɛ, yakɛn Calomi; 41a minɛ, tɛ Yecu ballɛ tɛ Galili, botɛ Eke ti, ɔci nhɔrthɛn Eke am; ɔci makɛ mongɛ pokɛn, bɛnɛ ta Jerucalem yakɛn Yecu, ballɛ.
42Tɛ ɣoŋ lucɛn inyu, ɣoŋ agdɛ ɣoŋ a noŋɛ wakɛ a naŋɛ ma, a ɣoŋ a nyamɔ tɛ ɣoŋ a wuwɛn, 43minɛ Jocep Aramatiya, a ciagɔn a pwɔdɛn, minɛ nyingɛ juɔdɛn tɛ gɔrcɛn Kɛn Juɔŋ a Tolɛn, bɛnɛ; ɔci atɛn Pilat ti, ɔci tocɛn tɛ warɛ Yecu. 44Ɔci Pilat punɛn tɛ Yecu ballɛ tunɛn dokɛ: ɔci borcɛ minɛ ciagɔn atkan, tocɛn eke ti, kan Minɛ tunɛ tɛbatɛ. 45Tɛ eke tiŋɛn ta toka minɛ ciagɔn atkan, eke gɔkɛ aŋkɛ warɛ Yecu edɛ Jocep. 46Ɔci eke wɛrtɛ buruŋ, ɔci warɛ luldɛ inyu, parŋɛ tɛ buruŋ, ɔci juktɛ kol ji, kol a naŋɛ tɛ pom jidɛn; ɔci gwuna tolɛn dwɔnnɛn tɛ kol winyu. 47Ɔci Mari Magdalen ɔci Mari megen Jocɛ gɔrcɛn non a jukɛ Eke.
Currently Selected:
Juɛl a pwɔdɛn tɛ Mak 15: MFZ1947
Highlight
Share
Copy
Want to have your highlights saved across all your devices? Sign up or sign in
First published by British and Foreign Bible Society in 1947.