Juɛl a pwɔdɛn tɛ Mak 10
10
1YECU jɔŋɛn tɛ ban a nɛnɛ, bɛnɛn tɛ ban Judaya, tɛ Jordan nyamɔ ti: ɔci makɛ ɔcɛn Eke ti a coŋɛn mokɛ; ɔci ba naŋkɛ Eke yoŋkɛnda, Eke lotɛn ma wutɛ. 2Ɔci makɛ Paraci bɛnɛ Eke ti, ɔci tocɛn Eke ti ɔŋ: Minɛ wɔn yuokɛn tɛ eŋ, eŋ dwɔnnɛn eke ɔntɔ a pwɔcɛn? 3Ma tokɛ luptɛ Eke jig. Ɔci Yecu dɔkɛ jig, gɔkjɛn: Mojet ɣitɛ ɣɛke ti a ɔki? 4Ɔci eken gɔkjɛn: Mojet gɔkjɛn ma kijɛ wɛragɛ aŋkɛ minɛ pɔktɛn, ɔci eŋ dwɔnnɛn ɔntɔ. 5Ɔci Yecu gɔkjɛn eken ti: Yumgɛn ɣɛke dil a dil, aŋkɛ Mojet gɔkɛn juɛl a nɛnɛ. 6Ɔci tɛ Juɔŋ a Tolɛn jɔcɛn tɛ cuitɛ wakɛ, minɛ wɔn ɔci minɛ eŋ dwɔnnɛn Eke. 7Tɛ juɛl a nɛnɛ dalɛ minɛ wɔn wegen ɔci megen dulɛn; 8ɔci mukɛ eŋ eke; eken ayo agdɛ yoŋ a ciɛlɔ: ɔci eken ballɛ ayo bɛ, aŋɛ yoŋ a ciɛlɔ. 9Dalɛ aginɛ nyaŋdɛ Juɔŋ a Tolɛn, na ciendɛn minɛ jitɛn bɛ. 10Tɛ ɣora makɛ botɛn tocɛn Yecu ti wutɛ tɛ juɛl a nɛnɛ. 11Ɔci Yecu gɔkjɛn eken ti: Eŋ eke dwɔnnɛn minɛ wɔn ɔntɔ, ɔci otɛ dɛnyɛn eŋ a parɛ, noŋjɛ tumɛ tɛ eke: ɔci kan wɔn eke dwɔnnɛn eŋ ɔntɔ, 12ɔci dɛnɛ wɔn a parɛ, eke noŋjɛ tumɛ tɛ eke.
13Ɔci ma ɛcɛn Yecu ti kegen diɛrɛn, akɛ Eke tuptɛ eken: ɔci makɛ botɛn yuokɛn tɛ eken. 14Ɔci tɛ Yecu gɔrcɛn nɛnɛ, Eke yum lonyɛ, ɔci gɔkjɛn eken ti: Dalɛ kegen diɛrɛn bɛdɛ Yɛ ti; na kɛkɛn eken ti bɛ: makɛ ba eken ballɛ Kɛn Juɔŋ a Tolɛn ti. 15Ya gɔkjɛn ɣɛke ti a warɛ, minɛ kacɛ Kɛn Juɔŋ a Tolɛn ti ba kacɛ diɛrɛn bɛ, eke yakɛn ti kacɛ bɛ. 16Ɔci Yecu nyiŋɛn kegen tɛ biŋkɛ, ɔci tuptɛ eken tɛ biŋkɛ, ɔci cɔkɛ Juɔŋ a Tolɛn ti tha eken.
17Ɔci Yecu ballɛ atɛn a wun, minɛ bɛnɛ yuŋɛn Eke ti, dwinjɛn Eke ti, tocɛn: I a Minɛ lotɛ, I a podɛ. Ya noŋdɛ aginɛ akɛ ya mugdɛ ti ɣodɛ yannɛn ɣodɛ a ɣonɛ kan? 18Ɔci Yecu gɔkjɛn eke ti: I gɔŋnɛ Ya a podɛ, ɣogɛ? Minɛ pwɔdɛn bawɛ, dalɛ minɛ a ciɛlɔ, Juɔŋ a Tolɛn parɛ a minɛ pwɔdɛn. 19Juɛl Juɔŋ a Tolɛn ɣitɛ nhijɛn i; na nhogdɛ minɛ bɛ, na noŋdɛ tumɛ bɛ, na kutɛ wakɛ bɛ, na gɔktɛ jomɛ jig bɛ, na noŋdɛ labjɛ bɛ, noŋdɛ wakɛ nɛ pwɔdɛn wegen ti ɔci noŋdɛ wakɛ nɛ pwɔdɛn megen ti. 20Ɔci eke gɔkjɛn: Minɛ lotɛ, wakɛ nɛnɛ naŋkɛ ya wakɛnda ta ɣoŋ ya balkɛ diɛrcɛn. 21Ɔci Yecu minɛ gwɔlɛn, anɛ eke, gɔkjɛn eke ti: Aginɛ bawɛ a ciɛlɔ i ti: otɛ, wakɛ i wiɛljɛ wakɛnda, ɔci i ɣonnɛn tɛ makɛ nhugdɛ konyɛ, aŋkɛ wakɛ pwɔdɛn dwɔnnɛn i ban nyalɔ: ɔci bɛdɛ, botɛ Yɛ ti. 22Ɔci minɛ yum punɛn tɛ juɛl a nɛnɛ, ɔci eke atɛn ɔntɔ tɛ yum a yayɛn: wakɛ eke a i diɛkɛn bɛ, aŋkɛ coŋɛn.
23Ɔci non gwɔldɛ Yecu, gɔkjɛn makɛ botɛn ti: Makɛ wakɛ dwɔccɛn kacɛ Kɛn Juɔŋ a Tolɛn ti tɛ pɔy a tɛyɛn! 24Ɔci makɛ botɛn punɛn tɛ juɛl Eke. Ɔci Yecu dɔkɛ jig wutɛ, ɔci gɔkjɛn: Kegen; ma jithɛ malɛ ti ɔci nyingɛ juɔdɛn tɛ mal eken, makɛ nɛnɛ kacɛ Kɛn Juɔŋ a Tolɛn ti tɛ pɔy tɛn a tɛn. 25Pɔy koloŋa atɛ libra waŋɛ ti a cwɔlɛn ta pɔy minɛ dɔcɛ otɛn Kɛn Juɔŋ a Tolɛn ti. 26Ɔci eken punɛn nɛ tolɛn, gɔkjɛn pokɛn: Wontɛ ma yuɔdɛ a makɛ? 27Ma gwɔldɛ Yecu, gɔkjɛn: Tɛ noŋɛ ɔŋ maban kokɛn ti, Juɔŋ a Tolɛn aŋkɛ kokɛn ti bɛ: Eke ɣorkɛn ti tɛ naŋkɛ agingɛ wakɛnda. 28Peter noŋɛ gɔkjɛ Eke ti: Gwɔlɛ, ɔn daldɔn wakɛnda, ɔci botɔn I ti. 29Yecu gɔkjɛn: Ya gɔkjɛn a warɛ i ti, minɛ ɣon dulɛn, ɔci modgɛ dulɛn, ɔci kowɛn dulɛn, ɔci megen dulɛn, ɔci wegen dulɛn, ɔci kegen dulɛn, ɔci bunkɛ dulɛn, wakɛ nɛnɛ dulɛn minɛ tha yum ya ɔci tha juɛl a pwɔdɛn, 30dalɛ minɛ a nɛnɛ muŋnɛ wakɛ wutɛ ɣoŋkɛn a mir aca, mugdɛ ɣorgɛ, ɔci modgɛ, ɔci kowɛn, ɔci megen, ɔci kegen, ɔci bunkɛ, yakɛn yuubjɛ ma ɔci yanɛ ma; ɔci tɛ non a burɛ ciyɛ ɣodɛ yannɛ ɣodɛ a ɣonɛ kan. 31Dalɛ makɛ jɔnɛn nyamɔ a coŋɛn daldɛ ŋwoyɛ ti; ɔci makɛ ballɛ ŋwoyɛ ti akɛ jɔcɛn nyamɔ.
32Ɔci eken ballɛ atɛn a wun, otɛn Jerucalem; ɔci Yecu atɛ nyamɔ: ɔci ma punɛn; ɔci ma botkɛ bwɔyɛ. Ɔci Yecu makɛ inyakɛn witkɛn ayo enyɛ mokɛ, ɔci noŋɛ mitkɛ juɛl wakɛ naŋdɛn ti ma tɛ Eke; 33gɔkjɛn: Gwɔlɛ, ikin otin ban Jerucalem; ɔci Minɛ Tɔl Maban eyɛ ma tɛ makɛ tolɛn, makɛ a gɔrcɛn wakɛ Juɔŋ a Tolɛn ti yakɛn makɛ kijɛ wɛragɛ; ɔci makɛ nɛnɛ noŋdɛ yuubjɛ aŋkɛ nhogdɛ kan, ɔci Minɛ edɛ tɛ makɛ bwoinkɛ: 34ɔci eken yitɛ Eke ti, ɔci nyan uldɛn Minɛ ti, ɔci Minɛ dwɔdɛ, ɔci Minɛ nhugdɛ; ɔci tɛ ninkɛ badɛ a dorgɔ Eke jɔŋdɛ nyalɔ mokɛ.
35Ɔci kegen Yebedi, Jakob ɔci Jɔn bɛnɛ Eke ti a cwɔlɛn, gɔkjɛn Yecu ti: We ɔn, ɔn bwɔgɔn akɛ I noŋdɛ ɔn ti ba aginɛ ɔn totɔn I ti. 36Ɔci Yecu gɔkjɛn eken ti: Ɣɛke bwɔgɛ Ya noŋdɛ wakɛ aginɛ ɣɛke ti? 37Eken gɔkjɛn Minɛ ti Dalɛ tɛ ɣoŋ I cocɛ tɛ wakɛ pwɔdɛn, dalɛ ɔn cocɔn I taŋɛ ti, minɛ cocɛ tɛ biŋɛ birɛn, minɛ tɛ biŋɛ amm. 38Ɔci Yecu gɔkjɛn eken ti: Aginɛ tocɛn kwiyɛ ɣɛke. Ɣɛke yakɛn ti motɛ tɛ kabaya manɛ Ya mokɛ? ɔci yakɛn ti tɛ naŋɛ baptaijɛ tɛ baptaijɛ minɛ noŋɛ baptaijɛ Yɛ ti? 39Ɔci eken gɔkjɛn Minɛ ti: Ɔn yakɔn ti. Ɔci Yecu gɔkjɛn eken ti: Kubaya madɛ Ya dalɛ ɣɛke mocɛ; ɔci tɛ baptaijɛ naŋdɛ Yɛ ti ɣɛke naŋdɛ baptaijɛ a ciɛlɔ: 40dalɛ tɛ cocɛ Ya taŋɛ ti, minɛ tɛ biŋɛ birɛn ɔci minɛ tɛ biŋɛ amm, a juɛl Ya bɛ: makɛ a cocɛn Ya taŋɛ ti a makɛ naŋkɛ akɛ cocɛn. 41Ɔci tɛ makɛ inyakɛn tiŋɛn juɛl a nɛnɛ, eken lonyɛ tɛ juɛl Jakob ɔci juɛl Jɔn. 42Ɔci Yecu borcɛ ma Eke ti, ɔci gɔkjɛn eken ti: Makɛ noŋdɛ akoma tɛ ban bwoinkɛ ɣitɛ eken ti nɛ peny; ɔci makɛ tolɛn noŋɛ ɣirɛ nɛ peny ma ti, nɛnɛ nhijɛn ɣɛke. 43Ɔci ɣɛke aŋkɛ ballɛ noŋjɛ ɔŋ bɛ: minɛ toktɛ agdɛ minɛ tolɛn dalɛ minɛ aŋɛ kɛngɔn ɣɛke ti: 44ɔci minɛ toktɛ jɔcɛ nyamɔ, dalɛ minɛ noŋdɛ kɛngɔn wakɛnda. 45A warɛ Minɛ Tɔl Maban bɛnɛ aŋkɛ ma noŋdɛ kɛngɔn Eke ti bɛ, Eke bɛnɛ agdɛ kɛngɔn parɛ ma ti, ɔci ɣodɛ Eke ɣondɛn akɛ makɛ wandɛn ti a coŋɛn.
46Ɔci eken bɛnɛn ban Jeriko: ɔci tɛ wun atɛ ta ban Jeriko, Yecu atɛ yakɛn makɛ botɛn yakɛn makɛ coŋɛn, kacɛ Timoti, yintɛ Bartimeyut minɛ nyingɛ ɣolɛn, minɛ nyiwɛ a nyutɛ ɣoŋkɛnda tɛ aginɛ amtɛn, ballɛ cocɛn pɔy taŋɛ ti. 47Tɛ Bartimeyut tiŋɛn Yecu Nadaret ballɛ bɛyɛn, eke noŋɛ yaadɛ, ɔci gɔkjɛn: Yecu, I Kacɛ Dabid, yum pɔkɛ yɛ ti. 48Ɔci makɛ coŋɛn yuokɛn tɛ Bartimeyut, gɔkjɛn: Ciyɛ liedɛ, na yaadɛ bɛ. Aŋkɛ eke yaadɛ nɛ tolɛn: I, Yecu Kacɛ Dabid, yum pɔkɛ yɛ ti. 49Wontɛ Yecu yɔnɛn, ɔci gɔkjɛn: Minɛ borcɛ. Ma borcɛn minɛ nyingɛ ɣolɛn, ma gɔkjɛn: Na yum yaijɛ bɛ: jɔŋɛ nyalɔ, Yecu borcɛn i. 50Wontɛ Bartimeyut jɔŋɛ dokɛ, buruŋ yɛpcɛn ɔntɔ, ɔci atɛn Yecu ti. 51Yecu dɔkɛ jig, tocɛn eke ti: I tokɛ Ya noŋjɛ aginɛ i ti? Minɛ nyingɛ ɣolɛn gɔkjɛn: Ciagɔn, nyingɛ ya da pɔkɛ. 52Yecu gɔkjɛn eke ti: Ɔgdɛ otɛ; i jithɛ Yɛ ti, aŋkɛ i pwɔŋɛn dokɛ. Ɔci aca nɛntɛ nyingɛ bɛnɛ dokɛ, pwɔŋɛn dokɛ, ɔci Bartimeyut botɛn Yecu Kitho ti.
Currently Selected:
Juɛl a pwɔdɛn tɛ Mak 10: MFZ1947
Highlight
Share
Copy
Want to have your highlights saved across all your devices? Sign up or sign in
First published by British and Foreign Bible Society in 1947.