Acts Nallunairun
Nallunairun
Apostle-aat Caliarit iqukait Luke-aam Igallrin. Arcaqakluku qanrutkaat qaillun ciuqliita Jesus-aam maligcestain, ciuliqagtellrakun Anernerem Tanqilriim, cagtellrat Qaneryaraqegtaar ellii pitekluku “tamiini Jerusalem-aami, tamiini Judea-ami Samaria-mi-llu, tamiini-llu nunam qaingani” (1.8). Qanemciuguq Agayumacim ayagnillranek Jews-aani, ayagluni-llu ellarpak iluarrluku ukveq piurrluni. Igaucestiin aguagutkellrua Agayumalriit arenqiallugutngungaitniluki Roman-aat Atanruviatnun, cali-llu Agayumalriit ukverat qaqimatekniluku Jews-aat agayumaciata.
Acts-aaq pingayuluni avgumauq: (1) agayumacim ayagnillra Jerusalem-aami Jesus-aam mayullran kinguani; (2) saggtellra Palestine-ami; cali-llu (3) Mediterranean-aam nuniinun Rome-aq tekilluku.
Acts-aat arcaqerluku qanrutkaat Anernerem Tanqilriim caliara, tauna tekitellrulria pinilegpauluni ukvelrianun Jerusalem-aami Pentecost-am erenrani, taqevkenaku-llu ciuliqagtellrua pektaiyiirulluku-llu agayuvik ciuliqagtai-llu, tamiin caliaritni ukuni kalikarni qanrutkumalriani. Ciuqliq Agayumacim qaneryarartaa qanrutkumauq tayima qavcini qaneryaram qalarutkellrakun, cat-llu pillret igausngalriit ukuni kalikarni nasvagaat pinia mat'um qaneryaram alaitellrakun yuuciatni ukvelriit ilakuyutiikun-llu agayuviim.
Kalikam Imaa
Upyutellra nallunairillerkam1.1-26
a. Jesus-aam nangneq alerquutii akqutii-llu 1.1-14
b. Judas-aam cimia 1.15-26
Jerusalem-aami nallunairillrat 2.1—8.3
Judea-ami Samaria-mi-llu nallunairillrat 8.4—12.25
Paul-aam kevgiullra 13.1—28.31
a. Ayagcetauqerraallrek ayallrak 13.1—14.28
b. Jerusalem-aami quyurtellrat 15.1-35
c. Tungliita ayagcetat ayallrat 15.36—18.22
d. Pingayuat ayagcetam ayallra 18.23—21.16
e. Paul-aam itengqallra Jerusalem-aami, Caesarea-mi, Rome-ami-llu 21.17—28.31
Currently Selected:
Acts Nallunairun: YPK
Highlight
Share
ਕਾਪੀ।
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.