Popular Bible Verses from Marika 2

Share

A sa rogoca o Jisu ka sa sauma vei ira, “E sega ni yaga na vuniwai vei ira na bula vinaka, vei ira ga na tauvimate; au sa sega ni lako mai me'u kacivi ira na tamata dodonu, o ira ga na i valavala ca.”

Ia ni sa raica na nodratou vakabauta o Jisu, sa qai kaya vua na tauvi paralasi, “Na luvequ, sa bokoci na nomu i valavala ca.”

Sa qai kaya vei ira o Jisu, “Sa buli na Siga ni Vakacecegu me baleta na tamata, ka sega ni buli na tamata me baleta na Siga ni Vakacecegu.

Ia, ni ratou sa sega ni toro voleka rawa vua ena vukudra na lewe vuqa, e ratou sa qai cakava e dua na qara ena dela ni vale ka donui koya ka vakalutulututaka sobu kina vakamalua na i davodavo sa koto kina na tamata tauvi paralasi.

Ia me rawa ni o ni kila ni sa tu vua na Luve ni Tamata na kaukauwa e vuravura me bokoca kina na i valavala ca.” Sa qai kaya vua na tauvi paralasi, “Au sa kaya vei iko, tucake, taura na nomu i davodavo ka lako ki nomudou.”

E vei e rawarawa cake, me tukuni vua na tauvi paralasi, ‘Sa bokoci na nomu i valavala ca,’ se me tukuni vua, ‘Tu cake, taura na nomu i davodavo ka lako’?

Ia ni ra sa rai kece tikoga, a sa tucake o koya, ka taura na nona i davodavo ka lako. Era sa kurabui kecega ka vakalagilagia na Kalou, ka kaya, “Eda se sega mada ni bau raica e dua na ka vakaoqo e liu!”