Popular Bible Verses from मर्कुस 11

Share

इदोइभाअ्‌सिङ का नेलाइहेङ दोअ्‌खा, नेलाइ पुकार पातेङ जे र्‍हेसुखेना, इङको का निङहोइका दोअ्‌तेङ खान्‍धुर पासु रो इङको नेलाइको ज्‍यावा।

जातिङको का नेलाइहेङ दोअ्‌खा, हासुङ ताइको कोन्‍धाङता आतुइसा बुङ साङखा मापासिङ ताइमिको दोअ्‌का काथा पोङघाङ दोअ्‌तेङ खान्‍धुर पातेङ इदोइ आर्दाङहेङ ‘इतासो उअ्‌न्‍हातेङ जाहादिता हुल’ दोअ्‌नु, वाको भाअ्‌सिङ इन्‍सिकाङ ज्‍यावा।

जेलाउ नेलाइ पुकार पालि जाअ्‌स्‍वाना, हासुङको खिलापता नेलाइको हाइ हि पानु माफ पिसु। कालाउ सादेलता हिका नेलाइको आबा बुङ नेलाइको कुकरम माफ पाप्‍याको।

इसु एम्‍बालाइहेङ दोअ्‌हि, “परमेस्‍वरता खान्‍धुर पासु।

कालाउ इसु बिद्‍या पितेङ दोअ्‌हि, “हाइ इसिका लेखेका मान्‍थु, ‘काङको साअ्‌ गोताङ जात्‍याको भाअ्‌सिङ पुकारको साअ् दोअ्‌न्‍हावा?’ कालाउ बुङ नेलाइ ते यासेहेङ डाकुगेलाइको आडा बान्‍हाइका हिसुन्‍हा।”

कालाउ इसुको आगापाहा तेका रो न्‍हुअ्‌न्‍हुअ् लोकालाइ एसा दोअ्‌तेङ जयपालि पालि तेङहि, “जय ज्‍याको! धने वा, जाइ परमप्रभुको मिङता लोखे!

च्‍याबास ज्‍याको, केलाइको आबा दाउदको सारभि लोलि तोम्‍काहि। वाकोङ सारभिको जय ज्‍याको। सादेलता हिका परमेस्‍वरको प्रताप ज्‍याको!”