Popular Bible Verses from Maak 9

Share

Yeeshu usse bolis, “Eise kaahe bolta hei, ‘Agar ham kuchh kare sakta hei.’ Jon log biswaas kare hei, ulog ke khaatir sab kuchh hoy sake hei.”

Wahi lage laṛka ke bappa roy ke bolis, “Ham biswaas karta hei. Hamaar abiswaas duur kare meñ hamme madat karo.”

Jab Yeeshu ghar meñ aais, to uske chela log akele meñ usse puuchhis, “Ham log kaahe nai u bhuut ke nikaare saka?” Yeeshu jawaab dees, “I rakam ke aatma preya ke bina aur koi rasta se nai nikre hei.”

Neemak achchha hei, lekin agar neemak ke sawaad chala jaay to sawaad kahañ se laayga? Apne aap meñ neemak rakkho, aur aapas meñ mil ke saanti se raho.”

“Jon koi hamaar naam se eisan laṛka ke apnaay hei, u hamme bhi apnaay hei, aur jon koi hamme apnaay hei, u khali hamme nai, lekin hamme bhejewaala ke bhi apnaay hei.”

Agar koi tum log ke hamaar naam se ek pyaala paani piaay kaahe ke tum Maseehi hei, to ham tum se sachche bolta hei ki u aapan inaam paai.

Ulog ke khaatir achchha nai hoi, jon hamaar pichchhe chalewaala chhoṭa log meñ se, ekko ke bhi paap ke jaal meñ fasaawe hei. Ulog ke khaatir achchha hei ki ulog ke gaṭai meñ ek baṛa patthar laṭkaay ke samundar meñ feñk dewa jaay.

Aur agar tumhaar aañkhi tumme paap meñ fasaay to uske nikaar deo. Kaana hoy ke Parmeshwar ke raaj ke paay lena to isse kahiñ achchha hei ki aañkhi rahte tumme narak meñ feñk dewa jaay.