Popular Bible Verses from Maak 8

Share

Jon koi aapan jaan bachaawe maañgi, to uske khoy dei, lekin jon koi aapan jaan hamaar waaste aur Parmeshwar ke vachan ke waaste dewe maañgi, uske jaan bach jaai.

Agar koi admi dunia meñ sab cheej paay lewe hei, lekin aapan jaan khoy de hei to uske kaa faayda?

Yeeshu aapan chela log ke sañghe aur sab log ke bolaais aur bolis, “Jon koi hamaar pichchhe aawe maañge hei, to apne aap ke bhulaay ke, aapan kros uṭhaay ke, hamaar pichchhe aay jaao.

Admi aapan jaan ke badle meñ kon cheej de saki? Agar koi bhi admi i beimaan aur paapi log ke beech meñ hamaar aur hamaar vachan se sarmaai to Manush ke laṛka bhi ulog se sarmaai, jab u aapan Pita ke mahima meñ pawitr ainjals ke sañghe aai.”

Tab Yeeshu puuchhis, “Lekin tum kaa bolta ki ham kon hei?” Peeṭa jawaab dees, “Tum Maseeha hei.”