Génesis 12
12
Abramta Tayta Dios promitishqan
1Juk junaqmi Abramta Tayta Dios nirqan: <<Markaykita y aylluykikunata kachaykur rikasinäpaq kaq partiman aywakuy.#Hech. 7.2-3; Heb. 11.8.
2<<Qampita miraqkunatami ali rikashaq saysikaman mirar jatun nación rikakuyänanpaq.
Bendicionnïta qoptïmi pïmaypis respitayäshunki.
Qam kaynikipami wakin runakunapis bendicionta chaskiyanqa.
3Bendisishuqnikikunataqa bendisishaqmi.
Maldicionashuqnikikunataqa maldicionashaqmi.
Qam kaynikipami kay pasacho lapan casta runakunapis bendicionnïta chaskiyanqa>>.#Hech. 3.25; Gál. 3.8.
4 Tayta Dios sayno niptinmi sobrinun Lotwan Abram aywakuyarqan. Haránpita yarqunan wisan Abram kaykarqan qanchis chunka pisqa (75) watayuqnami. 5Canaánman aywakurmi warmin Saraita, sobrinun Lotta y Haráncho tarishqan lapan ashmayninkunata pushakurqan. Saynöpis uywankunata qatikurkur y lapan imaykankunatapis apakurkur aywakurqan.
Canaánman chaykurnami 6Siquem marka cercanyaq aywar Moripa sagrädu encina jachan nawpancho Abram tarqan. Say partichöqa cananeo runakunami taykäyarqan. 7Saycho taykaptinmi Tayta Dios yuriparkur Abramta nirqan: <<Qampita miraqkunatami kay intëru jalqakunata y raqrakunata qoykushaq>>.#Hech. 7.5.
Saycho yuripashqanpitami altarta Abram perqarqan Tayta Diosta manakur adorananpaq.
8Saypitanami inti jeqamunan kaqlä Bet-el simpan jalqaman aywakurqan. Saychömi toldunta ichisir tarqan. Saychöpis juk altarta perqarkurmi Tayta Diosta manakur adorarqan. Tashqan kaqpita inti jeqanan kaqlächömi Bet-el marka karqan. Hai markanami kaykarqan inti jeqamunan kaqlächo. 9Saypitapis cercaman cercaman witirmi Neguevyaq charqan.
Egiptucho Abram tashqan
10Taykashqan kaqcho seqaypa muchuy kaptinmi Egipto nacionman Abram aywakurqan saychöna tänanpaq. 11Egiptuman yaykuykashqanchömi warmin Saraita nirqan: <<Qam kuyaylapaq warmimi kanki. 12Egipto runakuna warmï kashqaykita musyaykur wanurasimarchir qamta warminpaq apakuyäshunki. 13Mana wanusiyämänanpaq panï kashqaykita ninki>>.#Gén. 20.2; 26.7.
14Egiptuman Abram chaykuptinmi saycho taq runakuna Saraita rikayarqan kuyaylapaq kashqanta. 15Egiptucho Faraónta mandäsiq runakunapis Sarai kuyaylapaq kashqantami rikayarqan. Sayno kuyaylapaq kashqanta wilayaptinmi palaciunman Faraón pushasirqan. 16Saraita palaciuncho sarararmi Abramta qararqan uyshakunata, cabrakunata, wäkakunata, ashnukunata y camëllukunatapis. Saynölami ashmayninkunapaq olqutapis warmitapis qararqan.
17Sayno kaptinpis Saraita apashqanpitami Faraónta lapan ayllunkunatawan fiyu qeshyawan Tayta Dios castigarqan. 18Saymi Abramta qayaykasir Faraón nirqan: <<¿Imanirtaq kayta ruraykamashkanki? Sarai warmiki kaykaptin ¿imanirtaq wilamarqaykisu? 19¿Imanirtaq <panïmi> nimarqayki? Sayno nimaptiki warmïpaq apaykarnaqa jinachi paywan punümanpis karqan. Kananqa warmikita pushakurkur kaypita jukla waqranyay>>.
20Sayno nirmi Faraón makincho kaq runakunata kacharqan Egiptupita Abramta qarquyänanpaq. Saymi Egiptupita Abram aywakurqan warminta y imaykankunatapis apakurkur.
Markert nå:
Génesis 12: qvhB
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2003, Wycliffe Bible Translators, Inc. All rights reserved.
