Génesis 5
5
Ke tiyjil Adán
1 Crónicas 1.1-4
1Atzun jlu tu'jil tx'olbabl cyi'j tiyjil Adán.
Tej tcub tbincha'n Dios xjal, cub tbincha'n ic tza'nx te tilbilal; 2xinak ex xu'j e cub tbincha'n ex e cub tcy'iwla'n. Xjal cybi oc tk'o'n tuj k'ij tej cycub tbincha'n.
3Otok japun Adán twi' 130 abk'i tej tul itz'j jun tcy'ajal ic tza'nx te que'yin ex ic tza'nx te tilbilal. Set tbi oc tk'o'n. 4Titz'jlenxi Set, ank'intl Adán wajxak syenttl abk'i ex e ul itz'jtl tcy'ajal ex tme'jel. 5Ten Adán twitz tx'otx' tu'n tcyakil 930 abk'i ex cyim.
6Otok japun Set twi' 105 abk'i tej tul itz'j Enós aju tcy'ajal. 7Titz'jlenxi Enós, ank'intl Set 807 abk'i ex e ul itz'jtl tcy'ajal ex tme'jel. 8Ten Set twitz tx'otx' tu'n tcyakil 912 abk'i ex cyim. 9Otok japun Enós twi' 90 abk'i tej tul itz'j Cainán aju tcy'ajal. 10Titz'jlenxi Cainán, ank'intl Enós 815 abk'i ex e ul itz'jtl tcy'ajal ex tme'jel. 11Ten Enós twitz tx'otx' tu'n tcyakil 905 abk'i ex cyim.
12Otok japun Cainán twi' 70 abk'i tej tul itz'j Mahalaleel aju tcy'ajal. 13Titz'jlenxi Mahalaleel, ank'intl Cainán 840 abk'i ex e ul itz'jtl tcy'ajal ex tme'jel. 14Ten Cainán twitz tx'otx' tu'n tcyakil 910 abk'i ex cyim.
15Otok japun Mahalaleel twi' 65 abk'i tej tul itz'j Jared aju tcy'ajal. 16Titz'jlenxi Jared, ank'intl Mahalaleel 830 abk'i ex e ul itz'jtl tcy'ajal ex tme'jel. 17Ten Mahalaleel twitz tx'otx' tu'n tcyakil 895 abk'i ex cyim.
18Otok japun Jared twi' 162 abk'i tej tul itz'j Enoc aju tcy'ajal. 19Titz'jlenxi Enoc, ank'intl Jared wajxak syenttl abk'i ex e ul itz'jtl tcy'ajal ex tme'jel. 20Ten Jared twitz tx'otx' tu'n tcyakil 962 abk'i ex cyim.
21Otok japun Enoc twi' 65 abk'i tej tul itz'j Matusalén aju tcy'ajal. 22Titz'jlenxi Matusalén, bettl Enoc tuc'il Dios ox syenttl abk'i ex e ul itz'jtl tcy'ajal ex tme'jel. 23Ten Enoc twitz tx'otx' tu'n tcyakil 365 abk'i. 24O bet Enoc tuc'il Dios. At jun k'ij nok cub naj tu'nju o tz'aj k'i'n tu'n Dios.
25Otok japun Matusalén twi' 187 abk'i tej tul itz'j Lamec aju tcy'ajal. 26Titz'jlenxi Lamec, ank'intl Matusalén 782 abk'i ex e ul itz'jtl tcy'ajal ex tme'jel. 27Ten Matusalén twitz tx'otx' tu'n tcyakil 969 abk'i ex cyim.
28Otok japun Lamec twi' 182 abk'i tej tul itz'j jun tcy'ajal. 29Noé*fn* tbi oc tk'o'n ex tma cyja': Tzaj tk'o'n Kman sentens tibaj tx'otx'. Tu'ntzun jlu in ko ak'nan nimxix. Atzunte c'wa'l lu c'elel k'inte ak'untl ki'j, ex ckebel kc'u'j tu'n, chi Lamec. 30Titz'jlenxi Noé, ank'intl Lamec 595 abk'i, ex e ul itz'jtl tcy'ajal ex tme'jel. 31Ten Lamec twitz tx'otx' tu'n tcyakil 777 abk'i ex cyim.
32Otok japun Noé twi' jwe' syent abk'i tej tul itz'j Sem, Cam ex Jafet, akeju tcy'ajal.
Markert nå:
Génesis 5: MAMH
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Mam del Norte © Sociedades Bíblicas Unidas 1993
