Ubwandilo 4
4
U Kayini nu Abeli
1Po u Adamu akamumanya umuchi wache u Eva, po umuchi wache akamela ulwanda. Akapapa umwana umulumendo po akati, “Nu bwavwilizi ubwa Mwene napokela umwana umulumendo.” Po akamwita ukuti we Kayini.#4.1 Kayini: Itabwa ili liyanite bulo na mazyu agha Chihebeli aghakuti, Ukupokela. 2Pisinda pache akapapa sona umwana umulumendo yuyo akamwita ukuti we Abeli. U Abeli akaba mudimi, loli u Kayini akaba mulimi. 3Bo pachilapo akabalilo u Kayini akasenda inyinulo yache panandi nukuvibika kwa Mwene ukuti chibanje chakwiyipa. 4#Heb. 11.4Po u Abeli wepe akasenda umwana uwa ng'ozi uwakwanda pakupapiwa, akamughogha nukusala ivigaba ivyiza nkani nukuvibika kwa Mwene ukuti chibanje chakwiyipa. U Mwene akahoboka nkani nu Abeli nukupokela ichakwiyipa chache. 5Loli u Mwene atakahoboka nu Kayini, po atakapokela ichakwiyipa chache. Pachifukwa chinichi u Kayini akakalala nkani nukusiluka icheni chache.
6Po u Mwene akamulalusya u Kayini akati, “Nkimba choni chicho wakalala? Nkimba choni chicho icheni chako chisilukite? 7Nanti ukabombagha chicho chiza, nkimba ngali intakahoboka nawe?#4.7 intakahoboka nawe: Pamo ngali napokela ichabupi chako. Loli pachifukwa ichakuti wabomba ichintu ichibibi, imbibi yinyonyotaye pamulyango ngati chinyamana ichikali. Yikulonda ukuti yikuleme, loli awe uyipotaye.”
8 #
Mat. 23.35; Luk. 11.51; 1 Yoh. 3.12 Po u Kayini akamubuzya umuzuna wache u Abeli akati, “Twende kumughunda.” Bo bali kumughunda, u Kayini akamusambukila umuzuna wache u Abeli nukumughogha.
9U Mwene akamulalusya u Kayini akati, “Nkimba umuzuna wako u Abeli ali ko kwiyi?”
U Kayini akamula akati, “Ntamenyeko kuko ali. Fwandi yo mbombo yane iyakumusungilila umuzuna wane?”
10 #
Heb. 12.24
Po u Mwene akamulalusya sona u Kayini akati, “Nkimba choni chicho wabomba ichintu ichakoghofya ichi? Ibanda ilya muzuna wako likundilila mwitope. 11Ilelo waghuniwa, utakwiza pakulima sona mwitope, lilyo lyang'wela ibanda ilya muzuna wako, lilyo wakupula ni nyobe zyako. 12Nanti ukuyezya pakupesa imbeyu, itope litakwiza pakumezya nalumo imbeyu. Ukwiza pakuba muntu uwakwendakwenda bulo, sona nu musita kwikalana pachisu ichapasi.”
13U Kayini akamubuzya u Mwene akati, “Ulufundo ulu lwachila amaka ghane. 14Ilelo ukunchimbizyamo muchisu ichi sona ukunyefya pamaso papako. Nkwiza pakuba muntu uwakwendakwenda bulo, sona nu musita kwikalana pachisu ichapasi. Umuntu wesi yuyo akunyagha, akwiza pakungogha.”
15Po u Mwene akamwamula akati, “Awe, nanti umuntu yumo akumughogha u Kayini, abantu seveni bakwiza pakughoghiwa umwakutanizyapo.” U Mwene akabika ichimanyilo pa Kayini pakumusoka umuntu wesi yuyo akomana nu Kayini ukuti atakamughoghe. 16Po u Kayini akepapo pamaso pa Mwene nukubuka pakwikala muchisu icha Nodi#4.16 Nodi: Kokuti ukwendakwenda (ennya mwivesi ilya 12 nilya 14). chicho chili kubufumilo bwizuba ubwa mughunda uwa Edeni.
Abaluko ulwa Kayini
17U Kayini akamumanya umuchi wache, po umuchi wache akamela ulwanda nukupapa umwana umulumendo yuyo akamwita ukuti we Enoki. Pisinda pache u Kayini akazenga akaya akakulu nkani nukukita itabwa ilya mwana wache u Enoki yula. 18U Enoki akapapa umwana umulumendo yuyo akamwita ukuti we Iladi. U Iladi akapapa u Mehuyayeli. U Mehuyayeli akapapa u Metushayeli, sona u Metushayeli akapapa u Lameki.
19U Lameki akasenda abakolo babili, usongo akaba we Ada, po umunandi akaba we Zila. 20U Ada akapapa u Yabali, yuyo akaba munyenya uwa bateka ivitekwa babo bakikalagha muvisakasa. 21Uwamwabo akaba we Yubali, yuyo akaba munyenya uwa bimbi bosi aba vinanda na malongi. 22U Zila akapapa u Tubali Kayini, yuyo akaba musyani uwa ivibombelo vyosi ivya mukuba nivya chela. Umuyemba uwa Tubali Kayini akaba we Naama.
23U Lameki akamubuzya u Ada nu Zila akati,
“Mwee bachi bane ivwa kuno:
Namughogha umuntu pachifukwa ichakuti akanvulazya.
24 #
Mat. 18.22
Nanti abantu seveni bakaghoghiwa umwakutanizyapo pachifukwa icha kumughogha u Kayini,
kokuti abantu 77 bakwiza pakughoghiwa umwakutanizyapo nanti umuntu yumo angangogha.”
Nizya Seti nu Enoshi
25Po u Adamu akamumanya sona umuchi wache u Eva, po u Eva akamela ulwanda nukupapa umwana umulumendo. Po akati, “U Chala ampa impyana iya Abeli yuyo akaghoghiwa nu Kayini.” Po akamwita ukuti we Seti.#4.25 Seti: Itabwa ili likwivwika ngati lya mu Chihebeli kokuti, Ampa. 26U Seti akapapa umwana umulumendo nukumwita ukuti we Enoshi.
Aka kakaba kabalilo kako abantu bakanda pakumwiputa u Mwene.
Markert nå:
Ubwandilo 4: LMB2024
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Lambya Bible © Bible Society of Malawi, 2024.
