Medhetethi 10
10
Nohe Sheesha
1Nohe nayta, Seema, Kaamanne Yaafeta yeletethay haysafe kaallidi xaafetidaysa. Dhayo haathaafe guye, entaw adde nayti yeletidosona.
2Yaafeta adde nayti, Gomera, Maagoge, Madaya, Yawaana, Tubaala, Mosahanne Tirasa.
3Gomera adde nayti, Askanaaza, Irfatanne Togarma.
4Yawaana adde nayti, Elisha, Tarsesa, Kiximanne Rooda.
5Haysati Yuushoy abban teqetida biittan de7iya Yaafeta sheeshatas mayzata. Enti banta biittan biittan, banta doonan doonaninne banta kawotethan kawotethan shaaketidi de7iya dereta.
6Kaama adde nayti, Kuusha, Gibxe, Liibenne Kanaane.
7Kuusha adde nayti, Saaba, Hawila, Saabita, Ra7imanne Sabtaka.
Ra7ime adde nayti; Saabanne Dedaana.
8Kuushi Namiruude yelis; Namiruudey ha sa7an koyro wolqaama olancho gidis. 9Godaa maaden wolqaama shankancho gidis. Asay, “Namiruudeda Goday nena wolqaama shankancho kesso” gidi anjey hessa gishosa. 10Iya kawotethaas koyro katamati Sana7oora#10:10 Sana7oora: Woyko Babiloone biittan de7iya Babiloone, Ereka, Arkadanne Kaline. 11I he biittafe Asoore bidi, Nanawe, Rehobootanne Kalaha keexis. 12Qassi Nanawepenne Kalaha katamaape giddon Reseena keexis.
13Mixiraymi, Luudeta, Anamimeta, Lahabeta, Naftuheta, 14Patroosatanne Filisxeeme kochaa yelida Kasluheematanne Qaftooreta mayza. 15Kanaaney ba bayra na7a Sidoonanne Heeta yelis. 16Qassi Kanaane sheeshati Yaabuseta, Amooreta, Gergeseta, 17Hiweta, Arketa, Siinata, 18Arwaadeta, Xamaaratanne Hamaatata yelis. Hessafe guye, Kanaane sheeshati dumma dumma bessi laaletidosona. 19Kanaane biitta zaway Sidoonape doomidi, Garaaranne Gaazara gakidi, Soodomenne Gamoora, Adaamanne Xaboyma bidi, Lasha7a gaki eqis. 20Haysati Kaama sheeshata; entaw dumma dumma dooni, dumma dumma biittinne dumma dumma kawotethi de7ees.
21Seemas nayti yeletidosona. I Yaafetas bayra ishanne Eboora nayta ubbaas mayza. 22Seema adde nayti, Elama, Asoore, Arfakisaade, Luudenne Araame.
23Araame adde nayti, Uxa, Hula, Geteranne Masheka.
24Arfakisaadi Saala yelis. Saali Eboora yelis.
25Ebooras nam7u adde nayti yeletidosona. Sa7an de7iya asay iya wode shaaketida gisho issuwa Pelega#10:25 Pelega: Ibraawetho doonan ha suntha birshethay “Shaaketethi” guussu. gidi sunthis. Iya ishaa sunthay Yoqxaana.
26Yoqxaana sheeshati haysata. Entika Almodaada, Salefa, Hasermoota, Yaraha, 27Hadoraama, Uzaala, Diqila, 28Obaala, Abmaala, Saaba, 29Ofira, Hawilanne Yobaaba. Haysati ubbay Yoqxaana sheeshata.
30Enti de7ida heeray Meesape bidi doloha baggara de7iya derey dariya Safaara biitta gakees. 31Haysati ubbay Seema sheeshata; entaw dumma dumma dooni, dumma dumma biittinne dumma dumma kawotethi de7ees.
32Haysati ubbay banta sheeshan sheeshaninne banta kawotethan kawotethan xaafetida Nohe nayta. Dhayo haathaafe guye kawotethati haysatape sa7a ubbaa laaletidosona.
Markert nå:
Medhetethi 10: GFBLVF
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
The Word for the World International and The Word for the World Ethiopia
