Ioane 8
8
1Iesu Oliveta ai enanave.
2Pani merea ai omoro marea ai U vairunave, a’a aruru i‐anenave U ai; U pa’anave, ipekinave ane.
3Kikiria a’a, Parisea a’a ane, eve’eve‐lia a’e U ai arekanave; oro a’e vimu ai oiai awkiaka’ane,
4Oro erau voa kurunave, Amua e, ei a’e auiakeia’ane euna eve’eve limakina.
5Vupu unu voa laru ai Mose akiane euna eve’evelia a’e rawre awpakiai u imuane‐iai: Ni oiamakuru’i?
6Uku ailiai oro erau voa veve’enave, oro voa miane‐iai oro ailieane‐iai. Iesu uku vaparia‐kinunave, Una eve uru U ka’e ai kikirinave.
7Oro omo voa veve’eioko veve’eioko rokoamakei’inave, Una uku U la‐okanave, erau voa kuruenave ane, Namea eria vaki noro awkono avao u pinai ei a’e rawre awpakinamoki.
8U moawku kape vaparia‐kinunave, ka’e ai kikirinave ane.
9Una voa oro virinave, uku omo lai inu mua oro monou monou elenave, mai?-?vaki oro paku ai elenave a’a mo ane anea’anea oro uriria eleaka: Iesu e i‐pokoinave, a’e ane vimu ai oimakei’inave.
10Iesu kape anana liaka’ane, a’e e inamu‐oiaka’ane, U erau voa kurunave, A’e e, ni ailiea a’a ekeiana? A’a kapeo mua‐amanika’i?
11A’e erau voa kurunave, Amua e, a’a kapeo. Iesu erau voa kurunave, Nai awku mua‐a‐nikanakea: enara, moawku namea pa liai.
12Iesu moawku erau voa omoro kuruenave, Nai pani va’au unu Pamea keina, a’a e’e’ikana muru ai u are rokoapea kapoi, rokoa anu pamea u miakana.
13Parisea a’a erau voa kurunave, Ni nane eiai Ni ioneli’ina; Ni ione voa miki peo.
14Iesu erau voa kuruenave, Na nane eiai Nai ione?-?liane, Na ione voa miki keina: mako mere Nai anenave Nai ipali’ina, mako ai Nai i‐enamakina ane; mako mere Nai anenave, mako ai Nai i‐enamakina, noro a‐ipali’inakea.
15A’a orau awku unu aipo noro voa veve’ena: a’a kapeo Nai voa veve’ena.
16A Nai voa veve’eane, Na voa vevea anana keina: uku Nai e rokoakeiapea, uku Nai, Mai ane, U ane U ikaivirinave, enere iki rokoakeina.
17Nomo vupu voa laru ai ei voa awku kikiriakeina, A’a rere enu ione voa miki keina.
18Nai ione a’a monou ionelimakina uku Nai eiai, Mai awku U ane U ikaivirinave U ioneli’ina uku Nai eiai.
19Oro erau voa veve’enave, Ni Mai ekeiana? Iesu erau voa kuruenave, Noro ipa‐a‐ilaunakea, Na Mai awku noro ipa‐a‐ulaunakea: noro ipa‐ilauaka livilia, Na Mai awku noro ipa‐ulauaka.
20Moni roikia mako ai omoro marea laru ai ei voa Iesu omoro kurunave; a’a eve a‐a’akinavea uku Una pani aneakape.
21U moawku erau voa kuruenave, Nai enamakina, noro ivoroakana, nomo namea eiai noro imuakana: Nai i‐enamakina noro i‐aneai liapea.
22Isaraela a’a erau voa veve’einave, U nane U ama?-?a’amau? uku U erau voa kuruna, Nai i‐enamakina noro i‐aneai liapea.
23U erau voa kuruenave, Noro arau ai mere anena, Nai upa mere anena: noro ei pani va’au unu a’a, Nai ei pani va’au unu a’a peo.
24Ou uku eiai Nai kurunainave, nomo namea eiai noro imuakana: noro pirimaroakoape liane Nai U keina, nomo namea eiai noro imuakana.
25Oro erau voa veve’enave, Ni koana? Iesu erau voa kuruenave, Pinai pani mere Nai nakiane euna Uku Nai eiai.
26Voa aila kuruai, voa veve’eai ane, noro eiai Nai mi’ina: a U ane U ikaivirinave U miki keina; ou awku U mere Nai viriane euna oro eiai kuruai Nai pani va’au ai anea’ane euna.
27Oro a‐ipali’inavea U kuruemakei’inave uku Mai eiai.
28Iesu erau voa kuruenave, Noro A’a anu Mere la‐okava’ane, noro ipaliakana Nai U keina, Na nane e Nai awku eria li’ina; a orau Na Mai ipaikiane euna, orau ei voa Nai kuruna.
29U ane U ikaivirinave U Nai kiripai rokoakeina: U epuri ave’i’iape, uku Nai panipani ai li’ina kurua awku kopai‐awkana.
30U ei voa kurunave a’a aila pirimaroakoanave.
31Isaraela a’a pirimaroakoanave Iesu erau voa kuruenave, Noro Na voa pirimaroakoane liviai, noro Na aivara a’a kapoi;
32Voa miki noro ipaliakana, voa miki ururunaia?-?kana.
33Oro erau voa kurunave, Enei Aberahamo onu kiri a’a, enei aivara a’a piria‐a‐kei’inavea a’a e eiai: Ni eka’ama‐kuru’i, Noro ururunaiakeiakana?
34Iesu erau voa kuruenave, Nai kurunaina kapoi, A’a kavakava namea liane u namea anu aivara keina.
35Aivara una amua a’a anu marea pokoiapea opai keiakana: a Mere pokoiakana opai keiakana.
36Mere ururunaiane, noro ururunaiakeiakana kapoi.
37Nai ipali’inake noro Aberahamo onu kiri a’a keina; a i‐avai noro vorona, uku Na voa mako eria mi’ina noro laru ai.
38Awku Nai inamu‐oiane euna Na Mai kiripai Nai kuruna: awku noro inamu‐oiane euna nomo mai kiripai noro li’ina.
39Oro erau voa kurunave, Aberahamo ene mai keina. Iesu erau voa kuruenave, Noro Aberahamo onu kiri a’a keia’ane, Aberahamo onu opara noro li’ina.
40A voa miki i‐avai noro umulimakina, a’a ane u voa miki nakiane euna, Nai Eloi mere viriane euna: Aberahamo orau a‐li’inavea.
41Nomo mai inu opara noro li’ina. Oro erau voa kurunave, Enei naku‐ukua peo; Eloi U e ene Mai enei mi’ina.
42Iesu erau voa kuruenave, Eloi nomo Mai keia’ane, noro umu‐ikana uku Eloi mere Nai anenave; Nai verukua a’anenavea, U ikaivirinave.
43Nai voa kuruane uku oiana noro pauapaua keina? uku noro iviri peo Na voa viriai.
44Mai ane noro una mere u diabolo keina, nomo mai inu i’ima liai noro umuli’ina. Pinai pani mere u avé vaki kei’inave, voa miki ai u a‐pokoinavea, uku miki eria u laru ai keina. U arauau kuruane, una lai mere u kuruna: uku u arauau vaki, arauau unu mai ane.
45Uku Nai voa miki nakina, noro ipirimaroakoapea.
46Nomo a’a ekara’ana aili’i’ina Nai namea li’ina? Nai voa miki kuruane, uku oiana noro ipirimaroakoapea?
47A’a Eloi inu a’a keina u Eloi inu voa virina. Noro a‐virinakea, uku oiana? Uku noro Eloi inu ukua‐mere peo.
48Isaraela a’a erau voa veve’enave, Enei voa miki kuruapeana Ni Samaria a’a keina, Ni diabolo awku mi’ina?
49Iesu erau voa kurunave, Nai diabolo miape. A Na Mai Nai avioina, a noro lari‐ikana.
50Na avioia Nai a‐voro?-?nakea: a Monou uarokona, U avioia vorona Nai eiai, U voa veve’ena ane.
51Nai kurunaina kapoi, A’a Na voa kamaialiane, u imuapea.
52Isaraela a’a erau voa kurunave, Eai enei ipali’ina Ni diabolo mi’ina. Aberahamo imuakeina, laikorava a’a ane; Ni erau voa kuruna, A’a Na voa kamaialiane, u imuapea.
53Ene mai Aberahamo u imuakeina, Ni u upa mere areniakeina ana? laikorava a’a ane, oro imuakeina: Ni oiamakuru’i Ni nane eiai?
54Iesu erau voa kurunave, Na nane Nai avioiane, Na avioia eria keina: Na Mai avi’i’ina; U eiai noro kuruna U nomo Eloi keina:
55Noro ipa‐ulauape: a Nai ipa‐ulauna: Nai kuruane, Nai ipa‐ulauapea, Nai noro orau arauau a’a keiakana: a Nai ipa‐ulauna, Una voa kamaiali’ina ane.
56Nomo mai Aberahamo kopaili’inave uku u araea’araeali’inave Na pani inamu‐oiai: u inamu‐oinave, kopaili’inave ane.
57Isaraela a’a erau voa kurunave, Ni kinia pani mere Ni aumeia 50 miape, Aberahamo Ni inamu‐amaoi’e?
58Iesu erau voa kuruenave, Nai kurunaina kapoi, Aberahamo onu kinia pani paku ai, Nai rokoakeina.
59Rawre awpakiai oro rawre uakinave: a Iesu vauakinave, omoro marea mere elenave ane, a’a aruru vimu ai enamakei’inave, U enanave.
Markert nå:
Ioane 8: IAR1920
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Published by the British and Foreign Bible Society in 1920.
