Zaburi Sya Daud 32
32
Beati quorum.
1Wakuwatuka yula fiwifu fyake finyanyamulike:
Yifinikilike zambi yake.
2Wakuwatuka mwana wa adam yula Bambo alema kumbalangila upulupulu:
Na pangali kuchenjela pa lihoka lyake.
3Baho nateme teke, mafupa gangu gayiile mukulala:
Pa kuwuwula musi woha.
4Ndawa musi ni kilo kiwoko kyako kikanitopalile:
Uwisi wangu wang’anamwike ngati lulanga.
5Zambi yangu nikakumanyise, nu upulupulu wangu nakugufunukila:
Nakite, Yanifunukilila kyakuhoka kyangu kwa Bambo, nu wenga watwikite upulupulu wa zambi yangu.
6Pa iki akuluwe ayii ywoha wa lukolo pa lukumbi lwa kupatikana wenga:
Chakaka wona gasambwike machi mingi nakumfikila yombe.
7Wenga pa kuyuwalika pangu, pa kufinyikisana yaunigohe:
Yaunisyungutile ni fya kululuta fya kuyokola.
8Yanukuchenjelese na yanikulangise ndila yila ngaugendite:
Yanikupele malango ni liho lyangu pa wenga.
9Usitama ngati falasi haka lipunda, sila nakuwalalila:
Fyakutendekesa fyawe wakukotoka lepe kutama manilo nu ngoyi kusifuta, pangi nakukuwandamila.
10Mingi mahumbuso kwa wawifu:
Koma yula amhuwalila Bambo, lukolo yalunsyungulile.
11Muhekelelaye pa Bambo, nu muhinaye, mwenga wakukita malinga:
Nu mululutaye, mwenga wakugoloka mumioyo.
Markert nå:
Zaburi Sya Daud 32: MGSPSA
Marker
Del
Kopier

Vil du ha høydepunktene lagret på alle enhetene dine? Registrer deg eller logg på
First published in 1913, by the Universities' Mission to Central Africa Mission Press