Vakatekivu 15
15
Na Veiyalayalati ni Kalou kei Eparama
1Sa oti na ka oqori sa vosa vei Eparama ko Jiova e na raivotu, ka kaya, “Mo kakua ni rere, Eparama, koi au na nomu i sasabai; ia na kemui sau ena ka levu sara.” 2A sa kaya ko Eparama, “Kemuni na Turaga ko Jiova, a cava na ka ko ni na solia vei au, ni'u na mate ka sa sega na luvequ, ia ko koya sa na vakatawa na noqu vale ko Iliesa ko koya na kai Tamasiko?” 3Sa kaya talega ko Eparama, “Raica, ko ni sa sega ni solia vei au na kawa; ka sa na taukena e muri na noqu i yau e dua sa sucu wale e noqu vale.” 4Ka raica, sa yaco vua na vosa i Jiova, ka kaya, “Ena sega ni taukena e muri na nomu i yau ko koya oqo; ia ko koya ga ko sa na vakatubura ena taukena na nomu i yau.” 5#Roma 4.18; Ipe 11.12A sa kauti koya ki tautuba, ka kaya, “Mo raici lomalagi mada, ka wilika na kalokalo kevaka ko sa wilika rawa.” A sa kaya vua, “Sa na vakakina na nomu kawa.” 6#Roma 4.3; Kala 3.6; Jeme 2.23A sa vakabauti Jiova ko koya; a sa okata vua ko koya me nona i valavala dodonu.
7A sa kaya vua, “Koi au ko Jiova, ko koya ka kauti iko tani mai Uri mai Kalitia, ka me'u solia vei iko na vanua oqo mo taukena.” 8A sa kaya ko koya, “Kemuni na Turaga ko Jiova, me'u kila vakacava ni'u na taukena?” 9A sa kaya vua, “Mo kauta mai vei au e dua na luve ni bulumakau yalewa sa tolu na kena yabaki, ka dua na me yalewa sa tolu na kena yabaki, ka dua na sipi tagane sa tolu na kena yabaki, ka dua na soqe, ka dua na luve ni ruve.” 10A sa kauta na ka kecega oqo ko koya, ka musuka rua, a sa virikotora e dua na tikina vaka, ka dua na tikina vaka, me veidonui; ia ka sa sega ni musuka na manumanu vuka. 11Ia ni sa vuka sobu mai na manumanu kila me kania na yagodra sa mate, sa vakasava ko Eparama.
12 #
Jope 4.13,14 Ia ni sa dromu sobu na mata-ni-siga, sa biti Eparama e dua na moce lutu, ka raica, sa bikai koya e dua na butobuto loaloa e rerevaki sara. 13#Lako 1.1-14; Caka 7.6A sa qai kaya ko Jiova vei Eparama, “Mo kila vakaidina sara oqo, ni na tiko vulagi na nomu kawa e na vanua sa sega ni nodra, ka ra na tiko vakabobula e kea, ka ra na vakararawataki me va na drau na yabaki; 14#Lako 12.40,41; Caka 7.7ia na matanitu talega era na qarava ka'u na lewai ira. Ni sa oti, era na qai lako tani mai ka na levu na nodra i yau. 15Ia ko iko, ko na lako e na vakacegu vei ira na tamamu; ko na buluti ni ko sa qase sara mai. 16Ia e na kenai kava ni tabatamata era na lesu tale mai ki ke; ni se sega ni sinai edaidai na nodra i valavala ca na luve i Amori.”
17Ia ni sa dromu na mata-ni-siga ka sa butobuto, raica, sa dua na miqa sa kubou tu, ka dua na cina sa caudre tiko sa lako e na maliwa ni tiki ni manumanu ko ya. 18#Caka 7.5E na siga ko ya sa ia kina na veiyalayalati kei Eparama ko Jiova, ka sa kaya, “Au sa solia na vanua oqo vei ira na nomu kawa, mai na uciwai e Ijipita ka yacova na uciwai levu, na uciwai ko Uferetisi, 19a nodra vanua ko ira na Kenaiti, kei na Kenisaiti, kei na Katimonaiti, 20kei na Itaiti, kei na Perisaiti, kei na luve i Refei, 21kei na Amoraiti, kei na kai Kenani, kei na Kakesaiti, kei na Jepusaiti.”
Markert nå:
Vakatekivu 15: FRV21
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
