मरकुस ए किताब कर बारे में दम अकन गोएठ
ए किताब कर बारे में दम अकन गोएठ
ए सुघर खभेर ला मरकुस हर लिखीसे। एमे ईसू मसीह ला परमेस्वर कर बेटा कर रूप में देखाथे। ईसू हर परमेस्वर कर राएज कर बारे में परचार करीस, बेमरीहा मन ला ठीक करीस अऊ पापी मन ला ओमन कर पाप ले छोंड़ाए बरीक बलीदान कर रूप में कुरूस में अपन जान देहीस। एकर संगे मरकुस हर तीन आने-आने मधे कर मनईसे मन कर बारे में एमे बताथे। पहिलो चेला मन, दूसरा भीड़ कर मईनसे मन अऊ तीसरा यहूदी धरम कर मुखिया मन हवें। जब ईसू ए दुनिया में रहीस तब एमन नई चिन्हीन कि ईसू फूरोंच में कोन लागे। जे घनी ईसू ला कुरूस में चघाए जाए बर रहीस, तेही घनी यहूदी धरम कर मुखिया मन ओके धरीन, चेला मन ओके छोंएड़ के भाएग गईंन अऊ भीड़ हर ओके कुरूस में चघुवाए बर किरलात रहीस। ईसू कर मरे कर पाछू सिरीप रोमी सेना कर एगोट सिपाही हर ओके चिन्हींस अऊ कहीस: “फूरोंच में एहर परमेस्वर कर बेटा रहीस।”
एकरले ए सुघर खभेर ला पएढ़ के तुंहू मन जाएन जईहा कि ईसू फूरोंच में कोन लागे, ओके चिन्हे बर अऊ ओकर द्वारा पाप ले छुटकारा पाए बर अऊ बेमारी ले चंगाई पाए बर परभू तुमन ला आसीस देही। तेकर ले ए सुघर खभेर ला बढ़िहां ले पढ़िहा।
ए सुघर खभेर हर खालहे लिखल भाग में बांटल हवे
यूहन्ना बतिस्मा देवईया कर संदेस 1:1-8
ईसू कर बतिस्मा अऊ परीछा 1:9-13
ईसू हर गलील में सेवकाई करथे 1:14—9:50
ईसू हर गलील ले यरूसलेम कती जाथे 10:1-52
ईसू कर सेवकाई कर आखरी हप्ता 11:1—15:47
ईसू कर जी उठाई 16:1-8
ईसू अपन चेला मन जग परगट होथे 16:9-20
Markert nå:
मरकुस ए किताब कर बारे में दम अकन गोएठ: SGJ
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© (Active) Wycliffe Bible Translators, Inc. All rights reserved.