Seemthawhnak 8
8
Tinik a Keu
1Pathian ni Noah leh amah rum lawngpi sungih a ommi ramsapawl hmawhhmawh leh innvulh sumhnam an zate a mang hngai. Culeh Pathian ni vulei parah huih a tlawhsak ih tinik cu a keu; 2a thukpinang ih cirhpawl leh vancung tukvirhpawl khar an ii, vancung ruah cu tlaih an ii, 3culeh ti cu vulei parin an keu miarmo. Ni 150 a deng tikah ti cu a ṭum; 4culeh a thla sarihnak, thla ni hlei sarihnak ah lawngpi cu Ararat tlang parah a taang. 5Ti cu a thla hranak tiang a ṭum pehzulh; a thla hranak, thla ni khatnak ah tlangpawl cu an zim an lang.
6Ni sawmli a deng tikah Noah ni a vuakmi lawngpi ih tukvirh cu a hong, 7cun langak pakhat a thlah ih vulei parah tinik a keu ngah hlansung soi thah kir thah in a soi berbo. 8Cutikah khur parin ti a keu vel maw ti tiah dawt ah thunu a thlah; 9ihmansela thunu cu tuknak hmun a tuah lo ruangah a hemah a kirṭhan, icatile vulei punpuhluk ti ni a khum rih. Curuangah a kut a thlak ih thunu cu amah hem lawngpi sungah a luhpi. 10Ni sarih la a hngah beeng ih lawngpi cun thunu cu a thlah ṭhan. 11Culeh thunu cu a siimla ahcun a hmur ah oliv thinghnah a cih tharmi te a thiarta; curuangah Noah ni vulei parin ti a keu ti a tiah. 12Cuhnukah ni sarih la a hngah beeng ih thunu a thlah; culeh a hemah a kirṭhan ti lo.
13Kum 601nak, thla khatnak, thla ni khatnak ah ti cu khur parin an keu; culeh Noah ni lawngpi a hreen cu a hongih khur a car vel ti a hmu. 14A thla hnihnak, thla ih ni kul hluansarih ni ah vulei cu a car. 15Cutikah Pathian ni Noah cu, 16“Nang leh na nupi, nan tiapapawl leh an nupile cu lawngpi sungin suak vel uh. 17Nanmah rum a ommi nunnak ngei izongza—vapawl, ramsapawl leh vulei parih bokvak zongza suahpi hngai uh—cuticun vulei parah cii zaih in a pungzai ciamco taw uh,” tiah a ti. 18Curuangah Noah cu a nupi, a tiapapawl leh a vah-le rum an va suak. 19Culeh ramsa kip, vate kip, vulei parih vakkhomi izongza cu anmah phunlam vek mangin lawngpi sung cun an va suak.
Noah hemih Pathian Thutiam
20Cutikah Noah ni Bawipa caah pakawh a don ih a thiangmi ramsa kip leh a thiangmi vate kip la hngai in pakawh parah meitih rai a hri hngai. 21Culeh Bawipa ni a rimthaw cu a hniim ih a thinlung ah, “Minung ruangahhin vulei cu khawcang hmanah ka camkha ṭhan ti thok lo, icatile minung thinlung ih thumaimi cu an nawh lio in a ṭhalo; cun ka siatsuah hngai rom mangin cu sumnung izongza ka siatsuah hngai dah ti thok lo.
22Vulei a hmun sung hmawh cu
thlaithlak caan, thlaikhawm caan,
isik khuk leh khuasa khuk,
ṭhal caan leh isik,
sun leh zan cu
a deng ti thok lo,” tiah a ti.
Markert nå:
Seemthawhnak 8: KHBF
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Khualsim Holy Bible © Bible Society of Myanmar, 2021.
