Seemthawhnak 2
2
1Cuticun vanpawl leh vulei, cun an sungih ommi hmawhhmawh a zate vuak uh remro an ii. 2Culeh a ni sarihnak ah Pathian ni a thilti rianṭuan cu a uuktia ih ni sarihnak cu a rianṭuan zate in a awl. 3Curuangah Pathian ni a ni sarihnak cu thlua a suah ih a thiansak, icatile Pathian ni acui ni ahcun a seemsuahnak rianṭuan ih a thiltimi hmawhhmawh in a awl.
4Hipawl hi vanpawl leh vulei seemsuah an ik tikih thuhlapawl an ii.
Seemsuahnak Thuhla Pace
Bawipa Pathian ni vulei leh vanpawl a vuak hngai lioah, 5vulei parahhin thlai kung leh taa keeu tu ding khaw an om rih lo—icatile Bawipa Pathian ni vulei parah ruah a zuksak rih lo, cun khurram thlo tu ding ahuhman an om ta lo. 6Vulei in tikhu zong cu a suakih khur zate a hnawng. 7Cuhnukah Bawipa Pathian ni mi cu khur ih leivut in a pianthlai a vua ih a hnaar awng sungah nunnak thaw a von hmut; culeh mi cu a nung mi ah a cang. 8Cun Bawipa Pathian ni nisuahnakla, Eden ah duum pakhat a vua; cun a vuakmi minung cu acunangah a omsak. 9Bawipa Pathian ni khur in zohnuam leh awkṭha thingkung phun kip a keeusak, duum laisim ah nunnak thingkung, cun a ṭha leh a sia tiahnak thingkung khaw a keeusak.
10Eden in thlawng pakhat cu duum thlawksaktu ah a luang, cun acunang cun a ṭeek pali ah cang in a ṭhentia. 11Pakhatnak ih min cu Pishon a ii; acu cu sui omnak hmun Havilah ram zate velkim a luang; 12cun acui ram ih sui cu a ṭha; thingthling mankhung leh oniks lung mankhung an om. 13A pahnihnak tipi ih min cu Gihon a ii; Kush ram punpuhluk velkim ih a luangmi a ii. 14Pathumnak tipi min cu Taigris a ii ih Assiria nisuahnakla ah a luang. Cun a palinak cu Zufrates#2:14 Zufrates Zufreiṭis tiih rel thok. a ii.
15 Bawipa Pathian ni mipa cu lain Eden duum thlo ding leh kilkhawi dingah duum ahcun a sia. 16Culeh Bawipa Pathian ni mipa cu, “Duum sungih thingkung kip hi an vuang na aw hngai hluahhlo kho kau; 17ṭha leh sia tiahnak thinkung zong cu a vuang na aw thok lo, icatile na awk ni ah na thi thok,” tiah thu a pia.
18Cuhnukah Bawipa Pathian ni, “Mipa hi amah ceu a ik ding cu a ṭha lo; amah rum a hoihtiami bawntu ka vuak piak thok,” tiah a ti. 19Curuangah Bawipa Pathian ni khur in hramlak ramsa phun kip leh huih lak vapawl phun kip a vua hngai ih, mipa ni khawtiin ko hngai thok nala ti tiah dingah a hemah a hruai hngai; culeh mipa ni a nung mi seemsuahmi poh an min a vawh hngai mangcun an ii. 20Mipa ni sumhnam zate, cun huih lak vapawl, hramlak ramsa kip in min a vawh hngai; ihmansela amah rum a hoihtiami bawntu ituhman an om lo. 21Curuangah Bawipa Pathian ni pami cu a met ni thlimkau in a vua ih a mekau; cutikah a nakruhpawl lakih pakhat a la ih acunang fang cu tiksa in a tuam. 22Culeh Bawipa Pathian ni pami ih nakruh a latmi cu numi ah a vua ih pami hemahcun a hruaita. 23Cutikah pami ni,
“Atu hi cu ka ruh ih latmi ruh,
ka tiksa ih latmi
tiksa a i thleeithli;
hihi cu Minu ti’h kawh a i thok,
icatile Mipa hemin latmi a ii,” tiah a ti.
24Curuangah pami ni a pa leh a nu mata hngai in a nupi a kop, cun tiksa khat ah an cang. 25Cun mipa leh a nupi cu an pahnih takpalawng an i nain an ning a zak lo.
Markert nå:
Seemthawhnak 2: KHBF
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Khualsim Holy Bible © Bible Society of Myanmar, 2021.
