Lyfr y Psalmau 20
20
1Gwrandawed Ior dy weddi brudd
Pan ddelo dydd cyfyngder;
Ac amddiffyned, yn dy gri,
Duw Jacob di bob amser.
2Rhoed itti nerth o’i Gyssegr glân,
O Sïon, burlan fynydd;
3Dy boeth‐offrymmau cofied Ion,
Poed iddynt foddlon beunydd.
4A phan ddymunech gantho rodd,
Rhoed it’ wrth fodd dy galon;
Cyflawned hefyd yn ddi‐goll
Dy fryd a’th holl gynghorion.
5Yn iachawdwriaeth Duw a’i hedd
Y cawn orfoledd lawer;
Dy weddi daer cyflawned Hwn;
I’w Enw dyrchwn faner.
6Yr Ion a wrendy yn ei ras
Ar lef ei was enneiniog;
O’r nef fe ’i gweryd ef rhag braw,
Drwy nerth ei law alluog.
7Ymddiried rhai, pan boetho ’r gad,
Mewn meirch neu fad gerbydau;
Ynghanol gwres y gad a’i swn,
Ein Duw a gofiwn ninnau.
8Ac felly hwy cwympasant oll,
A ninnau oll safasom.
9O Frenhin, gwrando ar ein cais,
A chlyw ein llais pan lefom.
Markert nå:
Lyfr y Psalmau 20: SC1850
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.