Mwa 4
4
Kaini na Aveli
1Atamu na mũka wake nĩmamanyanie kĩ-mwĩĩ. Nĩwasyaie kavĩsĩ na asya atĩĩ, “Kwa ũtethyo wa Mwĩai Ngai nĩnasyaa kavĩsĩ.” Kwoou nĩwaketie Kaini. 2Ĩtina Awa nĩwasyaie kavĩsĩ kangĩ na aketa Aveli. Yĩla Kaini na Aveli meanie, Aveli nĩwatw'ĩkie mũĩthi wa malondu nake Kaini atw'ĩka mũĩmi. 3Ĩtina wa ĩvinda ĩna Kaini nĩwaumĩisye Mwĩai Ngai nthembo ya ngetha kuma ũsyaonĩ wa mũũnda wake. 4#Aevl 11.4 Aveli nake nĩwaumisye tũtena twa mbee twa malondu kuma ndĩthyanĩ yake. Nĩwatũaie na athemba mathunya matw'o. Mwĩai Ngai nĩwendeeiw'e nĩ Aveli na nthembo yake, 5ĩndĩ ndaaendeew'a nĩ Kaini na nthembo yake. Kaini nĩwathatie mũno na aluta ũthyũ nĩ woo. 6Nĩvo ĩndĩ Mwĩai Ngai wamũkũlilye Kaini atĩĩ, “Ũthatĩtw'e ũu nĩ kyaũ, na ũlutĩte ũthyũ ũu nĩkĩ? 7Kethĩwa nĩwĩkĩte ũla waĩlu, no wĩtĩkĩlwe, ĩndĩ nũndũ wĩkĩte ũndũ mũthũku, naĩ ndĩ vaasa naku. Naĩ nĩkweteele ĩkũkwatye. Naĩ yĩenda ũkũsumbĩka, ĩndĩ naku no nginya ũmĩkĩlye vinya.”
8 #
Mat 23.35; Lk 11.51; 1Yoa 3.12 Kaini nĩweeie mwana-a-inyia Aveli atĩĩ, “Tũthi tũkatembee mĩũndanĩ.” Me kũu mĩũndanĩ Kaini nĩwamũkĩlĩle mwana-a-inyia na amũaa. 9Mwĩai Ngai nĩwamũkũlilye Kaini atĩĩ, “Aĩva mwana-a-inyia waku Aveli?”
Kaini amũsũngĩa, “Ndyĩsĩ nyie! Ninyie naĩlĩte kũsũvĩa mwana-a-ia?”
10 #
Aevl 12.24
Mwĩai Ngai amũkũlya atĩĩ, “Weeka ũndũ ũthũkĩte ũu nĩkĩ? Nthakame ya mwana-a-inyia waku nĩkũndĩĩa kuma nthĩ nĩmũĩvanĩsye. 11Yu nĩwakwata kĩumo kumana na nthĩ ĩla ĩnaathamisye kanyw'a wayo, na yanyw'a nthakame ya mwana-a-inyia waku kuma kw'okonĩ kwaku. 12O na wavanda kĩndũ nthĩ ĩsu, ndĩkakũetee ũsyao o na ũmwe. Ũkeethĩwa mũndũ ũte mũsyĩ, na ũkangangaa kĩla vandũ ĩũlũ wa nthĩ.”
13Kaini nĩwamwĩie Mwĩai Ngai atĩĩ, “Ũsilĩlo ũsu nĩ mũnene mũno o na nditonya kũwũmĩĩsya. 14Ũmũnthĩ nĩwandũngya kuma mũũndanĩ ũla nĩĩmaa na kuma vala ũĩ. Yu nĩtw'ĩka mũndũ ũte mũsyĩ na wangangaa kĩla vandũ ĩũlũ wa nthĩ, na mũndũ ũla wĩmbona akambũaa.” 15Ĩndĩ Mwĩai Ngai amwĩa atĩĩ, “Aiee. Ethĩwa mũndũ o na wĩva akakũaa, ngooaa andũ mũonza kuma kwake ta ũĩvanĩsyo.” Kwoou Mwĩai Ngai nĩweekĩie Kaini ũvano nĩ kana ũla wĩkomana nake ndakaamũae. 16Nĩvo ĩndĩ Kaini waumie vala ve Mwĩai Ngai na athi kũtũa nthĩ yĩtawa Noti ĩla ũalyũlo wayo nĩ, “Kwanganga.” Nthĩ ĩsu yĩ ngalĩko ya wumĩlonĩ wa syũa wa Eteni.
Nzyawa sya Kaini
17Kaini na mũka nĩmasyaie kavĩsĩ keetawa Enoko. Nĩvo Kaini waakie ndũa na amĩta ta kana kau. 18Enoko nĩwasyaie mwana weetawa Ĩlati, na Ĩlati asyaa Meũyaeli, na Meũyaeli asyaa Methũsaeli, nake Methũsaeli asyaa Lameki. 19Lameki nĩwatwaie iveti ilĩ; kĩmwe kyeetawa Ata na kĩla kĩngĩ kyeetawa Nzila. 20Ata nĩwasyaie Yavali. Yavali nĩwe ĩthe wa ala matũaa maeemanĩ na maĩthasya indo. 21Mwana-a-inyia wa Yavali eetawa Yuvali, ũla nĩwe ĩthe wa onthe ala makũnaa ngitaa na kũvuva mĩtũlilũ. 22Nzila nake nĩwasyaie Tuvali-kaini, ũla waseũvasya syĩndũ sya mĩthemba yonthe ya kyũma kĩtawa mbulonzi na ya kyũma. Mwĩĩtu-a-inyia wa Tuvali-kaini eetawa Naama.
23Lameki nĩweeie iveti syake atĩĩ,
“Ata na Nzila, mbĩthukĩĩsyei;
Inyw'ĩ iveti sya Lameki, ĩthukĩĩsyei ũndũ ngwasya:
Nĩnooaa mũndũ nũndũ nĩwanũmĩsya;
mwanake, nũndũ nĩwangũna.
24Ethĩwa andũ mũonza makooawa
maĩvanĩsye Kaini,
kwa w'o andũ mĩongo mũonza na mũonza,
makooawa maĩvanĩsye ethĩwa mũndũ o na wĩva akambũaa.”
Sethi na Enosi
25Atamu na mũka nĩmamanyanie kĩ-mwĩĩ, na mũka asyaa kavĩsĩ kangĩ. Awa nĩwaisye atĩĩ, “Ngai nĩwanenga mwana vandũ va Aveli ũla wooaiwe nĩ Kaini.” Nĩweetie kana kau Sethi. 26Sethi nĩwasyaie kavĩsĩ na aketa Enosi. Ĩvinda yĩu nĩyo andũ mambĩĩie kwĩkaĩla ĩsyĩtwa ya Mwĩai Ngai maithaitha.
Markert nå:
Mwa 4: KAMBA
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
BIBLE SOCIETY OF KENYA © 2011
