Génesis 2
2
1Tsaynömi Dios Yaya kamayta usharqan ciëluta, ciëluchö kaqkunata, kay patsata y kaychö llapan imaykakunatapis. 2Llapanta kamaskirmi qanchis kaq junaqchö Dios Yaya jamarqan.#Éxo. 20.11; Heb. 4.4, 10. 3Tsaynöpam Dios Yaya tsay junaqta bendisarqan sagrädu kananpaq.#Éxo. 20.11.
Edén huertachö Adánwan Eva täkuyanqan
4Kaychömi qellqashqa kaykan ciëlutawan patsata Dios Yaya kamanqan.
Ciëlutawan patsata kamaskir 5Dios Yaya manaraq tamyatsimuptinmi qewawan jachakunapis karqanraqtsu. Tsaynöllam chakrata arunanpaq runapis karqanraqtsu. 6Tsay witsay patsapita yaku pashtamurmi#2.6 O pukutay shärirmi. entëru patsata oqutsirqan.
7Tsaypitam allpapita runata Dios Yaya kamaskir kawananpaq senqanpa pükarqan. Tsaynöpam kawaq runa kananpaq kamarqan. 8Paytam Edénchö jatunkaray huertaman churarqan tsaychö täkunanpaq. Tsay huertatam kikin Dios Yaya rurarqan rupay yarqamunan kaqlächö. 9Tsaychömi Dios Yaya wiñätsirqan tukuyläya shumaq kuyakuypaq jachakunata. Tsay jachakunapa wayuyninmi imaypis mikukuy munay karqan. Huerta chawpinchömi juk jacha karqan wayuyninta mikuskir imayyaqpis runa kawananpaq.#Apoc. 2.7; 22.2, 14. Tsaynöllam juk jacha karqan wayuyninta mikur alli kaqta y mana alli kaqtapis musyananpaq.
10Patsan Edén huertapitam yaku pashtamurqan tsay huertata parqunanpaq. Huertapita yarqurmi tsay yaku chusku mayuman rakikarqan. 11Punta kaq mayupa shutinmi Pisón. Tsay mayum Havila partipa päsan. Tsay partichömi atska qori kan. 12Tsay qoriqa qori pürum. Tsaynöllam tsaychö kaykan alläpa mushkuq jachapa weqinwan kuyakuypaq ónice rumikunapis. 13Jukaq mayupa shutinnam Gihón. Tsay mayum tumamun Cus partipa. 14Jukaq mayupa shutinnam Tigris. Tsay mayuqa Asiriapita rupay yarqamunan kaq lädupam päsan. Jukaq mayupa shutinnam Éufrates.
15Kamanqan runatam Edén huertaman Dios Yaya churarqan tsaychö arur shumaq cuidananpaq. 16Tsaymi runata nirqan: <<Kay huertachö jachakunapa wayuyninqa llapanpis mikunaykipaqmi. 17Peru ama mikunkitsu allita y mana allita musyatsikuq jachapa wayuynintaqa. Tsayta mikurmi wañunki>>.#Rom. 6.23.
18Tsaypitam Dios Yaya nirqan: <<Japallan runa karqa llakipaypaqmi kaykan. Tsaymi yanapananpaq majan kamashaq>>.
19Tsaypitanam allpapita kamanqan tukuyläya wätakunatawan päriqkunata Adánman#2.19 Hebreo idiömachö Adán ninanqa runa ninanmi. Dios Yaya aparqan shutinkunata churananpaq. Adán churanqallanmi llapanpapis shutinkuna kaykan.
20Tsaynöpam shutinkuna Adán churarqan manshu kaq wätakunapata, chucaru kaq wätakunapata y päriqkunapatapis. Llapan casta tukuyläya wätakuna kaptinpis runapa majanpaqnöqa manam karqantsu. 21Tsaymi Dios Yaya wañuypa Adánta puñukaskatsir juk custillanta jipirqan. Jipiskirnam kanqantanölla kutikaskatsirqan. 22Tsay jipinqan custillapita warmita kamaskirmi runa kaqman pusharqan. 23Warmita rikaykurmi alläpa kushikur Adán nirqan: <<¡Kaymi sïqa tullüpita y aytsäpita rurashqa kar kikï rikuqlla! Ollqupita rurashqa karmi paypa shutin warmi>>.
24Tsaymi mamanpita y taytanpita ollqu yarqun warminwan mana rakikar täkunanpaq. Tsaynö täkurmi ishkanpis jukllayllanö kayanqa.#Mat. 19.5; Mar. 10.7-8; 1Cor. 6.16; Efe. 5.31. 25Warmi ollqupis qalapätulla kaykar manam mayqanpis penqakuyarqantsu.
Markert nå:
Génesis 2: qxn
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2011, Wycliffe Bible Translators, Inc. All rights reserved.
