MA-TAI 13
13
DSA̱̍NG DSÌP SĂM.
1Uàn di̍ Iei-su dso̍ ndăeo rà̱n wo̍k mă, ráng dso̍ iè̱n zâi.
2Li be laèo dù uèn rŭom dso̍ do̍ nâ di̍, Iei-su dsi zên ndăn rù ráng dso̍, kuo̍ng dù uèn sòng dso̍ săng iè̱n zâi.
3Iei-su iung bí vâng lăng sa̍o di̍ lăe kâng dâo nào, li bu dók uăn wo̍k băi dók uăn.
4Dsò̤ kò̤n uăn li uăn dók dso̍ ro̍ răn, dù ròk mă kên liao.
5Li uăn dók dso̍ sâng riè̱n, nám mbăng, vâ mbăeo zăn.
6Da̍ng uàn wo̍k mă niàt da̱̍k, ı̍n uĕi mì li rà̱k dsi rò váe liao.
7Li uăn dók dso̍ dsuom wăn, dsuom wăn mă săng dsŏ̤ mbăeo dso̍ liao.
8Li uăn dók dso̍ ndăeo nám ndĭ, bàn ndăn li ba̱̍k kùop, li rók dsìp kùop, li săm dsìp kùop.
9Váng laèo li vá̱k rè ro nyĭ, dsi mâe nyĭ.
10Tu dĭ mă dà̱ng za̍m Iei-su nào, lăng kuo̍ng dù uèn kâng dâo, uĕi̍ iàng mà nào bí vâng?
11Iei-su nào, ka̍i làk kuèh mbĕn, kák zâeo ka̍i̍ su̍ ro, mì zâeo sa̍o di̍ ro.
12Váng laèo li, dái lâi băn váng di̍, zâeo di̍ li íng, váng laèo mì li, rò̤ng ka̍i dı̍ li, iei lâi dsuòng ku̍a mă.
13Ku̍ lăng sa̍o di̍ kâng za̍o bí vâng, ı̍n uĕi sa̍o di̍ nguóng iei nguóng mì răn, nyĭ iei mì ndai nyĭ, iei mì ruóng.
14Náng dù uèn ni, dsĭn hó za̍o I-sai-ia dso̍ ko̍an nào, ka̍i su̍ lâi nyĭ ĭng, iei mì ruóng, lâi nguóng iei nguóng mì ra̍n.
15I̍n uĕi bia̍k si̍ng ni ndăn dsŏ̤ ba, ku̍om rè mì nyĭ, láp dă̱ mì nguóng, gíp ndai dsuóng dă̱ nguóng răn, vá̱k rè ndai nyĭ, ndăn dsŏ̤ ruóng dsi sŏng gêi liao, ku̍ dsîu yo̤ sa̍o di̍ ndĭ.
16Dsuóng dă ka̍i su̍ shĭ li fù, ı̍n uĕi nguóng răn liao, vá̱k rè ka̍i̍ su̍ shĭ li fù, ı̍n uĕi ndai nyĭ liao.
17Ku̍ lăng ka̍i̍ su̍ nào dsi̍ng, duán koán li be laèo bu ro ko̍an rò̤ng bu só ăo răn náng rĕ su̍ răn, iei mì ndai răn, ăo nyĭ náng rĕ su̍ nyĭ, iei mì ndai nyĭ.
18Uĕi mà bí vâng dók uan ka̍i su̍ mâe nyĭ.
19Vâng laèo nyĭ mâ̱n dâu kuèh mbĕn mì ruóng, bu ya̍k mă ăo uăn dók dso̍ ndăeo dsŏ̤ di̍ lát băi liao. Ka̍i ni shĭ uăn dók dso̍ ro̍ răn.
20Uăn dók dso̍ săng riè̱n, shĭ dù uèn nyĭ mâ̱n da̍u, dâng shi a̱̍ng riŭ sû.
21Dseh uĕi ndăeo dsŏ̤ mì li rák, hai shĭ mì nàn, dà̱ng ra̍ uĕi mâ̱n dâu sû năn dò̤k za̍i, dı̍ dsîu da̍ diák liao.
22Uăn dók dso̍ ndăeo dsuom wăn, shĭ dù uèn nyĭ mâ̱n dáu, dà̱ng lăng ka̍i roung dsíu ni, rò̤ng rĕ lo dsièn vák dsŏ̤ liao, mâ̱n da̍u mì ndai bàn ndăn.
23Uăn dók dso̍ ndăeo nám ndĭ shĭ dù uèn nyĭ mâ̱n da̍u iei ruóng liao, dà̱ng lăng bàn ndăn li ba̍k kuòp, li rók dsìp kuòp, li săm dsìp kuòp.
24Iei-su yu̍ lăng kuo̍ng dù uèn kâng bí vâng ndiăo nào, kuèh mbĕn lûm dù uèn dso̍ ndâeo nà dók uăn ndĭ.
25Dsò̤ dù uèn nìn láp, bu kâu kàu ndiăo mă, ăo văng sĕh kò̤n dso̍ ndăeo zau màk dsi băi liao.
26Dà̱ng ra̍ dâo mbăeo bàn rò̤ng văng sĕh iei mâ săng.
27Dù ua̍e sû rà̱n nào, sû a mèng mì shĭ dók uăn ndĭ dso̍ ndâeo nà má? Iàng yu̍ li văng sêh ni ní?
28Sû rà̱n nào, ka̍i ni shĭ kâu kàu kó, dù ua̍e nào, mèng ăo mì ăo ka̍i du̍ băi lók dô ni?
29Sû rà̱n nào, mì, gíp ndai lók văng sêh dô, iei lók zau màk dô.
30Dô suŏng iàng răn ndiăo mâ săng, dsâ dà̱ng ra̍ kuàn dà̱ng liao, ra̍ kuàn ku̍ lâi lăng bu kuàn nào, lók văng sêh dô ko̍an, kue̍n bàn kue̍n duát dso̍ vì, ăo zau màk sû dso̍ ndăeo yu.
31Yu̍ kâng bí văng lăng kuo̍ng dù uèn nào, kuèh mbĕn lûm nàt uăn bák iu dsuŏng uŭng ndiăo, li dù uèn diâm dso̍ ndăeo nà.
32Ka̍i ni shĭ uăn ba̱̍k iàng na̍i lăe liao sia̍o, mâ mă săng dák da̍ng iàng bák ndu̍m, bàn liao kà vae, ròk mbĭn mă yu̍ dso̍ săng nyi̍ kă̱ di̍.
33Yu̍ lăng sa̍o di̍ kâng bí vâng nào, kuèh mbĕn lûm niáo ndŏ dsa iá dò̤ mă, laéo dso̍ ndăeo săm dau mén, mén dsì du̍ng vâ liao.
34Ka̍i rĕ ni du̍ng shĭ Iei-su iung bí vâng lăng kuo̍ng dù uèn kâng, mì shĭ bí vâng mì lăng sa̍o dı̍ kâng iàng mà.
35Dsĭn hò za̍o bu ro ko̍an nào, bu lâi uăe ba̱̍k nào za̍o bí vâng, ăo rĕ sung ráu dsau mbĕn dsau ndăn yăm kô̤, du̍ng kâng wo̍k mă.
36Ra̍ di̍ Iei-su da̍ vâ kuo̍ng dù uèn sa̱̍n liao, dsít ndăeo ndăn ràn, tu dĭ mă dàng nào, si̍n ăo bí vâng văng sêh ndăeo nà kâng gêi zaêo ka̍i du̍ nyĭ.
37Iei-su lăng sa̍o dı̍ nào, bu dók uăn ndĭ, shĭ lèk dù uèn, ráe nà shĭ săng bò̤ng.
38Uăn ndĭ shĭ lèk kuèh mbĕn, văng sêh shĭ lèk bu ya̍k.
39Kâu kàu dók văng sêh shĭ bu ya̍k, ra̍ sû kuàn shĭ uàn liao săng bò̤ng, bu sû kuàn shĭ tie̱̍n sí̤.
40Aŏ văng sêh ruŏm dso̍ iung vì băo, uàn liao săng bò̤ng iei shĭ iàng ni.
41Lèk dù uèn lâi ya̍p bu tie̱̍n sí̤ dı̍, dso̍ ndâeo kuèh dí ăo ka̍i zâeo dù uèn văn suĕi, rò̤ng bu kó ya̍k, du̍ng gíp mă vì̱t báe ruók.
42Duát dso̍ ndăeo iau vì, dso̍ lia̍ng dı̍ lài li sét dâe rièk vàn.
43Ra̍ dı̍ bu só dso̍ ndăeo kuèh Bó dı̍ li iung hua, lûm da̍ng uàn iàug ndiăo. Váng li vá̱k rè dsi mâe nyĭ.
44Kuèh mbĕn yu̍ lûm ka̍i bâo kô̤ dso̍ ndâeo ráe nà, li dù uèn bùng răn dsi yăm mò̤n dso̍, à̱ng rĭu băi kăe náng iàng iàng dı̍ li dso̤ ráe nà dı̍.
45Kuèh mbĕn yù lûm bu kăe dso̤ ră dse̍n dsu̍ ndĭ.
46Bùng răn nàt dse̍n dsu̍ ndiăo ká kuĕi, dsi băi kăe náng iàng iàng di̍ li dso̤ nàt dse̍n dsu̍ di̍.
47Kuèh mbĕn yu̍ lûm mo̱ng kò̤n dso̍ ndâeo zâi, ruŏm da̍ng iàng dù dù ndăeo ram.
48Mo̱ng rìm liao dsi rák mă săng kuo̍ng, ráng mă lâ, liéh dù ndĭ sû dso̍ ndăeo ku̍ liéng, dù mì ndĭ dsi vì̱t dô liao.
49Uàn liao săng bò̤ng iei shĭ iàng ni, tié̱n si̤ wo̍k mă ăo bu ya̍k dso̍ dsing kăng bu só du̍ng wo̍k ruók.
50Duát dso̍ ndăeo iau vì, dso̍ lia̍ng dı̍ lâi li sét dâe rièk vàn.
51Iei-su za̍m sa̍o di̍ nào, ka̍i za̍o ni ka̍i su̍ dûng ruóng má? sa̍o dı̍ nào, sû a ka̍i du̍ ruóng liao.
52Iei-su nào, váng kó sĕ ndiăo iô liao rĕ kuèh mbĕn, shĭ lûm váng sû rà̱n ndiăo, dso̍ ndăeo yu dı̍ ăo ka̍i mo̍ ka̍i ka̍o dò̤ wo̍k mă ruók.
53Iei-su kâng dó liao náng bí vâng ni, dsi bo̤̍k liao lia̍ng dı̍,
54Dau̍ dà̱ng bò̤ng rà̱n dı̍, dso̍ ndăeo dàm vĭ suăn dù uèn lia̍ng zân, sa̍o dı̍ du̍ng dàn nào, váng dù uèn ni dsûong yu̍ li dsín ko̤ng iàng ni, rò̤ng riàng sák kák ni?
55Dı̍ mì shĭ lèk dsá̱ng vae má? dsa ia̍i dı̍ mì shĭ Ma-li-ia má? bi nuong dı̍ mì shĭ Ia-ko Io-shi Shi-men Iu-da má?
56Bâ na di̍ du̍ng mì shĭ yu̍ dso̍ lia̍ng rào ni má? váng dù uèn ni dsûong yu̍ ndai rĕ iàng ni ní?
57Sa̍o dı̍ dsi dă ndĭng dı̍, Iei-su lăng sa̍o dı̍ nào, liao sa̍o bu ro ko̍an, dsu liao bén bò̤ng bén rà̱n dso̍ ruók, mì li mì ndai dù uèn gĭn.
58Iei-su ı̍n uĕi sa̍o dı̍ mì sĭn dsàn, dsi dso̍ lia̍ng zân mì lăe kó rĕ sák kák.
Markert nå:
MA-TAI 13: BY1904
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
maintained by the British and Foreign Bible Society
