OHÚTU 1
1
Ɛ́gɛ́nɛ̄ Ɔwɔicō yá ɛcɛ mɛ́mla ɔkpáncō lɛ ā ā
1Ohūtū ā, Ɔwɔicō le ɔkpáncō mɛ́mla ɛcɛ yá. 2Ɛcɛ le kpɔ́kpɔ́lɔ́kpɔ́ ā. Ó klla táncā. Éŋkpɔ̄ nɛ̄hi bɛ̄ɛka itekwú ā mīyɛ ɛjɛ̄ɛ̄jī ɛcɛ tābɔ̄. Ɛbɛɛbɛ le dobū kpímm. Cɛ́ɛ́ alelékwū kú Ɔwɔicō yɔ̄ ī yɛ gla eyī kú éŋkpɔ̄ ā.
3 #
2 Ukɔ́r 4.6
Anɔ́ɔ Ɔwɔicō kahíníī, “Ofíyajɛ kú ɔlá kóō le yɔ̄.” Ofíyajɛ kú ɔlá ā kē má yɔ̄. 4Abɔ̄ Ɔwɔicō má ka, ofíyajɛ ā ɔ́ɔ lɔhi ā, anɔ́ɔ ó lɛ ofíyajɛ mɛ́mla obū kɔ̄ hī uwā tá á. 5Ɔwɔicō hī ofíyajɛ kú ɔlā ā kahíníī, “Ɔlɛ́ɛnɔ,” anɔ́ɔ ó kē hī obū ā kahíníī, “Otú.” Anɔ́ɔ otú le bī, nɛ̄ eyī le nyā ā, anɔ́ɔ ó kwú pīya ɛ̄cī aflɛ́yí á.
6 #
2 Upít 3.5
Ɔwɔicō ka ojuja kóō yɔ̄ ɔtāhɛ̄ kú éŋkpɔ̄ kú ɛháajɛ ā mɛ́mla éŋkpɔ̄ kú ɛhíicō ā, cɛ́ɛ́ kóō lɛ éŋkpɔ̄ ā kɔ̄ hīyī uwā tá. 7Anɔ́ɔ Ɔwɔicō le ojuja yá kóō yɔ̄ ɔtāhɛ̄ kú éŋkpɔ̄ kú ɛháajɛ ā mɛ́mla éŋkpɔ̄ kú ɛhícō, cɛ́ɛ́ kóō lɛ éŋkpɔ̄ ā kɔ̄ hīyī ūwā tá á. 8Anɔ́ɔ Ɔwɔicō kwú ɛhícō ā ú hī Ɔkpāncō á. Anɔ́ɔ otú le bī, nɛ̄ eyī le nyā ā, anɔ́ɔ ó kwú pīya ɛ̄cī ɔ́mpa á.
9Anɔ́ɔ Ɔwɔicō kahíníī, “Éŋkpɔ̄ nōo yɔ̄ ɛháajɛ kú ɔkpāncō ā, kóō lɛ pɛ́ tū ɛga ékpónú, cɛ́ɛ́ kú ɛga ohile ā kóo le ŋmó.” Ó kē le yá lɛ āa. 10Ɔwɔicō hī ɛga nōo ŋmó ā ka ajɛ áncā. Ó kē hī ɛga nɛ̄ éŋkpɔ̄ pɛ́ tū ā ka ísu. Ɔwɔicō le má ka ɔ́ɔ lɔhi lɛ ā. 11Anɔ́ɔ Ɔwɔicō kahíníī, “Ɔcí, ácí mɛ́mla ēpū mɛ́mla ɔcí nōo gē gwā īkpō ā, kéē le bū ŋmá ajɛ, kéē gwá īkpō kú uwā ɛ́gɛ́nɛ̄ ɛdɔ kú ɔnyɔɔnyɛ kú uwa lɛ ā.” Ó kē le yá lɛ āa. 12Anɔ́ɔ aɔ́cí mɛ́mla ácí mɛ́mla aɔ́dɛ̄hɔ̄ ɛyɛ́ɛyɛ́yí gbɔɔ́ ō bū ŋmá ajɛ á. Anɔ́ɔ Ɔwɔicō le má ka ɔ́ɔ lɔhi lɛ āa. 13Anɔ́ɔ otú le bī nɛ̄ eyī le nyā, anɔ́ɔ ó kwú pīya ɛ̄cī ɔmɛɛtá á.
14Anɔ́ɔ Ɔwɔicō kahíníī, “Aɔ́lá o fíyajɛ kéē má kwu ɔkpáncō, cɛ́ɛ́ kéē lɛ ɛ̄cī mɛ́mla otú kɔ̄, ka uwā kéē wɛ ɔdā ō mafú kú ɛyɛ́ɛyɛyí kú ɔlɛ́ɛnɔ mɛ́mla otú. É klla í cābɔ̄ kú eko kú iháyí.” 15Ɔwɔicō ka ká aɔ́lá nēe bá ā kéē fíyajɛ ŋmá ɔkpáncō wā ipú ɛcɛ. Anɔ́ɔ ó kē le yá lɛ ā á. 16Anɔ́ɔ Ɔwɔicō le aɔ́lá ofíyajɛ nɛ̄hi ɛpa yá á. Ó le ɛnɔ nōo wɛ ɛnɛ̄hi fíyɛ́ dúú ā yá kóō fíyajɛ ɔlɛ́ɛnɔ, cɛ́ɛ́ kú ɔyā nōo wɛ ɛnɛ̄ŋcɛ́ ā kóō fíyajɛ otú. Ó kē le aínyílɔ́wɔ yá dúú. 17Anɔ́ɔ Ɔwɔicō kwú uwā ú kpó kwu ɔkpāncō kéē fíyajɛ wā ipú ɛcɛ ā, 18kéē gbō eko kú ɔlɛ́ɛnɔ mɛ́mla otú ipú ɛcɛ ā. Cɛ́ɛ́ kéē bá ī mafú ɛyɛ́ɛyɛ́yí kú ɔlá ofíyajɛ mɛ́mla ajodobū. Ɔwɔicō kē le má ka ɔ́ɔ lɔhi lɛ āa. 19Anɔ́ɔ otú le bī nɛ̄ eyī le nyā, anɔ́ɔ ó kwú pīya ɛcɛ ɔ́mɛnɛ á.
20Anɔ́ɔ Ɔwɔicō kahíníī, “Aɛ́bɛ́ oyēeyī ɛyɛ́ɛyɛ́yí ɛ́gɛ́nɛ̄ ɛdɔ kú uwā lɛ ā kéē wā í bá ipú éŋkpɔ̄. Ká aígbáanɔ kéē kē wu icō.” 21Anɔ́ɔ Ɔwɔicō lɛ aɛ́bɛ́ nɛ̄hi kú ipú ísu ā mɛ́mla aɛ́béenyi oyēeyī ɛdɔ ɛyɛ́ɛyɛ́yí mɛ́mla aígbáanɔ ɛdɔ ɛyɛ́ɛyɛ́yí ā yá. Anɔ́ɔ Ɔwɔicō le má ka ɔ́ɔ lɔhi lɛ āa. 22Anɔ́ɔ Ɔwɔicō lɛ ɔhā hɛ́ ce uwā kéē ma nyīla, kú aɛ́béenyi kéē lɛ mu ísu, kú aígbáanɔ kéē kē lɛ lɛwa ipú ɛcɛ á. 23Anɔ́ɔ otú le bī nɛ̄ eyī le nyā, anɔ́ɔ ó kwú pīya ɛ̄cī ɔ́mɛ̄hɔ̄ á.
24Ɔwɔicō ka ka ɛdɔ aɛ́bɛ́ ɛyɛ́ɛyɛ́yí mɛ́mla aɛ́bɔ́lɛ́ mɛ́mla aɛ́bɛ́ kú ipácí, ɛnɛ̄hi mɛ́mla ɛnɛ̄ŋcɛ́, kéē wā í bá ipú ɛcɛ. Anɔ́ɔ ó kē le yá lɛ ā á. 25Anɔ́ɔ Ɔwɔicō lɛ aɛ́bɛ́ kú ipú ɛcɛ ā yā ɛ́gɛ́nɛ̄ ɛdɔ kú uwā lɛ ā. Ó lɛ ɛna yá ɛ́gɛ́nɛ̄ ɛdɔ kú nū lɛ ā. Ó kē le ɔdā dóódu nōo ī pi yɛ ajɛ ā yá ɛ́gɛ́nɛ̄ ɛdɔ kú nú lɛ ā. Ɔwɔicō le má ka ɔ́ɔ lɔhi lɛ āa.
26 #
1 Ukɔ́r 11.7
Anɔ́ɔ Ɔwɔicō kahíníī, “Ālɔ̄ lɛ ɔ̄cɛ yá kóō gbla alɔ, kóō leyīkwu ɔdā nēe bá ā. Kóō klla lɛ íkwu īkpɛ̄yí kú aɛ́béenyi kú ísu mɛ́mla aígbáanɔ nōo ī wu icō ā mɛ́mla aɛ́bɛ́ ɔlɛ́ mɛ́mla aɛ́bɛ́ ipácí, Ɔkpá ō pīyabɔ nɛ̄ncɛ̄ éyi aɛ́bɛ́, ákú ɔlɛ́ mla ákú ácí, ɛbɛ́ ɔlɛ́ mɛ́mla odúúdú ɛcɛ. 27#Ohút 5.1,2#Umát 19.4; Umák 10.6Ɔwɔicō le ɔ̄cɛ yā gbla īyī nū. Ɛ́gɛ́nɛ̄ anú abɔ̄yī nū lɛ ā nōó yá ɔ̄cɛnyīlɔ mɛ́mla ɔ̄cɛnyā ā gbla á. 28Ɔwɔicō lɛ ɔhā hɛ́ ce uwā, anɔ́ɔ ó da uwā kahíníī, “Aá ma ayí alɛwa kú aá nyīla tū ipú ɛcɛ. Cɛ́ɛ́ kú aá mīyɛ ɛcɛ tābɔ̄. Aá kóō lɛ íkwu īkpɛ̄yí kú aɛ́béenyi, aígbáanɔ mɛ́mla ɛjɛ̄ɛ̄jī aɛ́bɛ́ kú ipú ɛcɛ ā. 29N klla kwú aíkpɔ̄dɛ̄hɔ̄ mɛ́mla aíkpɔ̄cí ɛdɔ ɛyɛ́ɛyɛ́yí kú ipú ɛcɛ ā ú kpó lɛ aá kú aá lé. 30N klla kwú ácí mɛ́mla ēpū ɛyɛ́ɛyɛ́yí ú kpó lɛ aɛ́bɛ́ nēe ī yɛ ajɛ ā, mɛ́mla aígbáanɔ nēe ī wu icō ā. Anɔ́ɔ ó le yá lɛ ā á. 31Anɔ́ɔ Ɔwɔicō le ɔdā dóódu nōó yá ā má, ó kē le má ka ɔ́ɔ lɔhi nɛ̄hi. Anɔ́ɔ otú le bī, nɛ̄ eyī le nyā ā, anɔ́ɔ ó kwú pīya ɛ̄cī ɔ́mɛɛhīlī á.
Markert nå:
OHÚTU 1: IFBCL
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
