GÉNESIS 10
10
Noepa churinkunaq miraynin
1Kaykunan Noepa churinkunaq mirayninkuna: Sem, Kam, Jafet ima, paykunapaqmi wawakuna nacerqan millp'uq unu qhepata.
2Jafetpa churinkunan: Gomer, Magog, Madai, Javán, Tubal, Mesek, Tiraspiwan. 3Gomerpa churinkunataq Askenaz, Rifat, Togarmapiwan. 4Javanpa churinkunataq: Elisa, Tarsis, Kitim runakuna, Rodas runakunapiwan. 5Paykunamantan paqarirqan mama qocha patapi tiyaq runakuna, sapankanku rimayninkuman hina, hatun suyukunapi ayllunkuman hina.
6Kampa churinkunan: Kus, Mizraim, Fut, Canaanpiwan. 7Kuspa churinkunataq: Seba, Havila, Sabta, Raama, Sabtekapiwan. Raamaq churinkunataq: Seba Dedanpiwan. 8Kustaq Nimrodta churiyarqan, Nimrodmi kay pachapi ñawpaqkaq atiyniyoq karqan. 9Paytaq Señor Diospa yanapayninwan karqan kallpasapa chakuq, chaymi rimay kaq: Señorpa yanapayninwan Nimrod hina kallpasapa chakuq, nisqa. 10Kamachikusqan qallariypitaq Sinar hallp'api Babel, Erek, Akad, Kalni llaqtakunakama kamachikurqan. 11Chayneqmantan Asiriaman lloqsimurqan, hinaspan hatarichirqan Niniveta, Rehobot-ta, Kalata, 12Ninivewan Kalawan tupaypi hatun llaqta Resentawan.
13Mizraimtaq churiyarqan Lud runakunata, Anam runakunata, Lehab runakunata, Naftuk runakunata, 14Patrus runakunata, Kasluk runakunata, Kaftor runakunatawan, Kaftormantan mirarqan Filistea runakuna.
15Canaantaq churiyarqan phiwi churin Sidonta, Het-tawan, 16hinallataq Jebus runakunata, Amor runakunata, Girgas runakunata, 17Hiv runakunata, Ark runakunata, Sin runakunata. 18Arvad runakunata, Zimar runakunata, Hamat runakunatawan. Qhepatataq Canaán ayllukunaqa ch'eqepurqanku, 19hallp'ankutaq karqan Sidonmanta Gaza qaylla Gerarkama, inti lloqsimuy kinraymantaq karqan Lasa qaylla Sodoma, Gomorra, Adma, Zeboimkama. 20Paykunan karqan Kampa churinkuna, ayllunkuman hina, sapankanku rimayninkuman hina, tiyananku hatun suyunkuman hina.
21Sempaqpas wawakuna nacellarqantaq, paymi Jafetpa kurakkaq wawqen, hinallataq Heberpa lliw wawankunaq taytan. 22Sempa churinkunataq: Elam, Asur, Arfaxad, Lud, Arampiwan. 23Arampa churinkunataq: Uz, Hul, Geter, Maspiwan. 24Arfaxadtaq churiyarqan Salata, Salataq churiyarqan Heberta. 25Hebertaq iskay qhari wawata churiyarqan: hukninpa sutintaq karqan Peleg #“Peleg” sutin hebreo “rakiy” simiman rikch'akun., p'unchayninkunapi kay pacha runa rakirqarisqa kasqanrayku. Wawqenpa sutintaq Joktan. 26Joktantaq churiyarqan Almodata, Selefta, Hazarmavet-ta, Jerata, 27Adoramta, Uzalta, Diklata, 28Obalta, Abimaelta, Sebata, 29Ofirta, Havilata, Jodabtawan. Llapan chaykunan Joktanpa churinkuna karqan. 30Tiyanankutaq karqan inti lloqsimuy kinray orqo-orqopi Mesamantapacha Sefarkama. 31Paykunan karqan Sempa churinkuna ayllunkuman hina, sapankanku rimayninkuman hina, tiyananku hatun suyunkuman hina.
32Paykunan karqan Noepa ayllunkuna mirayninkuman hina, hatun suyunkupi. Paykunamantan millp'uq unu qhepata runakunaqa kay pachaman ch'eqeykurqanku.
Markert nå:
GÉNESIS 10: QC88
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Biblia en Quechua de Cuzco © Sociedades Bíblicas Unidas, 1988.
