Genèse 5
5
Adam naantiibi bɔti
1Adam maaliŋu bɔti sɔ̀.
Ŋwiin ŋun Unimbɔti náań unilee, u nìn náań-u ki nántiǹ úǹ u-ba ní. 2Uninja nì unimpu ní u nìn náań. U nìn bīiǹ bi-boon ní ki pú-bi diyindi yii unil#5.2 Dūú ŋmàntī nì 1.27-28, Maat 19.4, Maar 10.6..
3Adam bàn̄ abin dilaataal nì mmuŋku nì saalaa ní ki màl̄ kibininjabiki ki nántiǹ úǹ u-ba naŋku, ní ki pú-kì diyindi yii Seeti. 4Adam nín màl̄ Seeti boonee, u gíti ŋá abin alaataa anii ní. U nìn gíti màl̄ mbininjabiyaamu nì nnimpubiyaamu ki kútì. 5Abin ŋin kɔkɔ Adam ŋá ní ki nín kpíìyee kpáfì abin alaataa awa nì abin mmuŋku nì saalaa ní.
6Seeti ŋá abin dilaataal nì abin aŋmoo ní ki màl̄ Eenɔsi. 7Seeti nín màl̄ Eenɔsi boonee, u gíti ŋá abin alaataa anii nì abin aluli ní. U nìn gíti màl̄ mbininjabiyaamu nì nnimpubiyaamu ki kútì. 8Abin ŋin kɔkɔ Seeti ŋá ní ki nín kpíìyee kpáfì abin alaataa awa nì abin saalaa nì ali ní.
9Eenɔsi ŋá abin imuŋku inaa nì saalaa ní ki màl̄ Keenan. 10Eenɔsi nín màl̄ Keenan boonee, u gíti ŋá abin alaataa anii nì abin saalku ní. U nìn gíti màl̄ mbininjabiyaamu nì nnimpubiyaamu kí kútì. 11Abin ŋin kɔkɔ Eenɔsi ŋá ní ki nín kpíìyee kpáfì abin alaataa awa nì abin aŋmoo ní.
12Keenan ŋá abin imuŋku ita nì abin saalaa ní ki màl̄ Maalaleeyeel. 13Keenan nín màl̄ Maalaleeyeel boonee, u gíti ŋá abin alaataa anii nì abin imuŋku ili ní. U nìn gíti màl̄ mbininjabiyaamu nì nnimpubiyaamu ki kútì. 14Abin ŋin kɔkɔ Keenan ŋá ki nín kpíìyee kpáfì abin alaataa awa nì abin saalaa ní.
15Maalaleeyeel ŋá abin imuŋku ita nì abin aŋmoo ní ki màl̄ Jeereedi. 16Maalaleeyeel nín màl̄ Jeereedi boonee, u gíti ŋá abin alaataa anii nì abin mmuŋku nì saalaa ní. U nìn gíti màl̄ mbininjabiyaamu nì nnimpubiyaamu ki kútì. 17Abin ŋin kɔkɔ Maalaleeyeel ŋá ki nín kpíìyee kpáfì abin aŋmoo kpá alaataa awa ní.
18Jeereedi ŋá abin dilaataal nì imuŋku ita nì abin ali ní ki màl̄ Eenɔki. 19Jeereedi nín màl̄ Eenɔki boonee, u gíti ŋá abin alaataa anii ní. U nìn gíti màl̄ mbininjabiyaamu nì nnimpubiyaamu ki kútì. 20Abin ŋin kɔkɔ Jeereedi ŋá ki nín kpíìyee kpáfì abin alaataa awa nì imuŋku ita nì abin ali ní.
21Eenɔki ŋá abin imuŋku ita nì abin aŋmoo ní ki màl̄ Matusaleem. 22Eenɔki nín màl̄ Matusaleemee, u nóó Unimbɔti deedee áli abin alaataa ata. U nìn gíti màl̄ mbininjabiyaamu nì nnimpubiyaamu ki kútì. 23Abin ŋin kɔkɔ Eenɔki kāl̀ kitiŋ puee kpáfì abin alaataa ata nì imuŋku ita nì abin aŋmoo ní. 24Eenɔki nìn nóó Unimbɔti deedee, an puee Unimbɔti yōoǹ-u baa ti ká-u#5.24 Kpèè Eebru 11.5, Juudi 14..
25Matusaleem ŋá abin dilaataal nì imuŋku inaa nì abin aluli ní ki màl̄ Leemeeki. 26Matusaleem nín màl̄ Leemeeki boonee, u gíti ŋá abin alaataa aluli nì imuŋku inaa nì abin ali ní. U nìn gíti màl̄ mbininjabiyaamu nì nnimpubiyaamu ki kútì. 27Abin ŋin kɔkɔ Matusaleem ŋá ki nín kpíìyee kpáfì abin alaataa awa nì imuŋku ita nì abin awa.
28Leemeeki ŋá abin dilaataal nì imuŋku inaa nì abin ali ní ki màl̄ kibininjabiki. 29U nìn pú-kì diyindi yii Noowa#5.29 Noowa yindi taapu di sá yii dipɔɔsɔŋkil àá diŋmeendi. ní ki bí yii: «Un bí nee di làá cáań-ti dipɔɔsɔŋkil ti-Dindaan nín tɔ́ kitiŋ mbusu ti kɔ́ agìŋ́kpaan ŋin poonee.» 30Leemeeki nín màl̄ Noowa boonee, u ŋá abin aŋmoo kpá alaataa aluu. U nìn gíti màl̄ mbininjabiyaamu nì nnimpubiyaamu ki kútì. 31Abin ŋin kɔkɔ Leemeeki ŋá ki nín kpíìyee kpáfì abin alaataa aluli nì abin ata kpá imuŋku inaa ní.
32Noowa nìn cáá abin alaataa aŋmoo ní ki màl̄ Seem nì Kaam nì Jaafeeti.
Markert nå:
Genèse 5: BASSARDC
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
BIBLE EN N'TCHAM (Bassar) © Alliance Biblique du Togo, 2013.
