GENESIS 4
4
Da Cain ken Abel. Ti Pannacapapatay ni Abel. Ti Pannacadusa ni Cain. Putputot ni Cain. Ti pannacayanac ni Set.
1Ket ti lalaki dinennaanna ni asawana nga Eva; ket nagsicug, ket inyanacna ni Cain, ket kinunana, Nagun-odco ti maysa a lalaki gapu ken Jehova.
2Ket inyanacna manen ni cabsatna nga Abel. Ket nagaywan ni Abel cadagiti carcarnero, ngem ni Cain nagtaltalon.
3Ket naaramid iti panaglasat dagiti pannawen a ni Cain nangala iti #Num. 18:12.bunga ti daga nga indatonna ken Jehova.
4Ket ni Abel, nangala met cadagiti #Num. 18:17. Prov. 3:9.inauna nga anac cadagiti pangenna ken dagiti nalucmeg. Ket ni Jehova #Heb. 11:4.pinatpategna ni Abel ken ti datonna.
5Ngem ni Cain ken ti datonna dina incancano. Ket nagpungtot unay ni Cain, ket nagliday ti rupana.
6Ket ni Jehova kinunana ken Cain, Apayapay nga agpungpungtotca? ket apayapay narupanget ta rupam?
7No naimbag ti aramidem apay a dinto macaparagsac? ket no dica agaramid iti naimbag, ti basol cumleb iti ruangan; ket ti calicagumanna #Gen. 3:16.sica; ngem sica gundawayam coma.
8Ket kinasao ni Cain ni cabsatna nga Abel. Ket naaramid nga, idi addada iti away, ni Cain dinuclusna ni Abel a cabsatna, #Mat. 23:3, 35. 1 Juan 3:12. Jud. 11.ket pinatayna.
9Ket ni Jehova kinunana ken Cain, Sadino ti yan ni Abel, daytay cabsatmo? Ket kinunana, #Juan 8:44.Diac ammo: siac aya ti agaywan ken cabsatco?
10Ket kinunana, Ania ti inaramidmo? Ti timec ti dara ni cabsatmo #Heb. 12:24. Apoc. 6:10.awagannac manipud iti daga.
11Ita ngarud, nailunodca iti daga, a nanglucat iti ngiwatna tapno awatenna ti dara ni cabsatmo ita imam;
12Intono talonem ti daga, dinanto sublien nga itden kenca ti bilegna; walang-walangcanto ken agpagpagnacanto iti daga.
13Ket kinuna ni Cain ken Jehova, Dacdackel ti dusac ngem ti mabalinco nga awiten.
14 #
Job 15:20-24. Adtoy, pinagtalawnac ita nga aldaw iti rabaw ti daga; #2 Ar. 24:20. Sal. 51:11; 143:7.ket iti sangoanam aglemmengacto; agwalangwalangacto ken agpagnaacto iti daga; ket maaramidto nga #Gen. 9:6. Num. 35:19, 21, 27.uray siasino a macasarac caniac, patayennacto.
15Ket kinuna ni Jehova kencuana, Gapu ta casta siasinoman a mamapatay ken Cain, #Sal. 79:12.maminpitonto a maibales kencuana. Ket ni Jehova incabilna ti maysa a #Eze. 9:4, 6.pagilasinan ken Cain, di la ket ta patayen ti uray siasino a macasarac kencuana.
16Ket nagpanaw ni Cain iti sango ni Jehova, ket nagnaed iti daga a Nod, iti daya ti Eden.
17Ket ni Cain dinennaanna ni asawana; ket nagsicug ket inyanacna ni Henoc: ket namangon iti maysa a ili, ket impanaganna iti ili ti nagan ti anacna a Henoc.
18Ket naputot ken Henoc ni Irad: ket ni Irad pinutotna ni Maviael; ket ni Maviael pinutotna ni Matusael; ket ni Matusael pinutotna ni Lamec.
19Ket ni Lamec nangala ti dua nga asawana: ti nagan ti maysa Ada, ket ti nagan ti sabali Sella.
20Ket inyanac ni Ada ni Jabel, isu nga ama idi dagiti agtaeng iti sapsapaw, ken dagiti adda an-animalda.
21Ket ti nagan daydi cabsatna a lalaki Jubal, isu nga agtoctocar iti harpa ken iti flauta.
22Ket ni Sella inyanacna met ni Tubal-cain nga agpanpanday iti amin a natadem a suer ken landoc: ket ti babai a cabsat ni Tubal-cain ni Naama.
23Ket kinuna ni Lamec cadagiti asawana:
Ada ken Sella, denggenyo ti timecco;
Dacayo nga assawa ni Lamec, timudenyo ti saoc:
Ta pinatayco ti maysa a tao gaput ta sinugatnac,
Ken ti maysa a baro ta minalonac:
24No #bil. 15.maminpitonto a mabales ni Cain,
Pudno a ni Lamec maminpitopulo a pito.
25Ket dinennaan manen ni Adan ni asawana; ket inyanacna ti maysa a lalaki, ket #Gen. 5:3.pinanagananna iti Set: Ta, kinunana, ti Dios iniccannac iti sabali a putot a sucat ni Abel; ta daytoy pinatay ni Cain.
26Ket ni Set, casta met a #Gen. 5:6.naputot kencuana ti maysa a lalaki ket pinanagananna ti Enos. #Isa. 43:6, 7; 44:5.Daytoy ti nangrugian dagiti tattao iti panangawawagda ti nagan ni Jehova.
Markert nå:
GENESIS 4: TB1973
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Ti Biblia © 1973 Philippine Bible Society
