Bl 8
8
Đak lip hrơ̆
1Kră Yang 'Bok Kei-Dei 'blŏk kơ Nôê păng dôm lu sem brem mă mơ̆t hơdai sư lăm duk, na Kră Yang 'Bok Kei-Dei ăn kial tih tơthu bah tơ kơpal teh, na đak sư dơ̆ng. 2Lu tu đak jrŭ păng lu bơnơ̆ tơ plĕnh tơlir dơ̆ng; 'mi đơ̆ng plĕnh ưh kơ jur tơ teh boih. 3Đak hrŏ tơ kơpal teh sư hrơ̆ 'net 'net. Đơ̆ng rŏng minh-hrĕng pơđăm-jĭt năr 'noh đak hrơ̆. 4Truh tơ khei tơpơh năr mơjĭt-tơpơh, duk dơ̆ng tơ kơpal kông Ararat.a 5Đak hrơ̆b noh 'net truh tơ khei mơjĭt; năr mă mônh lăm khei noh; dôm lu kơ̆l kông gơh 'bôh bang.
6Đơ̆ng rŏng kơ noh đei puăn-jĭt năr, Nôê pơih 'măng-'mŏk duk mă sư đei pơm. 7Sư achăng minh pôm ak, ak păr gơling jur tŏk dĭng truh tơ đak hrơ̆ đĭ kơpal teh. 8Sư kư̆m achăng minh pôm sem kơtơp dơ̆ng, wă kơ băt đak tam hrơ̆ tơ teh. 9Mă-lei sem kơtơp păr chă lăng ưh tam đei teh hrĕng wă jruh, na sư păr brŏk tơ duk dơ̆ng, yua kơ đak oei jơ̆p-jang kơ teh. Nôê jrơng ti sư sơng iŏk sem kơtơp rôp tơmơ̆t lăm duk hơdai hăm sư. 10Đơ̆ng noh sư gô tơpơh năr dơ̆ng, sư achăng sem kơtơp lĕch đơ̆ng duk. 11Truh kơsơ̆ sem kơtơp păr brŏk tơ sư dơ̆ng păng âu tơ'bong sư jơngong ba hla 'long ôliwơ adrih; Nôê băt hloi đak hrơ̆ boih kơpal teh. 12Sư gô tơpơh năr đơ̆ng rŏng dơ̆ng achăng dơ̆ng sem kơtơp lĕch, mă-lei sem kơtơp ưh pă brŏk tơ sư dơ̆ng.
13Trŏ sơnăm Nôê tơdrâu-hrĕng minh, năr mă mônh khei mônh, Nôê pơih bơbŭng duk lăng 'bôh teh hrĕng kro boih. 14Truh khei 'bar, năr 'bar-jĭt tơpơh, teh hrĕng boih.
Nôê lĕch đơ̆ng duk
15Kră Yang 'Bok Kei-Dei khan kơ Nôê thoi âu: 16“Lĕch bĕ iĕm đơ̆ng duk, akăn ih, kon ih hăm lu mŏ mai ih. 17Athei pơih đĭ lu kon sem arih gah sĕch akar mă oei hơdai ih, lu sem păr, lu sem dơrong, sem brem, lu hơdrông kơep lep-ler mơmŏ kơpal teh, wă kơ lu sư chek lar char kon 'bĕnh kơ teh.” 18Thoi noh Nôê hăm akăn sư, lu kon sư, lu mŏ mai sư lĕch đơ̆ng duk. 19Lu sem brem, lu sem păr păng đĭ-đăng lu sem brem arih kơpal teh kiơ̆ kơ adrĕch lĕch đĭ-đăng đơ̆ng duk.
Nôê pơyơ̆r tơmam soi
20Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi. 21Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.
22Kơplah teh oei đei,
na bơyan rei jơmŭl păng bơyan kĕch,
tơngiĕt păng tŏ,
bơyan hngach păng bơyan phang,
'năr păng kơmăng
ưh kơ đei layơ hiong đĭ.”
Markert nå:
Bl 8: bdq
Marker
Del
Kopier
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fno.png&w=128&q=75)
Vil du ha høydepunktene lagret på alle enhetene dine? Registrer deg eller logg på
©Bahnar Bible Association. All rights reserved.