1. Mosebok 13
13
Abram og Lot kjem attende til Betel, 1-4. Det vert ei trette millom hyrdingane deira, dei skilst, og Lot fer til Sodoma, 5-13. Gud stadfestar lovnadene sine til Abram, som fer til Hebron, 14-18.
1So for Abram frå Egyptarland upp til sudlandet med kona si og alt det han åtte. Og Lot var med han.#1 Mos 12,9 2Og Abram var ovleg rik, både på bufe og på sylv og gull.#1 Mos 24,35 3Sidan for han frå sudlandet, dagslei etter dagslei, til dess han kom til Betel, til den staden som han fyrr hadde havt tjeldbui si, millom Betel og Ai, 4der det altaret stod som han hadde bygt fyrste gongen han var der. Og der kalla Abram på Herren.#1 Mos 12,7-8 5Men Lot, som fylgdest med Abram, hadde og sauer og naut og tjeldbuer. 6Og landet kunde ikkje føda dei når dei budde i hop; dei hadde so mykje fe at dei kunde ikkje bu saman. 7So vart det trette millom dei som gjætte for Abram, og dei som gjætte for Lot. Og kana'anitane og ferisitane budde då der i landet. 8Då sa Abram til Lot: Kjære deg, lat det ikkje vera tretta millom meg og deg og millom mine hyrdingar og dine. Me er då brør! 9Hev du ikkje heile landet fyre deg? Skil då heller lag med meg! Tek du til vinstre, so skal eg taka til høgre, og tek du til høgre, so skal eg taka til vinstre. 10Då skoda Lot i kring seg og og såg at heile Jordansletta, alt burtåt Soar, var rik på vatn yver alt, som Herrens hage, som Egyptarlandet - det var fyrr Herren hadde lagt Sodoma og Gomorra i øyde. 11Og Lot valde seg ut heile Jordansletta. So tok Lot austigjenom, og dei skildest frå einannan. 12Abram vart buande i Kana'anslandet. Og Lot budde i byane på Jordansletta og lægra alt burtåt Sodoma. 13Men mennene i Sodoma var vondt og synda groveleg mot Herren.#1 Mos 18,20-21; 19,4-11; Esek 16,49-50 14Og Herren sa til Abram etter Lot hadde skilt lag med han: Lat upp augo dine og sjå ikring deg frå den staden du stend, nordetter og sudetter, og mot austetter og vestetter! 15For alt det landet du ser, vil eg gjeva deg og di ætt til æveleg tid.#1 Mos 12,7 16Og eg vil lata ætti di verta som dusti på jordi; kann nokon telja dusti på jordi, so kann dei og telja di ætt.#1 Mos 15,5; 22,17; 1 Kong 4,20 17Upp og far landet igjenom, so langt og so breidt som det er! For deg vil eg gjeva det. 18So flutte Abram tjeldbuene og kom til terebintelunden åt Mamre i Hebron. Der vart han buande, og bygde Herren eit altar.#1 Mos 14,13; 18,1
Markert nå:
1. Mosebok 13: NO1938N
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© Norwegian Bible Society 1938
© Bibelselskapet 1938
https://www.bibel.no/Nettbibelen/Opphavsrett_2
