MAK 1
1
Baptias Ae Pipa Johon Rouril
(Mit. 3:1-12; Luk. 3:1-18; Jhn. 1:19-28)
1Chungthieng sanao Jisu Khrista hina ahra rou weh. 2Isaah rouphu na hita jiekka shi so weh: “Na ma halla keina karouril malmashi hla ange,
‘Amona na lam sattange.’
3Ramrukka sanrol akha na kokke, ‘Arengpu tarang lam satto,
hana malam ha jangpi oh.’ ”
4Chuna ramruk tieng hai thouwa Johon na phao weta shilung hlonga pak tullu lu no rang rourilla baptias ae pi ae. 5Judiah ram sung limna akha chu Jerushalem malmashi ngei na makolla tuk hlakka mani pak tullu lim ril shuk weta Jordon tuiwa ah baptias amo na ae pi.
6Johon punchoi dierchoi chu jangkulsha akha chu akonga savut jemme hana hao lea huistui bak ae. 7Hana marou ril chu hi so weh, “Kanutieng aphao angpa chu keita lella loktekka, chuna kei chu machung honghup rui phao hla kom matik cha nonge. 8Keina tui sunga baptias nangta la pi sange. Chuti weta amo na chu nangta Muihla Athieng hitta baptias ae pi ange.”
Jisu Baptias Ae Na Akha Chu Ahlempa
(Mit. 3:13—4:11; Luk. 3:21-22; 4:1-13)
9Hana lei apha ah Jisu na Galily sunga Nazaret ram hai thou phao ah Jordon na Johon kolla baptias ae. 10Jisu na tui sung hai thou shukka, wan tienga ripha so muihla na wurhu hekta machunga jung. 11Hana wan tienga sarol akha theipha so, “Nanghi kalungshit sanao pa ae; nakolla keina leima ariem singe.”
12Apha hana makka muihla na amota ram rukka hla so weh. 13Hana rungnie somly ram rukka saitan na hlem ma. Amo hi ramsa ngei hitta am ha ae. Wanrui ngei na kom amo ta san ae.
Jisu Na Tuirik Mant Apa Inly Ta Kok
(Mit. 4:12-22; Luk. 4:14-15; 5:1-11)
14Johon ta raen inn sunga shi shu takka. Jisu na Galily ram ma thing weta Chungthieng ahra rou dangpi ae. 15“Apha nai so weh,” amona rile, “Chungthieng rengram nai so. Na pak hai thou wa lea jou oh akha chu ahra rou hata ngoiring jou oh!”
16Galily tuipi hou wa Jisu na wak juija Saimon akha chu mata Andreu na tuikunga len denga am ripha so tichu manui ha tuirik mant mee ae. 17“Wa oh kanutieng juijo.” Jisu na ril, “Hana keina nangta tuirik mant hai thou wa mee mant rang chu pi ange.” 18Apha hana makka mani len hou phurra manutieng juiso.
19Amona aram ahui te lella mathingjui Zebedi sanaorel Jacob akha chu Johon kungsunga len photta am ripha so. 20Apha taino lutta manuita kokke. Hana mamuina mapa Zebedi ta kung sunga hou phurra manutieng juija thingso ae.
Jisu Na Hralou Muihla Ta jul Na
(Luk. 4:31-37)
21Jisu akha chu arui ngeina Sabath rungnie hana kaphernahum ma thing weta Senagogue sunga chupi takpi thouso weh. 22Machupi takpi majaitha hi rijuija asunga am malmashi ngei na angak shukka pi hi rouphun hina ocha hekti no weh, hata lella amona arat jaitha tella chupi ae.
23Hana makka Senagogue sunga hralou muihla lut am apa akha na hita au weh. 24“Nazaret ta Jisu, nangna kanita ejongpa di ah che? Kanita mangpi tikta phao ah che? Keina nang atu moti ha dang inge. Nang chu Chungthieng athieng rou ron ae!”
25Jisu na hralou muihla ta dai tik ti oh rillea. “Shukjou oh makolla haithou!”
26Chuna hralou muihla na apa hata hirpi ah rol ringa au wa makol hai thou shukso weh. 27Hana sunga am malmashi ngei na akha lea akha saihlakka akha chu angak shukka, “Nahi emo weh? ejongpa ma ae nea am ma routhar chupi chak no wa hralou muihla ta kom thingo ril weta marou juija thinghi!”
28Chuna Jisu hina rou hi Galily ram lim ma ranga thang so weh.
Jisu Na Ana Mee Tamma Danpi
(Mit. 8:14-17; Luk. 4:38-41)
29Senagogue amunt thou wa amo na shukke Jacob akha chu Johon ruiweta Simon akha chu Andreu inn na lut so weh. 30Saimon mapi atun thou wakot chunga am ha Jisu kolla manina takpi ae. 31Chuna makolla wa weta thouranga akut oh-weta thoupi so weh hana atun nokhako dam so weh. Chuna amona mani sipa ae so ae.
32Chanutienga nitak ka meengeina Jisu kolla ana akha chu hrano muihla na lut eja ruija phao ae. 33Hulokka am meelimna inmai hana boma ama, 34Jisu na damne no laina, eja ta dompi. Hralou muihla eja ta kom julla hla ae chuti weta hralou muihla eja ta ti chu mani na amo hi Khrista ae ta dange.
Jisu Na Galily Ah Rou ril
(Luk. 4:42-44)
35Leima angallei, hu-war-angtinga inn hai thou wa maniekna adai munna athei chakka nie ae. 36Saimon akha chu atonpi ngeina amota jong ae. 37Manina amota tuk hlak juija, manina rille, “Meelim na nangta yonga am meh!”
38Jisu na sange, “Ani na hu adang adanga kom thing ngei oh manitakom keina trong sui ange, chuna taranga hina kei wa singe.” 39Chuna Galily ramlimma thing weta senagogeu sunga lut weta rou rilleh akha chu hrano muihla eja ta julla hou ae.
Raichi Am Sapa Ta Dampi Na
(Mit. 8:1-4; Luk. 5:12-16)
40Raichi am sapa akhana Jisu kolla wa weta huuk hruna mokke, “Ejonga nangna ngaipi lea chu keita nangna thiengpi oh.”
41Jisu lungsunga ringrei ngaiya matakka tong weta. “Keina ngaisinge” “thieng jou oh.” 42Apha hana makka mareichi ha dama, thieng so weh. 43Hana Jisuna rou akal machunga dolla hla so weh. 44“Rou hi atu adang kolla suino oh, chuti weta nang natak damna thiempu ngei maija ripi weta Moses na roupi nu juija mani kolla mee lungir changrang pethieng-oh.”
45Chutiweta apa hana thing weta amunt chang honna roulin ha lokka sui so weh. Hina sarukka Jisu na hulok hana malmu num no
Markert nå:
MAK 1: CHOTBSI
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Chothe Naga NT - ATHARKUTHROU
Copyright © The Bible Society of India, 2014.
Used by permission. All rights reserved worldwide.
