LUK 14
14
Jisu Na Ana Spa Ta Dampi Na
1Sabbath rungnie akha ah Jisu na Pharisis lamkaipu inn na bu bakha ranga mathing juija hana mee ngei na amota neija anna am meh. 2Akae akut apum lei na na spa akha na Jisu kolla phao ae. 3Hanapa chu Jisu na roukung ocha lea Pharisis ngei ta sai, “Sabbath rungnie ah ana ta dampi hi ani roukung na angei ah no ae, ta sai?”
4Chuna pa chu mani na ephao wa sang no pa chu Jisu na spa hata manant dampi weta hla so ae. 5Hana amona manita ril, “Ejonga ni kar sunga nangei sanaopa anoleh silchelpa na sabbath rungnie ah kum sunga tul lea sabbath rungni makhal kom nangei na thing weta kaija shuk kang no wa che?”
6Chunapa chu mani atu nakom makolla sang nea no ae.
7Awin ahre na amunt ahra ha haljui ah Jisu na dangso chuna Jisu na mani limta na panteem hi ril. 8“Nangta apha akha ah mau rui na ah kok juija ongna hra tek ti mun na ong no oh. Roulam chu nangta hella chungtek ti atujong akha ta kokka ko ngei ae. 9Chuna nanuita kokka am pa na nakolla waveta hita ril ko ja ae, ‘Hi amunt hi amo na ong shu oh.’ Hana nang na thuitekti ongna amunt na ong ang ajakhang che ae. 10Hana saruk chu nangta kok juija thui tekti ong na amunt na ong thingo. Chu lea chu nangta kokka am pa na nakolla wa weta hita rillange, ‘Tronpi oh, hina hratek ti am na amunt na kal hango.’ Nahina nanghekta Awin matonpi eja ngei maikunga hella ajak atri shakkange. 11Chuna atujong akha na mathei chakka lokka hal mee chu nem mange hana atujong akha na mathei chakka nem ma hal mee chu alok changpi ange.”
12Chuna Jisu ha bubak kokka am pa ta ril, “Ejonga nangna mee kolla bubak nakok juija natronpi anoleh na u-nanao anoleh nata anoleh inn ning tultienga achong areng ta kok no oh, roulam chu mani na nangta lea ah kok kange hana mani ta nangna lea ah pe ah ta ae. 13Hana bu bak nakok juija nang sara ngei chak kokko, akha chu akea hor katlik mitcho ngei ta. 14Chu lea chu nangna jaihra pha ang che, roulam chu mani na etikkom nangta lea ah pe nea ang no ae. Ahra malmashi ngei na athi sa hai thou wa ringthou nie ah Chungthieng na nangta lea ah pe sier ange.”
Alok Reen Bubak Na Panteem
(Mit. 22:1-10)
15Jisu hitta ong ha ah bakha am akha na theija ril amota, “Chungthieng rengram ma ong ha weta bakha ang ngei, eja ah jaihra sa!”
16Jisu na makolla ril, “Apha akha ah spa akha na mee ngei ta alok reen bubak rang kokkae. 17Bubakrang apha ta juija chu amona marui ngeita makokphao awin lim ta rillo. ‘Wajou oh eheilem shu so ae!’ 18Chuti weta manina chu akha lea akha ngaidam hlak thouso. Chuna masha pa na arui hata ril, ‘keina loupok akha lei inge hana thing weta an thing ta so ae lungshi ngei ah keita ngakpi oh.’ 19Adang akha na ril keina sil chalpa papot ranga lei inge keina mani ta chang an nom inge keita ngakpi oh. 20Adang akha na ril, ‘kei chu taichang su lim ti inge chuna sarukka kei chu phao nea ang nijange.’
21“Hana arui na amitpu kolla lea weta na lim pa hi rilso. Amitpu ha lung leima sha ah arui hata ril, ‘Nangna husung sorok lamjai ah thingo, thing weta sara reiringei akae hor ngei katlik mitcho eja ruija phao oh.’ 22Leima ranga asuk hana sange, ‘Mitpu narou nu juija keina thing ange atun phao sunga ka leima tam am songe.’ 23Chuna amitpu hana asukta ril, ‘Nang na ram sunga am sorok lam ma thing weta meengei ta rillo, meengei phao weta ka inn hi shihak ti shu oh.’ 24Nangei ta kei na rillige ha chu, ‘Kakok sha awin ngei akha phao na kabu ka-an hina atui dangpha ang no ae!’ ”
Rui Changna Amant
(Mit. 10:37-38)
25Apha akha ah wairul rehana Jisu nutinga jui ah thing lei ah, Jisu na heileya manita ril, 26“Atungjongpa akha na kanu juija rol weta mapata manuta, anamei asanao ta hana anaonu anaopa ta akha chu makta hella lungshi lea chu etikkom karui chang nea ang no ae. 27Atu jong na mata khros ron ah kanutieng jui no lea chu karui chang nea ang no ae.
28“Atu jong akha na inn ahra sa tik ta halla am lea chu masha ah ong weta ma am masum hana thee weta sune ang su-ne-angno ti hal masha ae. 29Ejonga amo na hajong ae no lea chu amo na inn sune ang no ae inn mun chak thul weta chan lea chu amo ta ri meelim na nuisho ang no meh. 30‘Na spa hina inn sa thou weta ma tullu su ni oh!’ weta manina rillange.
31“Ejonga Rengpa akha spa lasing asom ruiveta ral ma ae thingjaija ma anda Rengpa akhana lalsing somnie spa ruija wa lea chu amo na masha ongveta adang rengpa ta ral mai ngakna ang mo ta akha chu marat mathei hana nea ang mo ta hal. 32Ejonga amo na nea ang no lea, amo na Rengpa hata tukhlakrang rou choi mee hla weta aram lah ah am lei ah adai ah am ha rang sai ang no meh,” 33hihekta nangei na kom ka rui chung tik kae ti lea chu nangei na eheilimpa hi pe hap malim chu jui nea ang no ae.
Atui Amlou Chi
(Mit. 5:13; Mak. 9:50)
34“Chi ti hi ahra ae, chuti weta atui ha mang shule woiha lea ah amota atui hap rang lampi akha phao am no ae. 35Naha alei tarang kom lei-hao tarang eko kana no ae, naha deng nga hou weh. Kur am lim na thei so oh!”
Markert nå:
LUK 14: CHOTBSI
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Chothe Naga NT - ATHARKUTHROU
Copyright © The Bible Society of India, 2014.
Used by permission. All rights reserved worldwide.
