Matiu 7
7
Gong mot takun taio
(Lk 6:37-38, 41-42)
1 #
Rom 2:1; 1 Kor 4:5; Jem 4:11-12 “Gong mot takun tar taio, sako o God in takun mot. 2#Mk 4:24Uni a warkurai ra mot takun taio nami, i ut ra o God in takun mot melet nami. Asi na ngas na warkurai ra mot takun taio nami, ra i tokodos o ke tokodos, i ut ra o God kai in takun mot melet nami. 3Ilai ra u tama pasi kut a burbururup kura unin matan o tisim, ikut ko nuk pas a nuduwai pi kura ut unin matam? 4Ra a nuduwai pi kura kut unin matam, un watung petlani torom o tisim lena, ‘An rakon ru a burbururup gusun in matam’? 5Ui a tene torotoro, un los mugu ru a nuduwai pi gusun in matam, ra un tamtama wakak, sur un rakon ru a burbururup gusun in matan o tisim.
6“Gong mot tabor a kum pap nama utna anun o God, sako det in tupukus ma det in karot ginogino mot. Ma gong mot woro anumot a dusaro tan a kum boro, sako det in pas ginogino i kut nama kum kikindet.
Mot in sasaring ma o God in tabor mot
(Lk 11:9-13)
7 #
Mk 11:24; Jn 14:13; 15:7; 16:23-24 “Mot in sasaring, ra din tabor mot, mot in sisio, ra mot in sio pasi, mot in pinpidik, ra din papos pas mot. 8#1 Jon 3:22; 5:14-15Uni det rop ra det sasaring din tabor det, ma osi ra i sisio in sio pasi, ma osi kai ra i pinpidik, din papos pasi.
9“Osi na pasamot, ra o nutunulik in saringi sur tu beret, in tabori kut nama wat? 10Ma ra in saringi kai sur tin kiripo, in tabori kut namin nusui? 11#Jem 1:17Mot a laulau na taro, ikut mot tasmani ut a kum wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama kum wakak na utna. 12#Mt 22:39-40; Lk 6:31; Rom 13:8-10A kibin a wasiso na Warkurai anun o Moses, ma a kum etowo anun a kum poropet i lenri: A kum utna rop ra mot nemi sur a taro det in pami torom mot, mot kai, mot in ser pami torom det.
A kisapi sur a nilaun ma a kisapi sur a iniru tukum
(Lk 13:24)
13“Mot in ruk una nat na matansako lik. Uni a matansako ma a kisapi ra i wan sur a iniru tukum, i perere ma i langolango, ma a susut na taro doko det ser ruk uni. 14Ikut a matansako ma a kisapi ra i wan sur a nilaun, i natino, ma a pak na taro kut det ser sio pasi.
In nanai ma a wino
(Lk 6:43-44)
15 #
Mt 24:24; Ap 20:29; 2 Pit 2:1 “Mot in tumarong mot gusun a kum torotoro na poropet. Det ser wan torom mot nama wakak na magirandet elar nama kum sipsip, ikut tiro ubalandet, det nem na ban laulau mot elar nama kum ngalngalia na pap. 16#Gal 5:19-22; Jem 3:12Mot in tama lele a kum torotoro na poropet tagun a windet ut. Pepetlai, din git pas in niwino wain tagun in kadas, ma in niwino fig tagun in suksuk? Awu, ken elar! 17Lenkutkai ra a kum wakak na duwai rop det ser wu a wakak na windet, ikut in laulau na duwai i ser wu a kum laulau na wino. 18In wakak na duwai ken wu lako laulau na wino, ma in laulau na duwai kai ken wu lako wakak na wino. 19#Mt 3:10; Lk 3:9; Jn 15:6A kum duwai rop ra ka det wu a wakak na windet, din tau ru det, ma din woro tar det una sungun. 20#Mt 12:33Ra mot in tama lele a kum torotoro na poropet tagun a windet ut.
A Labino in ipul lena, “Ka tasman mot”
(Lk 13:25-27)
21 #
Lk 6:46; Jem 1:25 “Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu. 22Una bung na warkurai a susut na taro, det in watungi tang lena, ‘Labino, Labino, met wasiso na poropet nama risam, ma met lakro ru a kum laulau na nion kai nama risam, ma met pam a susut na utna na ukisin nama risam.’ 23#Sng 6:8; 2 Tim 2:19An balu det lena, ‘Ka tasman mot. Mot a kum tene sakino, mot in nan gisen gusun iau.’
Aru tene pam rumu
(Lk 6:47-49)
24“I mo ra det rop ra det longoro anung a kum wasiso ri, ma det muri, det elar nama tene mananos, ra i pam tar anun a rumu netes una wat. 25A bato i puku, ra a lomom i wanpat, ma a wuwu i ragoti ra i um a rumu ra, ikut ke toropo lar pas, uni di utur tari netes una wat. 26Det rop ra det longoro anung a kum wasiso ri, ikut ka det muri, det elar nama longlong, ra i utur tar anun a rumu netes kut una woio, ma ke por dekdek a kum pos. 27A bato i puku, ra a lomom i wanpat, ma a wuwu i ragoti ra i um a rumu, ra i toropo, ma i terege mut.”
28 #
Mk 1:22; Lk 4:32 Ra o Iesu i sa watung rop tar a kum wasiso ri, a kunur na taro det kisin una nun a kum etowo, 29uni i ususer det elar nam ara, ra a warkurai kura ut tano. Ke ususer det elar nam anundet a kum tene ususer tagun a Warkurai.
Markert nå:
Matiu 7: kqw
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2019 Wycliffe Bible Translators, Inc. All rights reserved.
