Matiu 6
6
A etowo una etabor
1 #
Mt 23:5
“Mot in tumarong mot sur gong mot pam anumot a wakak na pinapam umatan a taro kut, sur det in tama i ma det in watung ulabo pas mot. Ra mot pami lenra, katu ikul anumot tan a Tamamot ra i kis sapat una langit. 2Ra un tabor a kum sibo na taro, gong u wasiso mugu sur a taro det in tama ui. A taro ra ka det etabor nama lingmulus una balandet, det ser wasiso mugu nam anundet a etabor una kum rumu na lotu ma una kum kisapi kai, sur a taro det in watung ulabo pas det uni. Gong mot pami elar nam det. A inanos mot nama lingmulus, ra a taro det ulabo pas det, i ut ra anundet a kudulano ikul. 3Ra un tabor a kum sibo na taro, gong taio i tasman a utna ra u pami, un pam eno i kut. 4Ra u pami lenra, o Tamam ra i tama a utna ra u pam eno i, in pitar a ikul tam.
A etowo una niaring
(Lk 11:2-4)
5 #
Mt 23:5; Lk 18:10-14 “Ra mot in wararing, gong mot elar nama kum tene torotoro. Det nem doko i sur det in tur ma det in wararing una kum rumu na lotu, ma una kum nubual ra a taro det wanan tomo iai, sur a taro det in tama det ma det in watung ulabo pas det. A inanos mot nama lingmulus, ra a taro det ulabo pas det, i ut ra anundet a kudulano ikul. 6Ikut ui, ra un wararing, un ruk una num a rumu ma un tagar bat pas ui, ma un wararing torom o Tamam ra kataio i tama i. Ma o Tamam ra i tama a utna ra u pam eno i, in pitar anum a ikul.
7 #
1 Kin 18:26-29
“Ra mot in wararing, gong anumot a wasiso i walos ma mot wasiso oros kut, elar nama kum niaring anun a taro ra det lotu torom a kum torotoro na god. Uni det nuki lena, din longoro det ra det watung a susut na wasiso. 8#Mt 6:32Gong mot elar nam det, uni a Tamamot i sa tasman tar asau rop ra mot sibo suri, ra ka mot wararing utmakai.
9“Mot in wararing lenri,
‘Tamamet sapat netes una langit,
i wakak ra din ru a risam.
10 #
Lk 22:42
I wakak ra anum a matanitu in nanpat.
I wakak ra din mur anum a nemnem nin una rakrakon bual,
elar nami ra di ser muri sapat netes una langit.
11A bung ri un tabor met nam amet a utna na inangon.
12 #
Mt 6:14-15; 18:21-35 Un unus ru anumet a kum sakino petutna,
elar nam met dumano ru anundet a kum sakino petutna torom met.
13 #
Lk 22:40; Jem 1:13; Jn 17:15; 2 Tes 3:3 Gong u ben met una ululam.
Un ulaun met gusun a Tene Sakino.’#6:13 Una ramano kum du buk una wasiso Grik, a ramano kum wasiso kai i kis una vers ri. I lenri: Uni anumi kut a matanitu ma a dekdek ma a minamar, ma ken rop. Amen.
14 #
Mk 11:25-26
“Ra mot in dumano ru a kum sakino petutna ra a taro det pami un mot, a Tamamot, ra i kis sapat una langit, in unus ru anumot a kum sakino petutna kai. 15Ikut, ra ka mot dumano ru a kum sakino petutna, ra a taro det pam tari un mot, a Tamamot kai ken unus ru anumot a kum sakino petutna.
A etowo una winewel
16 #
Ais 58:5-9
“Ra mot in wewel sur mot in wararing, gong mot tamtama na marmaris elar nama kum tene torotoro, uni det tamtama na marmaris sur a taro det in tama i lena det wewel. A inanos mot nama lingmulus, ra a taro det ulabo pas det lena det a kum tene lotu mulus, i ut ra anundet a kudulano ikul. 17Ra un wewel, un kom in lorim, ma un gos in masarim, 18sur gong a taro det tasmani lena u wewel. O Tamam kut, ra kataio i tama i, in tasmani. Ma o Tamam ra i tama a utna ra u pam eno i, in pitar anum a ikul.
A kum wakak na utna sapat una langit
(Lk 12:33-34)
19 #
Jem 5:1-3
“Gong mot ubek tomo a kum wakak na ululeng nin upiso, uni a koropos ma a moroto der in ban laulau ru det kut, ma a kum tene wolong kai det in rege pas anumot a kum rumu ma det in los a kum ututna. 20#Mt 19:21; Lk 18:22Mot in mur a kum tokodos na petutna sur in elar nama wakak na ululeng sapat una langit, uni a koropos ma a moroto ka der in ban laulau i, ma a kum tene wolong kai ka det in wolong lar pasi. 21Uni a nubual ra anum a wakak na ululeng i kis iai, anum a nilaun rop in kis uni.
A lam tagun a pinindat
(Lk 11:34-36)
22“Arin matandat der elar nama lam tagun a pinindat. Ra arin matam der wakak, a pinim rop in bukus nama talapor. 23Ikut, ra arin matam der laulau, a pinim rop in bukus nama dumirum. Ra anum a talapor i dumirum kut, a dumirum ra in labo sakit!
Gong mot nuknuk doko sur tu utna
(Lk 16:13; 12:22-31)
24“Katutaio in pet lar pasi sur in papam torom lako ru mugumugu. In nget ara pasander, ma in nem ara pasander, in nem doko ara, ma in rosumur gusun ara. Ka mot in papam lar pas torom o God ma torom a mani kai.
25 #
Pil 4:6; 1 Tim 6:6-8; 1 Pit 5:7 “I mo ra a watungi tamot lena, gong mot nuknuk doko una numot a nilaun sur asau mot in nani, ma asau mot in inumi. Ma gong mot nuknuk doko una pinimot kai sur asau mot in emar nami. A nilaun i labo taun a utna na inangon, niko? Ma a pinindi kai i labo taun in namalu, niko? 26#Mt 10:29-31; Lk 12:6-7Mot in tama a kum piko. Ka det marut tu utna, ma ka det pasong tomo lako utna, ma ka det umubek tomo un tu rumu, ikut a Tamamot ra i kis sapat una langit, i ser tabor det. Ma mot, mot labo doko taun det. 27Ra taio tamot in nuknuk doko una nun a nilaun, pepetlai, in pet lari sur in tugus walos lilik anun a nilaun? Awu!
28“Ilai ra mot nuknuk doko sur a malmalu? Mot in tama a kum purpur tagisa ubual, ra det lubung pepetlai. Ka det ser papam ma ka det ser pam malu. 29#1 Kin 10:4-7; 2 Sto 9:3-6Ikut a watungi tamot, a ememar rop anun o king Solomon i tamtama wakak bing, ikut ke tamtama wakak elar nama kum purpur ra. 30O God i mar a kum wuliso sa ubual nama kum wakak na purpurindet, ra i puspus uniri, ra markan din tun ru i una sungun. Ra i pami lenra una kum wuliso, pepetlai, ken mar mot kai? Anumot a nurnur i natino doko. 31Gong mot nuknuk doko ma mot watungi lena, ‘Asau ra dat in nani?’, o ‘Asau ra dat in inumi?’, o ‘Asau ra dat in emar nami?’ 32#Mt 6:8Uni a taro ra ka det nurnur, det ser dekdek sur a kum utna rop ri, ikut a Tamamot ra i kis sapat una langit i tasmani lena, mot sibo sur a kum utna rop ri. 33#1 Kin 3:13-14; Sng 37:4, 25; Rom 14:17Mot in sisio mugu sur anun a matanitu ma anun a tokodos na petutna, ra in tabor mot kai nama kum utna rop ri. 34I mo ra gong mot nuknuk doko sur a bung markan, uni markan in nuknuk ut suri. A ninunuk sur ara bung taktakai i topasi ut a bung ra.”
Markert nå:
Matiu 6: kqw
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2019 Wycliffe Bible Translators, Inc. All rights reserved.
