Luka 3
3
Yohana Batizelipye wo Kilɛ jomɔ yɛrɛ
(Macoo 3:1-12; Marika 1:1-8; Yohana 1:19-28)
1Oromɛ saannaa Tibɛri wo saanra ti yee kɛ ni kaguro wuu, lee wa bi Pɔnsi Pilate ta Zhude fiige ki gbafɛnɛɛri; Hɛrɔdi di bye Galile fiige ki ɲuŋɔ ni; wu ceborona Filipe di bye Iture ni Tirakoniti, yee fiiye yi ɲuŋɔ ni; Lisiɲasi di bye Abilɛni fiige ki ɲuŋɔ ni. 2Anɛ ni Kayifɛ bi bye saraya ɲaha shɔɔnrivɛɛ ɲuŋɔfɛɛ. Wee tuun wu ninumɔ ni, a Kilɛ jomɔ pʼi nɔ Zakari ja Yohana na na wu yaha siwaga ki ni. 3Yohana bi Zhurudɛn Gba lɔhɔ ki kulogoo ki bɛɛri ɲaari, na Kilɛ jomɔ pu yɛrɛ pyi sipyii pu mu na pu daajeŋɛ jo pu jurumu wu na pʼi batize, kɔnhɔ pu jurumu wʼi yafa pu mu. 4Ma na jo ba lʼa ka Kilɛ tudunmɔɔ Ezayi wo Kitabu wu ni wɛ na:
«Mujuu lʼa fòro siwaga ki ni na:
‹Yi Kafɔɔ wu koo li yàa!
Yi wu korogoo ki tii!
5Loguuyo ye bɛɛri na ba ɲi daanna.
Faaboboyo ni boboŋɔɔ ki bɛɛri
na ba digi na daanna.
Konahaya ye bɛɛri na ba dii.
Takokaya ye bɛɛri ɲɔ na ba daanna.
6Kilɛ ya Adama nagoo shuu shɔgana lemu na ge,
sipyii bɛɛri na ba lee ɲa.›»#3:4-6 Ezayi 40:3-5
7Sipyii pii pu bi ma na batizeni Yohana mu ge, wu bi yi yu pee mu na: «Yee matɔn nagoo piiri, jɔgɔ wʼa yee kaala na yee pu paa Kilɛ wo loyire nibana le ɲaha na wɛ? 8Kapyegee kiimu kʼa li shɛɛ na yʼa daajeŋɛ jo yi jurumu wu na ge, yʼa kee pyi. Yi ganha ba yu yiyɛ funyɔ ni na Ibirayima wu ɲɛ yee to wɛ. Bani nʼa da yi jo yi mu, Kilɛ na já ye faakageeye ye ɲɛri na pye Ibirayima nagoo. 9Ali nimɛ, kacerege kʼa lɔ na xɔ, di da tiye yi niyɛ yi cere. Tige bɛɛri ki ɲɛ ki ya nagoo nizaamaa pyi-i ge, kee na ba gɔn, na ki wá na ni.»
10A sipyiire tʼi ganha na wu yegee na: «Wee tuun wu ni wèe ya yaa na lekɛ pye wɛ?» 11A wu pu ɲɔ shɔ na: «Fadeye shuun ɲɛ wemu mu ge, wu nigin kan funmɔ fɔɔ mu. Yalige yaaga ɲɛ wemu mu ge, wu bɛ wu li pye mu.»
12A fanhafɛɛ wari shɔvɔɔ pii bɛ di ba, kɔnhɔ pʼi batize, a pee di wu pye na: «Karamɔgɔ, wèe ya yaa na lekɛ pye wɛ?» 13A wu pu ɲɔ shɔ na: «We kaa lʼa jo yi mu ge, yi ganha da yaaga shɔ di doro wee ɲuŋɔ ni wɛ.»
14A sɔrɔsii pii bɛ di wu yege na: «Wèe do, wèe ya yaa na lekɛ pye wɛ?» A wu pu pye: «Yi ganha bu sipya wa shishiin wo wari shɔ wu na fanha na wɛ. Yi ganha kafinɛyɛ taga wa shishiin tɔɔgɔ le wɛ. Yʼi yiyɛ yaha yi saraa na.»
15Sipyii pu bi lee ɲibaŋa sigee, pu bɛɛri bi pu funyɔ kɔɔn Yohana shizhaa na, wu bu da wee ɲɛ Kirisa wu wɛ. 16A Yohana di pu bɛɛri ɲɔ shɔ na: «Nɛ kunni wa yee batizeni lɔhɔ yɛ ni. Ga wa wʼa ma, wee fanha ya ɲɛhɛ nɛ wogo na. Nɛ yaa ni wu tanhaya mɛɛrɛ bɛ zanha ni wɛ. Wee na ba yi batize Fɛfɛɛrɛ Munaa ni na ni. 17Wu shinma fɔ̀ fɔ̀ yaaga ki wa wu keŋɛ ni, wu na ba wu shinma saŋa ki foolo na wolo sigiye yi ni. Wu na ba shinma pya wu le wu kpɔɔn ni. Ga wu na ba sigiye yi sòrogo nafugibaaga ni.» 18Yohana bi jomɔ patii niɲɛhɛmɛ bɛ taga na sipyii pu yɛri, na Kilɛ wo Jozaama pe yu pu mu.
19Ga Yohana bi fiige ki ɲuŋɔfɔɔ Hɛrɔdi nahama shɛ wu na. Bani wee bi wu ceborona Filipe shɔ Hɛrɔjasi kɔn shɔ wu na. Na wu nahama jo wu na wu kakuuyo yi saya bɛɛri bɛ wuu na. 20Lee kadugo na a Hɛrɔdi di kakuunɔ la bɛ pye sanha na Yohana le kaso ni.
Yesu Kirisa batizeli
(Macoo 3:13-17; Marika 1:9-11)
21Ba sipyii pu bɛɛri ya batize xɔ wɛ, a Yesu bɛ di batize. Na wu yaha Kilɛ-ɲɛrɛgɛ ki na, a fugba wu ɲɔ di mugi; 22a Fɛfɛɛrɛ Munaa di digi wu na, ba gbegbe shazhira ɲɛ wɛ. A mujuu la di foro fugba wu ni na: «Mu ɲɛ nɛ ɲidaan Ja, mu kaa ya dan nɛ ni tɛhɛnɛ baa.»
Yesu Kirisa nɔhɔ tayirige
(Macoo 1:1-17)
23Yesu ya wu labye wu ɲɔ kɔn tuun wemu ni ge, wu shi wu bi yee kɛlɛɛ taanri (30) shi xɔ. Sipyii fungɔngɔ na na Yusufu ja wu ɲɛ wii.
Yusufu bi bye Heli ja.
24Heli ya foro Matati ni.
Matati di foro Levi ni.
Levi di foro Mɛliki ni.
Mɛliki di foro Zhanayi ni.
Zhanayi di foro Yusufu ni.
25Yusufu di foro Matitiya ni.
Matitiya di foro Amɔsi ni.
Amɔsi di foro Naxhumi ni.
Naxhumi di foro Esili ni.
Esili di foro Nagayi ni.
26Nagayi di foro Makati ni.
Makati di foro Matitiya ni.
Matitiya di foro Simeyi ni.
Simeyi di foro Zhosɛki ni.
Zhosɛki di foro Zhoda ni.
27Zhoda di foro Zhokana ni.
Zhokana di foro Ɛrɛsa ni.
Ɛrɛsa di foro Zorobabɛli ni.
Zorobabɛli di foro Salacɛli ni.
Salacɛli di foro Nɛri ni.
28Nɛri di foro Mɛliki ni.
Mɛliki di foro Adi ni.
Adi di foro Kɔsamu ni.
Kɔsamu di foro Elimada ni.
Elimada di foro Eri ni.
29Eri di foro Zhozuwe ni.
Zhozuwe di foro Elizɛri ni.
Elizɛri di foro Zhorimu ni.
Zhorimu di foro Matati ni.
Matati di foro Levi ni.
30Levi di foro Simiɲɔ ni.
Simiɲɔ di foro Zhuda ni.
Zhuda di foro Yusufu ni.
Yusufu di foro Zhɔnamu ni.
Zhɔnamu di foro Eliyakimu ni.
31Eliyakimu di foro Mɛlɛya ni.
Mɛlɛya di foro Mɛna ni.
Mɛna di foro Matata ni.
Matata di foro Natan ni.
Natan di foro Dawuda ni.
32Dawuda di foro Zhese#3:32 Zhese: Wee ninumɔ pʼa byi Izayi. ni.
Zhese di foro Obɛdi ni.
Obɛdi di foro Bowazi ni.
Bowazi di foro Salimɔ ni.
Salimɔ di foro Nasɔn ni.
33Nasɔn di foro Aminadabi ni.
Aminadabi di foro Adamini ni.
Adamini di foro Arini ni.
Arini di foro Ɛsirɔmu ni.
Ɛsirɔmu di foro Pɛrɛzi ni.
Pɛrɛzi di foro Zhuda ni.
34Zhuda di foro Yakuba ni.
Yakuba di foro Ishaaga ni.
Ishaaga di foro Ibirayima ni.
Ibirayima di foro Teraki ni.
Teraki di foro Nakɔri ni.
Nakɔri di foro Serugi ni.
35Serugi di foro Eregu ni.
Eregu di foro Pɛlɛgi ni.
Pɛlɛgi di foro Hɛbɛri ni.
Hɛbɛri di foro Selaki ni.
36Selaki di foro Kayinamu ni.
Kayinamu di foro Aripakisadi ni.
Aripakisadi di foro Sɛmu ni.
Sɛmu di foro Nuxhun ni.
Nuxhun di foro Lɛmɛki ni.
37Lɛmɛki di foro Mɛtusela ni.
Mɛtusela di foro Henɔki ni.
Henɔki di foro Zhɛrɛdi ni.
Zhɛrɛdi di foro Malelɛli ni.
Malelɛli di foro Kena ni.
38Kena di foro Enɔsi ni.
Enɔsi di foro Sɛti ni.
Sɛti di foro Adama ni.
Adama di foro Kilɛ ni.
Markert nå:
Luka 3: mykNTpo
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2019, Wycliffe Bible Translators, Inc. All rights reserved.
