Populære bibelvers fra San Marcos 12

Del

N‑jaꞌan Jesús: —Tnuꞌu taꞌu tniu taxnuni ka kuu: “Ñayiu Israel, kunini koio‑n. Taa‑ro Ianyuux, idini Ianyuux kuu‑ia. Io xa juemani koio‑n Taa‑ro Ianyuux. Xiꞌin nde yɨkɨ‑n, nde tuchi‑n, nde xaxtnuni‑n, nde anu‑n, juemani koio‑n‑ia.” Xaꞌa kuu tnuꞌu taꞌu tniu taxnuni ka. Te duꞌa jaꞌan tnuꞌu taꞌu tniu kuu uu: “Juemani koio‑n ñayiu, nani xemani‑n mee‑n.” Ña tuu ɨnka tnuꞌu taꞌu tniu taxnuni ka.

N‑kana Jesús se dakuaꞌa‑ia, te n‑xiaꞌan‑ia: —Xandaa kuu xa jaꞌan‑r. Kueꞌe ka dakeé viuda yaꞌa, viuda yo kundaꞌu, dada xa n‑ka dakeé ntdaa ñayiu kuika n‑ka dakeé kueꞌe tvini. Mee‑i, kueꞌe tvini xnevaꞌa‑i, te tvini ndoo nga ka dakeé‑i. Ko ñadɨꞌɨ yaꞌa, ñadɨꞌɨ yo kundaꞌu, ñatuka nax nevaꞌa‑ña. Ntdaa xa n‑xo nevaꞌa‑ña n‑dakeé‑ña.

Xiti veñuꞌu jan nukoo Jesús yatni nuu katuu xatnu nuu ka dakeé ñayiu tvini ka doko‑i nuu Ianyuux. Ndeꞌa‑ia kueꞌe ñayiu ka yaꞌa ijan. Kueꞌe se kuika n‑ka dakeé kueꞌe tvini. Ijan n‑xee ɨɨn viuda yo kundaꞌu. Mee‑ña n‑dakeé uu ni tvini kuechi ka. Yo itaꞌu tvini kuu.

Ndaa jaꞌan‑n, xa xiꞌin nde yɨkɨ‑ro, nde tuchi‑ro, nde xaxtnuni‑ro, nde anu‑ro, io xa juemani‑ro‑ia, te io xa juemani‑ro ñayiu, nani xemani‑ro mee‑ro. Vaꞌa ka xa jandixa‑ro tnuꞌu yaꞌa dada xa teñuꞌu‑ro kɨtɨ doko‑ro nuu Ianyuux. Vaꞌa ka xa jandixa‑ro tnuꞌu yaꞌa dada ntdaa xa doko‑ro nuu‑ia.

N‑jaꞌan Jesús: —Najuñaꞌa koio xa kuu xaxii César nuu César, te najuñaꞌa koio xa kuu xaxii Ianyuux nuu Ianyuux. Te n‑ka yuꞌu‑s‑ia.