Populære bibelvers fra Luke 14

Del

ဘၠီၣ်တဂၤလၢ်လၢ်လိ အဟဲလိ ယအိၣ်နဲၢ်, မဲၢ်တမဲၢ်လိ အဝဲဒၣ်အဲၣ်ယၤဒွိၣ်နဲၢ်အပၢ်လါ အမွိၢ်, အမါလါ အဖွိအလ့ၤတလိၣ်, အထီပုၢ်ဝဲၢ်ခွါတလိၣ်ဘျီး အထီပုၢ်ဝဲၢ်မုၣ်တလိၣ်, ဘျီး အနီၢ်ကစၢ်ဒၣ်ဝဲနဲၢ်နဲၢ်ဘၣ်ဘျီး, ကဲၣ်ယခ့ယပှၤတသ့ဘၣ်.

ဘၠီၣ်တဂၤလၢ်လၢ်လိ အတဝ့အထူၣ်စုညါဒၣ်ဝဲဘျီး ပိၤယခံနဲၢ်, ကဲၢ်ယခ့ယပှၤတသ့းဘၣ်.

တၢ်ဂ့ၢ်ဒ့းအ့ၤ ဘၠီၣ်တဂၤလၢ်လၢ်လိ အဆီၣ်လီၤအသးနဲၢ်, ကဘၣ်တၢ်ပၤထီၣ်ထီအီၤလိ.’

ယ့ၣ်ရှူးမၤကတၢၢ်တၢ်ဂ့ၢ်တမံၤအံၤဘျီး စံးဝဲ, ‘ဒ့းန့ၤအသိး မဲၢ်တမဲၢ်လိ သုဟ့လီၤကွံၤတၢ်လိ အအိၣ်လါသုခဲလုၤဘၣ်ဘျီး, သုကဲၣ်ထီၣ်ယခ့ယပှၤတသ့းနီတဂၤဘၣ်.

သုဝဲအကျၣ်တဂၤမဲၢ်ကူၣ်ထီၣ်ဖးလီၤလိ အဘှီၣ်ထီၣ်တၢၢ်ဖးထိတဖျၢၣ်နဲၣ် အဝဲကဆ့နီၤဆိဝဲ, ဘျီးဒွးကွၢ်ဝဲအပှ့ၤကလံၤကလီၤတ့ၤထဲလဲၣ်ခိဘျီး ဒ်သိး အကထ့ၣ်ဘၣ်ဝဲလိ အကမၤဝဲတုၤလိ အကတၢၢ်အဂီၢ်အစ့ၣ်လၢတလၢနဲၢ်ကဘၣ်မၤဝဲလိ. အဝဲမဲၢ်တမၤဒ့းန့ၤဘျီးပၤလီၤဝဲ လၢၢ်ခီၣ်ထံးဝံၤ အလီၢ်ခံ ဘှီၣ်ဝံၤဂ့ၤအတၢၢ်ဖးထိတသ့ဘၣ်သတးဘျီ, ဘၠီၣ်ကိးဂၤဒ့းလိ အထ့ၣ်ဘၣ်တၢ်မၤအသးတလိၣ်ကန့ၤဘၣ်ဖၣ်လဲအီၤလိ. အဝဲဝီၤကစံးဝဲ, ‘ဘၠီၣ်တဂၤအံၤစးထီၣ်သူၣ်ထီၣ်တၢ်လၢၤဘျီး မၤဝံၤဂ့ၤဝဲ တသ့းဘၣ်.’

မဲၢ်မဲၢ်ဝဲဒ့းအ့ၤ, ဖဲနကတဲၤကတီၤတၢ်အီၣ်တၢ်အိအမူးနဲၢ်, ကွဲဘၠီၣ်ဖှီၣ်ဖွိယၤဖွိ, ဘၠီၣ်ဃ့းဘၠီၣ်ကွဲၣ်, ဘၠီၣ်ခီၣ်တဂ့ၤလါဘၠီၣ်မံၤဘျိၣ်တလိၣ်နဲၢ်တကဲၢ်. ဘျီးနကဘၣ်တၢ်ဆိၣ်ဂ့ၤနၤလိ. တၢ်ဂ့ၢ်ဒ့းအ့ၤ, အဝဲဝီၤဟ့ဆၢဂ့ၤနၤတသ့းဘၣ်. ဖဲဘၠီၣ်ဂ့ၤဘၠီၣ်ဝၣ်တလိၣ်ဂ့ၤထ့ဂ့ၤလိ တၢ်သ့း အဆၢကတီၢ်နဲၢ် နကဘၣ်တၢ်ဟ့ဘျုးဂ့ၤနၤလိ ကစၢ်ယွၤလိ.’

အံသၣ်နဲၢ် မဲၢ်တၢ်လိ အဂ့ၤလိ. လၢၤဘျီးအံသၣ်အဟီမဲၢ်ဟါမၢ်ကွံၤနဲၢ်, တၢ်မၤဟီထီၣ်ဂ့ၤအီၤကသ့းဝဲဒ်လဲၣ်ခိ. လိဟီၣ်ခွိၣ်အဂီၢ် မဲၢ်ဂ့ၤဟီၣ်ခွိၣ်ညၣ်ထ့ၣ်အဂီၢ်မဲၢ်ဂ့ၤ, အဘျုးအဖှိၣ်တအိၣ်နီတမံၤဘၣ်. ဘျီးဘၠီၣ်စူးကွံၤအီၤလိ. ဘၠီၣ်အိၣ်လါ အနၢ်လိ အနၢ်ဟူတၢ်သ့နဲၢ် မ်အဒိကနၣ်တၢ်တကဲၢ်.