Populære bibelvers fra लुका 6

Del

अउरलाइ दिय रे परमेस्‍वरले तमुलाइ लइ दिन्‍याछन्। परमेस्‍वरले खादि खादि पोखिनज्‍या सम्‍म दिन्‍याछन्। जइ नापले तमु अउरलाइ दिन्‍छउ तसइ नापले तमु पाउन्‍याछउ।”

निका मान्‍सले आफना मनमि भया निका कुराको भन्‍डारबटहइ निकाइ कुरा निकालन्‍छ। फुचेरो मान्‍सले आफना मनमि भया फुचेरा भन्‍डार बटहइ फुचेराइ कुरा निकालन्‍छ। क्‍यालाइकि जि मनमि छ, तेइ कुरा मान्‍सले बोलन्‍छ।

तसो हइन सत्‌तुरलाइ पिरिम अर, तिनुनको भलाइ अर। रे रिण माग्‍द्‌यालाइ फिर्ता नआउन्‍या आसा अरिबर रिण दिय, तसो अर्‍याले तमरो इनाम ठुलो हुन्‍या छ, रे तमु माहान परमेस्‍वरका चेला-चेलि हुन्‍याछउ, क्‍यालाइकि परमेस्‍वर त बइगुनि रे स्‍वार्थिलाइ लइ दया अद्‌दाहान्।

परमेस्‍वर जसा दयालु छन्, तमु लइ तसाइ दयालु हउ।

“अउरको गल्‍ति जनखोजउ रे परमेस्‍वरले तमरो गल्‍तिलइ खोज्‍या आथिनन्। अउरलाइ दोस जनलगा रे परमेस्‍वरले लइ तमुलाइ दोस लाउन्‍या आथिनन्। अउरलाइ छिमा दिय रे परमेस्‍वरले लइ तमुलाइ छिमा दिन्‍याछन्।

“तर मुइले सिछ्‍या दिया सुन्‍या जति तमुलाइ मु भुन्‍नउ सत्‍तुरलाइ पिरिम अर रे आफुलाइ पिरिम नअद्‌द्‌यालाइ पिरिम अर। तमुलाइ सराप दिन्‍यालाइ आसिस दिय कसइले तमुलाइ ननिको अरन्‍छ भुन्‍या उइका भलाइकि निउति प्रार्थना अरिदिय।

अउरनले तमुलाइ जि अरिदिया चाहान्‍छउ, तमुले लइ अउरनलाइ तसोइ अर।

कसइले तमुलाइ एक गालामि हाणन्‍छ भुन्‍या अर्खा गालामि लइ हान्‍नदिय रे तमरो कोट खोस्यालाइ कमिजलइ लइजानदिय। माग्‍द्‌या जति सप्‍पइलाइ दिय तमरो चिजबिज लइजान्‍यासित फिर्ता जनमाग।

“निका रुखमि फुचेरो फल फल्‍लइन्‌ तसेरि फुचेरा रुखमिलइ निको फल फल्‍ल सक्‍दइन्‌।

रे कोइ लइ रुख तइको फलबटहइ चिनिन्‍छ। काँडाका झाङबटहइ नेभारा टिप्‍दाइन रे न त अंगुर बटुलाहान्।