Populære bibelvers fra मर्‌कुस 12

Del

येसुइ जबाफ दिहिक्, “सभइकते बड्‍को चाहिँ एइ हो, ‘ए इजराएल सुनो, परमपर्‌भु हाम्‍रो परमेस्‍वर एउटा मात्‍रे पर्‌भु बाटि। तइ परमपर्‌भु आफ्‍नो परमेस्‍वरके तोरो सभइ मन, सभइ आत्‍माइ, तोरो सभइ बुद्‍धिइ र तोरो सभइ बलइ माया गरेस्।’ दोस्‍रोचाहि इ हो, ‘तइ आफ्‍ने छिमेकिके आफ्‍नाइ जस्‍ने माया गरेस्।’ इनहानकते बड्‍को आग्‍याहान आर्‌को नाटि।”

आफ्‍नो चेलाहान्‍के आफिठुँ बोलाइकनि येसुइ उनहान्‍के कहिक्, “साच्‍चि मइ ताहान्‍के कतिन, भेटिको बाकसमा चढालारहान्‍मध्‍ये इ गरिब बिधुवाइ सभइकते धेरे चढाइक। क्‍यारेकनि सभइ जनाइ आफ्‍नो आफ्‍नो उबर्‌लो सम्‍पतिभि चढावाइ, तर इ बेटिइ चाहि आफि गरिब होखिकनि पनि जिबन चलालाहार सभइ खर्‌च चढाइक।”

अनि येसु मन्‍दिरको भेटि घाल्‍लाहार ठउँको नजिक बिसिकनि मानिसहान्‍को भिडके भेटिको बाकसमा भेटि चढालो चाहिधार्‌लो रहिक्। धेरे धनि मानिसहान्‍इ धेरे धेरे पइसा चढावाइ। अनि एउटा गरिब बिधुवा आइकनि तामाको दुइ सिक्‍का, मतलब एक पइसा चढाइक।

ओख्‍राइ सभइ मनइ, सभइ बुद्‍धिइ, सभइ बलइ माया गर्‌नि, र छिमेकिके आफ्‍नाइजस्‍ने माया गर्‌नि सभइ होमबलि र बलिदानहान्‍कते बड्‍को कुरा हो।”

तब येसुइ उनहान्‍के कहिक्, “रोमि राजाको चिजहान रोमि राजाके ज देहो, र परमेस्‍वरको चिजहान परमेस्‍वरके ज देहो।” येसुइ यस्‍नो जबाफ देलो सुनिकनि उनहान छक्‍क पर्‌वाइ।